Körfubolti: Sögulegur dagur hjá Þórsliðinu!
Kvennalið Þórs í körfubolta mætir liði Grindavíkur í undanúrslitum VÍS-bikarkeppninnar í Laugardalshöllinni í kvöld. Leikurinn hefst kl. 20.
Í fyrsta skipti í áratugi á Þór lið í undanúrslitum bikarkeppninnar í körfubolta. Eins og áður hefur komið fram í umfjöllun okkar var kvennalið Þórs eitt það besta á landinu um og eftir 1970. Það lið vann þrjá Íslandsmeistaratitla og varð bikarmeistari 1975, fyrir 49 árum. Nú á félagið lið í undanúrslitum VÍS-bikarkeppni kvenna og stóra stundin er runnin upp.
Það dylst líklega engum að Þór er litla liðið af þeim fjórum sem mætt eru til leiks í undanúrslitum. Hin þrjú eru í toppbaráttu Subway-deildarinnar, Keflavík með örugga forystu á toppnum, Grindavík og Njarðvík jöfn í 2. og 3. sæti. En staðan í deildinni segir auðvitað ekki alla söguna. Bikarkeppni býður oft upp á eitthvað óvænt og skemmtilegt, auk þess sem Þórsliðið hefur sýnt að á góðum degi er allt hægt, til dæmis að vera fyrstar til að sigra topplið Keflavíkur í deildinni í vetur. Af hverju ekki að sigra liðið í 2. sæti deildarinnar þegar komið er í undanúrslit bikarkeppninnar?
Ef til vill þarf einhverja töfra til að fara alla leið og þá er það bara þannig. Stuðningsfólkið getur kallað fram þessa töfra. Hér er kannski viðeigandi að vitna í sjónvarpsþættina The Spiderwick Chronicles: „Having someone believe in you is the most powerful form of magic there is.“ Sem þýða mætti: „Að einhver hafi trú á þér eru kröftugustu töfrar sem til eru.“
Trúum á þær og tökum skrefið alla leið með þeim kröftugu töfrum sem það leiðir af sér.
- Eva Wium Eliasdóttir: „Langaði alltaf að vera sjálf á þessu sviði“
- Heiða Hlín Björnsdóttir: „Sætt að fara í Höllina með uppeldisfélaginu“
Fyrir þau okkar sem ekki fara suður yfir heiðar i dag skal á það bent á að leikurinn verður i beinni útsendingu á RUV2
Þetta er að finna á www.thorsport.is
Nýjast
-
Líftækninemar leita að lausnum
Líftækninemar á þriðja ári rannsaka nú fjögur áhugaverð viðfangsefni í námskeiðinu Hagnýtt verkefni. Námskeiðinu er annars vegar ætlað að undirbúa nemendur fyrir lokaverkefni vormisseris og hins vegar að þjálfa þá í að skrifa verkáætlanir, styrkumsóknir og afla forgagna. Stúdentar vinna fjórir í hóp og fá viðfangsefni sem þeir útfæra síðan í formi rannsóknarverkefnis og styrkumsóknar í ímyndaðan verkefnasjóð. -
Myndlistarsýning í nýju og endurbættu útibúi
Fimmtudaginn 5. desember opnar Sparisjóður Suður-Þingeyinga formlega nýtt og endurbætt útibú á Garðarsbraut 26, Húsavík þar sem sjóðurinn deilir nú húsnæði með Sjóvá. -
Norlandair sér um Húsavíkurflugið
Vegagerðin hefur fyrir hönd ríkisins samið annars vegar við flugfélagið Norlandair um flug til Húsavíkur og hins vegar við Mýflug um flug til Vestmannaeyja. Vegagerðin hefur fyrir hönd ríkisins samið við flugfélagið Norlandair um að fljúga fjórar flugferðir í viku milli Húsavíkur og Reykjavíkur á tímabilinu 16. desember 2024 til 15. mars 2025. -
Viltu höggva þitt eigið jólatré?
Ef þú ert þeirrar gerðar að það höfðar til þín að velja og höggva jólatréð sem svo seinna í stofunni þinni stendur og stjörnurnar glampa á, þá er tækifærið að renna upp! -
Vettvangsteymið mætir skjólstæðingum á þeirra forsendum
Vettvangsteymi er úrræði innan Akureyrarbæjar sem styður einstaklinga með geðfötlun og viðvarandi vímuefnavanda. Teymið veitir þjónustu alla daga ársins og aðstoðar við verkefni sem snúa að athöfnum daglegs lífs, svo sem innkaupum, erindrekstri, áminningum um lyfjatöku og öðru sem þarf hverju sinni. -
Deildarforsetinn og doktorsneminn sem spilar kleppara af kappi
Vísindafólkið okkar er mánaðarleg kynning á vísindafólkinu okkar. Sólrún Óladóttir, lektor og deildarforseti við Iðjuþjálfunarfræðideild er vísindamanneskjan að þessu sinni -
Úthlutun úr Menningar- og viðurkenningasjóði KEA
KEA afhenti styrki úr Menningar- og viðurkenningasjóði félagsins þann 2. desember og fór styrkúthlutunin fram í Menningarhúsinu Hofi á Akureyri. Var þetta í 91. skipti sem veitt er úr sjóðnum sem rekur starfsemi sína allt aftur til ársins 1936. Úthlutað var tæplega 28 milljónum króna til 63 aðila. Styrkúthlutun tók til þriggja flokka samkvæmt reglugerð sjóðsins: Menningar- og samfélagsverkefna, Íþrótta- og æskulýðsfélaga og Ungra afreksmanna. -
Bæjarráð Akureyrar vill að nýtt hjúkrunarheimili verði tekið í notkun á Akureyri eins fljótt og auðið er
Bæjarráð Akureyrar telur algjört forgangsmál að nýtt hjúkrunarheimili verði tekið í notkun á Akureyri eins fljótt og auðið er, enda sár þörf fyrir fleiri hjúkrunarheimili í sveitarfélaginu. Bæjarráð ræddi á dögunum um nýbyggingu hjúkrunarheimilis á Akureyri. -
Vertu Perfect eftir Pétur Guðjónsson verður sýning Leikfélags VMA í vetur Hlusta
Leikfélag VMA setur í vetur upp leikritið Vertu Perfect eftir Pétur Guðjónsson í leikstjórn höfundar. Þetta verður heimsfrumsýning á verkinu en til stóð að setja það upp af Nemendafélagi Fjölbrautaskóla Norðurlands vestra á Sauðárkróki árið 2021 og var æfingaferli langt komið, í leikstjórn Péturs. En vegna Covid-faraldursins varð ekkert af því.
