20. nóvember - 27. nóvember - Tbl 47
ART AK opnar gallerý og vinnustofur
Það hefur mikið gengið á við að gera húsnæðið klárt undir ART AK. Ljósmyndir eru fengnar með góðfúslegu leyfi frá Facebook-síðu ART AK.
ART AK er splunkunýtt fyrirtæki á Akureyri sem verður með gallerý og vinnustofur myndlistarmanna við Strandgötu 53b. (gamla sjóbúðin).
Það er listakonan Thora Karlsdóttir sem stendur á bak við stofnun fyrirtækisins en hún hefur verið áberandi í listalífi Akureyrar um langt skeið. „Ég er búin að vera með þessa hugmynd lengi, þ.e.a.s að sameina listamenn undir einu þaki með lifandi starfsemi þar sem er líka til sýnis og sölu þau listaverk sem er verið að skapa,“ segir Thora í samtali við Vikudag.is.
Thora segir að augu sín hafi opnast þegar hún var í námsferð í París fyrir nokkrum árum. „Þar fann ég með samnemendum mínum 59 rivoli, 20 listamenn undir sama þaki. Stemningin og staðurinn var bara æði. Allir með verkin sín til sölu og fullt af fólki að skoða staðinn,“ segir hún og ástríðan leynir sér ekki.
Það sem Thora vísar hér til er að hústökulistamenn tóku yfirgefna byggingu í París og settu upp vinnustofurnar sínar og höfðu opið fyrir gesti og gangandi. „Ég heillaðist gjörsamlega af staðnum þegar ég var í París fyrir mörgum árum síðan og fannst þetta svo magnað að mig langaði bara að fara að vinna að listinni minni á staðnum og sleppa því að fara heim. En það var ekki hægt svo ég ákvað að láta mig dreyma um það þangað til að það gæti orðið að veruleika. Svo ákvað ég að láta drauminn rætast á Akureyri,“ segir hún en bætir strax við að hún hafi ekki fundið yfirgefið hús og tekið það trausta taki heldur leigir hún húsnæðið og hefur stofnað utan um það fyrirtækið ART AK. „Ég vona samt að ég nái einmitt sömu stemningunni og ég upplifði í París,“ segir hún og brosir.
Hún segist hafa gengið með það í maganum lengi að opna gallerý sem líktist Samlaginu eins og það var á sínum tíma, þar sem listamenn fá aðstöðu til að sýna verk sín og selja milliliðalaust. „En svo ákvað ég að prófa að vera með vinnustofur og gallerý á sama stað, og var heppin að fá þetta fína húsnæði við Strandgötu,“ segir Thora en í sama húsnæði var áður til Norðurport og þar áður Sjóbúðin.
Thora segist fullviss um að gallerý af þessu tagi eigi fullt erindi í bæjarfélagi eins og Akureyri. „Ég hef trú á þessu, finnst að það vanti einmitt svona stað hérna á Akureyri. Þetta er menningarleg afþreying, sem enginn ætti að láta framhjá sér fara. það verður fullt að gerast hjá okkur eins og sjá má á dagskránni“.
Tekið verður á móti fyrsta hópi ferðamanna á morgun föstudag. „Staðurinn opnar ekki formlega fyrr en á laugadaginn, þannig að það verður svona smá þjófstart. Bæjarbúar, gestir, innlendir og erlendir eru velkomnir til okkar, við getum boðið uppá eitt og annað fyrir utan hefðbundnar sýningar og sérsniðna viðburði fyrir litla og stóra hópa,“ segir Thora Karlsdóttir.
ART AK opnar formlega á laugardag kl. 13 með „KAOS“ sölusýningu Norðlenskra listamanna.
Það sem boðið verður upp á hjá ART AK er eftirfarandi:
- Vinnustofur
- Gallerý, opið föstud.laugard.og sunnud. 13-18 fram að jólum
- Sýningar
- Viðburðir
- Gjörningar
- Listamannaspjall, fyrir hópa
- Örnámskeið, fyrir hópa
- Tekið á móti hópum, litlum stórum, innlendum, erlendum.
- Listaverka uppboð, einu sinni á ári
- Listaverka leiga, fyrir einstaklinga, stofnanir og fyrirtæki
- Vefverslun með listaverk
Nýjast
-
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður. -
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni.
