20. nóvember - 27. nóvember - Tbl 47
Spáð í enska boltann: Búi V. Guðmundsson
Íslenskir knattspyrnuáhugamenn eru um þessar mundir að setja sig í stellingar og iða jafnvel í skinninu eftir að enski boltinn rúlli af stað. Enska Úrvalsdeildin sparkast í gang á næstkomandi laugardag.
Dagskrain.is heldur áfram upphitun sinni og að þessu sinni er það Búi Vilhjálmur Guðmundsson sem spáir í spilin hjá sínu liði. Búi er upphaflega frá Sauðárkróki en hefur búið á Akureyri um árabil. Hann starfar sem málari og knattspyrnuþjálfari hjá KA:
Með hvaða liði heldur þú?
Arsenal
Hvers vegna/ hversu lengi?
Fyrsti leikur sem ég sá í sjónvarpi var með Arsenal, þeir unnu leikinn. Það eru 36 ár síðan ég sá Arsenal sigra Man. Utd. Og hef haldið með þeim síðan.
Hvernig leggst tímabilið í þig?
Við verðum alltaf í efstu 4 sætunum. Spurningin er hvort Mr. Wenger nái að landa titlinum í ár. Arsenal hefur ekki verið eins drjúgt á leikmannamarkaðnum og önnur lið í deildinni.
Hvaða lið mun koma mest á óvart?
Chelsea munu bæta sig um heilan helling og vera í efstu fimm
Hverjar eru væntingarnar til þinna manna?
Ég vil að liðið bæti sig frá tímabilinu í fyrra. Arsenal endaði í 2 sæti, þannig að mínar væntingar eru að þeir endi í 1 sæti.
Ertu ánægður með kaup sumarsins?
Jú, mjög svo. Vantar bara fleiri kaup á sterkari leikmönnum.
Er kominn tími á Wenger?
Mr. Wenger er komin eftirlauna aldur, en ég held að hann eigi 1 til 2 góð ár eftir.
Veikasti hlekkur þíns liðs?
Klárlega aðalsóknamaður liðsins Oliver Giroud (french handsome bastard).
Helsti styrkur þíns liðs?
Liðsheildin og breidd liðsins á eftir að skila okkur langt.
Hvaða lið óttast þú mest?
Man.Utd.
Eitthvað lið sem þú þolir ekki/ hvers vegna?
Tottenham (þarfnast ekki útskýringar)
Hver verður stjarna tímabilsins bæði hjá þínu liði og/eða í heild?
Mesut Özil verður stjarnan, en Zlatan verður klárlega kóngur deildarinnar.
Hvaða unga leikmann bindur þú mestar vonir við?
Alex Iwobi
Spáin:
Hvaða lið vinnur titilinn?
Arsenal
Hvaða lið verða í topp 4?
Arsenal - Man.Utd. – Liverpool – Man. City.
Í hvaða sæti endar þitt lið?
1. Sæti
Hvaða lið falla?
Burnley – Hull City – W.B.A.
Hvaða stjóri verður rekinn fyrstur?
Walter Mazzarri (Watford)
Nýjast
-
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður. -
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu
