35% af kjötneyslu mannkyns verði stofnfrumuræktað kjöt
- Áskoranir í matvælaframleiðlu – Er stofnfrumuræktað kjöt framtíðin?
Ráðstefna Maturinn, jörðin og við fer fram í Hofi á Akureyri 10. og 11. nóvember .
Félagið Auður Norðursins í samstarfi við Byggðastofnun, og með stuðningi fleiri aðila, efna til ráðstefnu um áskoranir og tækifæri í matvælaframleiðslu, í nútíð og framtíð.
Eins og fram kemur í markmiði ráðstefnunnar verður fjallað um innlenda matvælaframleiðslu frá mörgum sjónarhornum. Efni ráðstefnunnar ætti því að höfða til margra, sér í lagi þeirra sem tengjast matvælaframleiðslu með einum eða öðrum hætti og þeirra sem móta stefnu á því sviði. Einnig til þeirra sem horfa til umhverfis- og loftslagsmála, almennrar samfélagsþróunar og byggða- og atvinnuþróunar um land allt. Þess er vænst að með ráðstefnunni skapist góð yfirsýn með upplýsingum og umræðu um þetta mikilvæga samspil sem getur skipt sköpum til framtíðar.
Vikublaðið ræddi við Pétur Þór Jónasson sem er formaður félagsins, Auður Norðursins.
Loftslagsmál í deiglunni
„Á ráðstefnunni verður fjallað um þær miklu breytingar sem eru að verða á þessum tímum. Loftslagsmál hafa heilmikið að segja, þar eru áskoranir í framleiðslunni. Svo eru miklar neyslubreytingar út af breyttum lífstíl, heilsusjónarmiðum og ýmsu fleiru,“ segir Pétur.
Pétur segir jafnframt að á ráðstefnunni verði málefni matvælaframleiðslu á landinu öllu til umfjöllunar. „Matvælaframleiðsa er mjög stór á okkar svæði og því er þessi ráðstefna mikilvæg fyrir Norðurland í því samhengi,“ segir hann og bætir við að um viðamikla ráðstefnu sé að ræða sem varir í tvo daga. „Það kemur til af því að við erum að reyna dekka sviðið og það er verið að horfa á þessi mál frá sem flestum sjónarhornum.“
Fyrri dagur ráðstefnunnar verður farið yfir helstu áskoranir sem íslensk matvælaframleiðsla stendur frammi fyrir. Bæði í loftslagsmálum og líka í sambandi við næringu og möguleika á Norðurslóðum. „Þannig að það verður víða komið við fyrri daginn,“ segir Pétur.
Breytt neyslumynstur
Síðari daginn segir Pétur að skarpari fókus verði á einstakar greinar. „Hvað er verið að gera í framleiðslu innan landbúnaðarins og eins í sjávarútvegi. Síðan er horft líka á þessa áhrifaþætti eins og veganisma sem er mjög vaxandi á Íslandi eins og annars staðar. Hvaða sjónarmið eru þar?“ segir hann og bætir við að dýravelferð sé þema sem horfa þurfi meira til. „Enda er aukin pressa frá neytendum að huga vel að þeim þætti.“
Þá bendir Pétur á að lokaerindi ráðstefnunnar muni eflaust vekja mikla athygli hjá flestum. Þar verður þeirri spurningu velt upp hvort hægt sé að framleiða kjöt án þess að drepa dýr?
Stofnfrumuræktun framtíðin
„Það getur vel verið veruleikinn í náinni framtíð, að slík kjötframleiðsla fari fram á Íslandi. Orf líftækni eru í þessum rannsóknum þannig að það er heilmikið að gerast. Við ætlum að kíkja aðeins inn í þann heim, það eru heilmiklar framfarir í líftækni sem valda þessu,“ útskýrir Pétur.
Því hefur verið spáð að árið 2040 muni um 35% af kjötneyslu mannkyns vera stofnfrumuræktað kjöt. Í dag eru um 70 fyrirtæki í heiminum sem vinna að nýstárlegri tækni sem felur í sér framleiðslu á kjöti með stofnfrumuræktun, og án þess að drepa dýr.
Íslenska fyrirtækið ORF Líftækni fjallar um það hvernig fyrirtækið ræktar byggplöntur og nýtir erfðatækni til þess að framleiða nauðsynleg prótein fyrir stofnfrumuræktun á kjöti sem gæti breytt matarvenjum okkar til frambúðar. Auk þess er talið að þessi framleiðslutækni geti dregið verulega úr umhverfisvandanum sem heimurinn stendur frammi fyrir.
Dr. Björn Örvar vísindastjóri ORF Líftækni hf. mun fjalla um framlag fyrirtækisins í lokaerindi ráðstefnunnar.
/epe
Nýjast
-
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins. -
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17.
