20. nóvember - 27. nóvember - Tbl 47
Morðóðu systurnar í Freyvangi
Morðóðu systurnar, Marta til vinstri og Abbý til hægri og líkgrafarinn Teddi á milli þeirra
Freyvangsleikhúsið hefur hafið sýningar enn eitt árið með öflugu og bráðfyndnu leikverki, Blúndur og blásýra, í þýðingu Karls Ágústs Úlfssonar og leikstjóri er Vala Fannell. Í stóru ættarhúsi Brewstster fjölskydunnar búa systurnar Abby (Inga María Ellertsdóttir) og Marta (Geirþrúður Gunnhildardóttir Gunnarsdóttir) ásamt bróðursyni sínum Teddi (Gunnar Möller), sem vægast sagt gengur ekki heill til skógar og telur sig vera Roosvelt Bandaríkjaforseta og í múnderingum eftir því.
Og blæs í herlúður einn mikinn á hvaða tíma sólarhrings sem er svo undan er kvartað í nágrenninu. Tveir aðrir bróðursynir systranna koma verulega við sögu en það eru Mortimer (Daði Freyr Þorgeirsson), sem býr rétt hjá og nýtur verulegrar gestrisni systranna og er unnusti Elínar Harper (Joanna Madsen) en þau eru að undirbúa brúðkaup, sem svo riðlast eitthvað í öllum hamaganginum. Þriðji bróðursonurinn kemur svo heim frá útlöndum með glæpaferil á bakinu en það er Jónatan (Jakob Róbertsson) og með honum í för er Dr. Einstein (Sjöfn Snorradóttir), sem er ekki öll þar sem hún er séð því hún hefur hjálpað til við glæpaverkin.
Ótaldir eru Rooney varðstjóri mikill vinur systranna (Guðjón Ólafsson) og lögregluþjónarnir O´Hara (Ragnar Bollason) og Brophý (Hjálmar Arinbjarnarson) en að lokum kemur við sögu aðkomumaðurinn Gibbs (Jón Gunnar Halldórsson), sem er að falast eftir leiguhúsnæði, en verður ekki af því. Mortimer kemur til skjalanna og fyrir misskilning, hendir honum út, sem verður Gibbs til happs því systurnar morðóðu, Abby og Marta, voru strax búnar að hugsa sér sem þrettánda líkið í kjallarann en þar voru nefnilega 12 lík fyrir, sem engan gat grunað að systurnar hefðu drepið allt þetta fólk á eitri og grafið í kjallaranum með dyggri aðstoð „Roosvelts forseta“, nefnilega Teddis.
Blúndur og Blásýra er eins og fyrr segir bráðfyndin og fjörug leiksýning þar sem leikarar allir standa sig með ágætum en á engan er hallað þó ég
segi að systurnar báðar Abbý og Marta fari á kostum enda eru þær meira og minna á sviðinu alla sýninguna og standa fyrir sínu. Mortimer, bróðursonur þeirra systra, er líka í eftirtektarverðu hlutverki en að mínum dómi má hann hægja örlítið á sér en stendur sig annars vel og yrði trúlega rólegri ef hann gæfi sér tíma til að drífa sig bara í hnapphelduna með Elínu Harper.
Að lokum vll ég benda fólki á sem ekki hefur séð þessa frábæru sýningu að skella sér í Freyvang núna í byrjun skammdegis þar sem margir eiga á
þeim tíma erfitt vegna þunglyndis, kulnunar já og jafnvel fæðingarþunglyndis.
Góða skemmtun.
-Hjörleifur Hallgríms
Nýjast
-
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða.
