Tveir bátar Norðursiglingar halda til hvalaskoðunar og hvalarannsókna
Þrátt fyrir núgildandi takmarkanir vegna Covid-19 ástandsins hefur aðsókn í hvalaskoðun hjá ferðaþjónustufyrirtækinu Norðursiglingu á Húsavík verið virkilega góð í haust og á laugardaginn var eftirspurnin það mikil að fara þurfti aukaferð síðar um daginn.
„Það telst því til tíðinda að á meðan víða um land hafa ferðaþjónustufyrirtæki gert hlé á starfsemi sinni þá þurfi að bæta við ferðum í hvalaskoðun á Húsavík. Vissulega kemst takmarkaður fjöldi í hverja ferð vegna gildandi reglna en engu að síður er óhætt að segja að enn og aftur standi Húsavík undir nafni sem höfuðborg hvalaskoðunar á Íslandi,“ segir í tilkynningu frá fyrirtækinu.
Síðastliðinn laugardag héldu tveir bátar Norðursiglingar úr höfn á Húsavík í fallegu haustveðri. Það telst í sjálfu sér almennt ekki til tíðinda þegar slíkt gerist en að þessu sinni var þó um nokkuð fréttnæma útsiglingu að ræða. Um borð í Náttfara voru ferðamenn á leið í hefðbundna þriggja tíma hvalaskoðunarferð.
Á sama tíma og Náttfari hélt úr höfn til hvalaskoðunar lagði Garðar af stað í lengri leiðangur en vanalega. Um borð var sex manna áhöfn skipuð starfsfólki Norðursiglingar, Ocean Missions og Háskóla Íslands og var ferðinni heitið vestur fyrir land. Með í för voru tvö neðansjávarhljóðupptökutæki sem koma átti fyrir í sunnanverðu Grænlandssundi. Um er að ræða verkefni WWF (World Wildlife Fund) í samvinnu við Háskóla Íslands og markmiðið er að rannsaka umferð og atferli hvala í samhengi við skipaumferð. Fyrst og fremst er áherslan á steypireyðar en einnig önnur stórhveli og vonast er til að upptökur náist af sléttbökum (e. North Atlantic Right Whale) en þeim hefur verið nánast útrýmt. Heildarlengd siglingarinnar er um 600 sjómílur sem er hátt í vegalengdina frá Húsavík til vesturstrandar Noregs.
Norðursigling var fengin til verksins en fyrirtækið hefur lengi átt í góðu samstarfi við Háskólann á sviði hvalarannsókna. Að sögn Heimis Harðarsonar skipstjóra og eiganda Norðursiglingar er það mikill heiður fyrir fyrirtækið að fá að taka þátt í þessu verkefni og ánægjulegt að sjá báta fyrirtækisins sigla út bæði til hvalaskoðunar og hvalarannsókna á sama tíma.
Arngrímur Arnarson markaðsstjóri Norðursiglingar sagði í samtali við Vikublaðið að haustið sé búið að vera með eindæmum gott miðað við aðstæður og að reiknað sé með því að siglt verði út vertíðina sem líkur 30. nóvember eins og fyrri ár. „Þannig að við höldum áfram á meðan einhverjir eru á svæðinu,“ segir hann.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
