20. nóvember - 27. nóvember - Tbl 47
Enn um skipulagsmál
Hjörleifur Hallgríms
Mér hefur orðið tíðrætt um skipulagsmál hér á Akureyri og hefur áhugi minn beinst helst að því að ég er ekki sáttur við mikla háhýsabyggð, sem mér hefur fundist stundum óþörf og illa ígrunduð hvað staðsetningu varðar t.d. þegar um er að ræða 7-8 hæða blokkir.
Í mínum huga eru það 3ja hæða blokkir eða raðhús, sem mér finnast æskileg og jafnvel upp í 5 hæðir þar sem það á við. Svo ég taki nýtt dæmi með háhýsi vil ég nefna nýsamþykkta blokk við Viðjulund, sem þó hefur annað húsið verið lækkað um eina hæð og bara í því tilfelli verður mér hugsað til næstu nágranna í lágreistari húsum hvað blessað sólarljósið varðar þegar því nýtur við svo ég tali nú ekki um verulega skert útsýni líka. Það gladdi mig mjög er ég sá nýja teikningu af húsi, sem til stendur að byggja við Norðurgötu nr. 3,5, 7 og sýnir tveggja hæða hús með risi, rosalega flott teikning.
Áhugi minn á lágreistari byggð er líklega tilkominn vegna þess að ég er uppalinn Innbæingur til tvítugs aldurs en þar eru byggingar frekar lágreistar, jafnvel hús á einni hæð og mest upp í tveggja hæða byggingar með risi. Innbærinn er líka elsti bæjarhlutinn og þar er upphafið að Akureyrarkaupstað og nafnið AKUREYRI varð til. Að lokum til gamans má má geta þess að við uppbyggingu Innbæjarins áttum við Innbæingar bæði skautadrottningu og skautakóng einnig skíðakónga fleiri en einn í svigi, stórsvigi, göngu og stökki og að lokum er íþróttafélagið mitt KA sem ég gekk til liðs við 8-9 ára gamall stofnað í INNBÆNUM.
Nýjast
-
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið. -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Norðurorka lækkar samfélagsstyrki á næsta ári
Stjórn Norðurorku hefur samþykkt að lækka styrki en fyrirtækið hefur undanfarin ár veitt styrki til margvíslegra verkefna og málefna. -
Norðurþing Rauði krossinn hættir fatasöfnun
Heimasíða Norðurþings segir frá þvi að Rauði Krossinn í Þingeyjarsýslum hættir allri fatasöfnun þann 26. nóvember 2024. Eftir sem áður geta íbúar í Norðurþingi losað sig við textíl (fatnaður, lök og handklæði, skór, dúkar og gardínur, tuskur og viskastykki) í grenndargáma fyrir textíl sem eru staðsettir á Húsavík, Kópaskeri og Raufarhöfn. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
FVSA kannar áhuga stéttarfélaga á Norðurlandi til sameiningar
„Þetta er hugmynd sem vert er að skoða og fróðlegt að sjá hver viðbrögð félaganna verða,“ segir Eiður Stefánsson, formaður Félags verslunar- og skrifstofufólks á Akureyri og nágrenni (FVSA). Nýlega sendi hann erindi til tíu stéttarfélaga á Norðurlandi til að kanna vilja þeirra til samtals um útfærslu á öflugu deildarskiptu stéttarfélagi á svæðinu.
