20. nóvember - 27. nóvember - Tbl 47
Tón - list
Ásgeir Ólafsson skrifar
Þegar við skoðum myndlist skoðum við myndina og virðum hana fyrir okkur alla. Þegar við lesum bækur og/eða ljóðlist lesum við öll orðin til að ná innihaldinu öllu. Þegar við skoðum högglist virðum við alla styttuna fyrir okkur og þegar við horfum á þætti eða bíómyndir þá horfum við á allt sem þar fer fram og megum ekki missa af neinu. En við hlustum á eitt og eitt lag af heilli plötu sem tónlistarmaður gefur út. Það er jafn mikil vinna lögð í öll hin lögin sem við missum af og heyrum kannski aldrei.
Ég fór í Louvre safnið í París fyrir ekki svo löngu og sá þetta betur þegar við fórum í Ítölsku deildina. Þar var málverk eftir Leonardo DaVinci sem keypt var af Frakklandskonungi á sínum tíma fyrir litla 4000 gullpeninga eftir að listamaðurinn lést. Það var aðstoðarmaður listamannsins sem hagnaðist á málverkinu þegar það fór til Frakklands. Þarna hékk það inn á salerni hjá Leonardo og fór svo til Parísar í Konungshöllina. Málverk sem ekki er mikið stærra en tölvuskjár að stærð, eða 77 x 53 cm.
En málverkið varð strax merkilegt af því að það fór í hendur Konungs.
Í sama herbergi í Louvre, hinumegin í salnum, beint á móti Monu Lisu var annað málverk sem fékk ekki mikla athygli. En það er 6 metrar á hæð og næstum 10 metrar á lengd og þakti heilan vegg. Málverkið er málað af Paolo Caliari og heitir ,,The wedding feast at Cana“. Þar málar hann viðburðinn þegar Jesú breytti vatni í vín. Það gerðist þar og er orðið löngu sögufrægur atburður. Eitthvað sem allir þekkja. Og vildu kannski eiga? Eða sýna athygli?
En hver var þessi Lisa Gherardini og af hverju er 77 x 53 málverk orðið 120 milljarða króna virði í dag? Hvernig getur slíkt málverk laðað að eina milljón manna í Louvre safnið á degi hverjum? Já, á hverjum degi.
Frakklandskonungur á 16. öld gerði það merkilegt af því að hann átti það.
Er sumsé hægt að markaðssetja ofan í mann list? Er ekki list eitthvað sem er innra með okkur og mismunandi?
Af hverju hlustum við ekki á alla plötuna með Bubba eða Björgvini? Af hverju hlustum við bara á eitt og eitt lag? Eru markaðsmenn og konur, útgefendur og tónlistarstjórar að stýra ofan í okkur því sem Á að verða vinsælt? Er þetta svona auðvelt? Eru þeir á pari við Frakklandskonung?
Málverkið sem var hinumegin í salnum fékk mikla athygli frá fimmtugum íslendingi sem kom á staðinn og nennti ekki í röðina að mynda Monu Lisu. Það þótti ekki mörgum gestunum þetta 6 x 10 metra stóra málverk merkilegt og fékk hann því frið að skoða það gaumgæfilega.
Sami aðili hlustar á alla plötuna með Bubba og Björgvini, í réttri röð, og þótti mikið til koma hjá Paolo Caliari og málverkinu hans The Wedding feast at Cana.
Nýjast
-
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember.
