Kylfingar streymdu í golf fram að aðventu
mth@vikubladid.is
,,Tíðin í haust hefur verið einstaklega góð og við náðum að opna golfvöllinn að Jaðri eftir þriggja til fjögurra vikna hlé,“ segir Steindór Ragnarsson framkvæmdastjóri Golfklúbbs Akureyrar. Völlurinn hefur verið býsna vel sóttur þessa daga og vonar hann að dagarnir verði eitthvað fleiri.
„Það er mikil ánægja fyrir marga að geta tekið kylfurnar upp á ný,” segir Steindór. „Það er alltaf gaman þegar hægt er að hafa völlinn opin við góðar aðstæður.“ Hann rifjar upp að árið 2016 hafi verið haldið golfmót á Jaðarsvelli 18. desember, „og það væri nú aldeilis gaman ef við gætu endurtekið það í ár.“
Starfsmenn klúbbsins hafa einnig notið góðs af góðri tíð og hafa náð mikilli útivinnu við góðar aðstæður í allt haust.
Steindór segir liðið sumar hafa verið gott á Jaðri. ,,Það var mikið spilað, góð fjölgun í klúbbnum og unglingastarfið hjá okkur blómstrar,” segir hann. Þá hafi mótahaldið verið með eindæmum gott og öllu stærstu mótin sem klúbburinn hélt voru vel sótt. Steindór bætir við að nú þegar sé orðið fullt á hið vinsæla miðnætursólarmót, Arctic Open á næsta ári.
200 hringir að meðaltali yfir sumarmánuðina
Alls voru spilaðir 35.326 hringir á Jarðarsvelli á liðnu sumri sem er þriðja mesta aðsókn frá því talningar hófust. Fleiri hringir voru spilaðir á vellinum árin 2020 og 2021. Í ár voru að meðaltalið leiknir 175 hringir á dag, næsta flestir hringir frá því byrjað var að telja. Yfir sumarmánuðina, júní, júlí og ágúst voru að meðaltali spilaðir 200 hringir.
Völlurinn var opin aðeins færri daga en undanfarin ár, var opnaður 16. maí, en veður var ekki eins gott og í fyrrasumar. Þá segir Steindór að hömlum sem fylgdu kórónuveirufaraldri hafi verið aflétt og því margir sem áður spiluðu golf hér á landi hafi brugðist sér til útlanda í golfferðir.
Nýjast
-
Líftækninemar leita að lausnum
Líftækninemar á þriðja ári rannsaka nú fjögur áhugaverð viðfangsefni í námskeiðinu Hagnýtt verkefni. Námskeiðinu er annars vegar ætlað að undirbúa nemendur fyrir lokaverkefni vormisseris og hins vegar að þjálfa þá í að skrifa verkáætlanir, styrkumsóknir og afla forgagna. Stúdentar vinna fjórir í hóp og fá viðfangsefni sem þeir útfæra síðan í formi rannsóknarverkefnis og styrkumsóknar í ímyndaðan verkefnasjóð. -
Myndlistarsýning í nýju og endurbættu útibúi
Fimmtudaginn 5. desember opnar Sparisjóður Suður-Þingeyinga formlega nýtt og endurbætt útibú á Garðarsbraut 26, Húsavík þar sem sjóðurinn deilir nú húsnæði með Sjóvá. -
Norlandair sér um Húsavíkurflugið
Vegagerðin hefur fyrir hönd ríkisins samið annars vegar við flugfélagið Norlandair um flug til Húsavíkur og hins vegar við Mýflug um flug til Vestmannaeyja. Vegagerðin hefur fyrir hönd ríkisins samið við flugfélagið Norlandair um að fljúga fjórar flugferðir í viku milli Húsavíkur og Reykjavíkur á tímabilinu 16. desember 2024 til 15. mars 2025. -
Viltu höggva þitt eigið jólatré?
Ef þú ert þeirrar gerðar að það höfðar til þín að velja og höggva jólatréð sem svo seinna í stofunni þinni stendur og stjörnurnar glampa á, þá er tækifærið að renna upp! -
Vettvangsteymið mætir skjólstæðingum á þeirra forsendum
Vettvangsteymi er úrræði innan Akureyrarbæjar sem styður einstaklinga með geðfötlun og viðvarandi vímuefnavanda. Teymið veitir þjónustu alla daga ársins og aðstoðar við verkefni sem snúa að athöfnum daglegs lífs, svo sem innkaupum, erindrekstri, áminningum um lyfjatöku og öðru sem þarf hverju sinni. -
Deildarforsetinn og doktorsneminn sem spilar kleppara af kappi
Vísindafólkið okkar er mánaðarleg kynning á vísindafólkinu okkar. Sólrún Óladóttir, lektor og deildarforseti við Iðjuþjálfunarfræðideild er vísindamanneskjan að þessu sinni -
Úthlutun úr Menningar- og viðurkenningasjóði KEA
KEA afhenti styrki úr Menningar- og viðurkenningasjóði félagsins þann 2. desember og fór styrkúthlutunin fram í Menningarhúsinu Hofi á Akureyri. Var þetta í 91. skipti sem veitt er úr sjóðnum sem rekur starfsemi sína allt aftur til ársins 1936. Úthlutað var tæplega 28 milljónum króna til 63 aðila. Styrkúthlutun tók til þriggja flokka samkvæmt reglugerð sjóðsins: Menningar- og samfélagsverkefna, Íþrótta- og æskulýðsfélaga og Ungra afreksmanna. -
Bæjarráð Akureyrar vill að nýtt hjúkrunarheimili verði tekið í notkun á Akureyri eins fljótt og auðið er
Bæjarráð Akureyrar telur algjört forgangsmál að nýtt hjúkrunarheimili verði tekið í notkun á Akureyri eins fljótt og auðið er, enda sár þörf fyrir fleiri hjúkrunarheimili í sveitarfélaginu. Bæjarráð ræddi á dögunum um nýbyggingu hjúkrunarheimilis á Akureyri. -
Vertu Perfect eftir Pétur Guðjónsson verður sýning Leikfélags VMA í vetur Hlusta
Leikfélag VMA setur í vetur upp leikritið Vertu Perfect eftir Pétur Guðjónsson í leikstjórn höfundar. Þetta verður heimsfrumsýning á verkinu en til stóð að setja það upp af Nemendafélagi Fjölbrautaskóla Norðurlands vestra á Sauðárkróki árið 2021 og var æfingaferli langt komið, í leikstjórn Péturs. En vegna Covid-faraldursins varð ekkert af því.
