Alfreð Íslandsmeistari utandyra þriðja árið í röð
Alfreð Birgisson úr Íþróttafélaginu Akri á Akureyri og Húsvíkingur að uppruna vann þriðja Íslandsmeistaratitil utandyra sinn í röð í trissuboga karla á Íslandsmeistaramótinu utandyra í bogfimi (ÍM24) sem haldið var á Hamranesvelli í Hafnarfirði helgina 20-21 júlí. Greint er frá þessu á bogfimivefnum Archeri.is
Alfreð var hæstur í undankeppni með skorið 678, bæði í karla flokki og óháð kyni. Það var ekki langt frá Íslandsmetinu sem er 683 stig enda var óvenju gott veður á ÍM24 miðað við fyrri ár. Alfreð fékk tak í bakið fyrir skömmu og átti erfitt með að sitja og beygja sig, sem betur fer stöndum við í bogfimi.
Þorsteinn Halldórsson úr Bogfimifélaginu Hróa Hetti í Hafnarfirði var andstæðingur Alfreðs í gull úrslitaleiknum þar sem að Alfreð byrjaði undir í fyrstu 2 umferðum leiksins en snéri því svo við og tók á endanum öruggann sigur 138-134 og þriðja Íslandsmeistaratitil sinn utandyra í röð. Ragnar Smári Jónasson úr Bogfimifélaginu Boganum í Kópavogi tók brons úrslitaleikinn gegn Kaewmungkorn Yuangthong úr BFHH.
Alfreð tók einnig brons í keppni óháð kyni en þar lenti hann á móti dóttur sinni Önnu Maríu Alfreðsdóttir í brons úrslitaleiknum.
Nýjast
-
Viltu höggva þitt eigið jólatré?
Ef þú ert þeirrar gerðar að það höfðar til þín að velja og höggva jólatréð sem svo seinna í stofunni þinni stendur og stjörnurnar glampa á, þá er tækifærið að renna upp! -
Vettvangsteymið mætir skjólstæðingum á þeirra forsendum
Vettvangsteymi er úrræði innan Akureyrarbæjar sem styður einstaklinga með geðfötlun og viðvarandi vímuefnavanda. Teymið veitir þjónustu alla daga ársins og aðstoðar við verkefni sem snúa að athöfnum daglegs lífs, svo sem innkaupum, erindrekstri, áminningum um lyfjatöku og öðru sem þarf hverju sinni. -
Deildarforsetinn og doktorsneminn sem spilar kleppara af kappi
Vísindafólkið okkar er mánaðarleg kynning á vísindafólkinu okkar. Sólrún Óladóttir, lektor og deildarforseti við Iðjuþjálfunarfræðideild er vísindamanneskjan að þessu sinni -
Úthlutun úr Menningar- og viðurkenningasjóði KEA
KEA afhenti styrki úr Menningar- og viðurkenningasjóði félagsins þann 2. desember og fór styrkúthlutunin fram í Menningarhúsinu Hofi á Akureyri. Var þetta í 91. skipti sem veitt er úr sjóðnum sem rekur starfsemi sína allt aftur til ársins 1936. Úthlutað var tæplega 28 milljónum króna til 63 aðila. Styrkúthlutun tók til þriggja flokka samkvæmt reglugerð sjóðsins: Menningar- og samfélagsverkefna, Íþrótta- og æskulýðsfélaga og Ungra afreksmanna. -
Bæjarráð Akureyrar vill að nýtt hjúkrunarheimili verði tekið í notkun á Akureyri eins fljótt og auðið er
Bæjarráð Akureyrar telur algjört forgangsmál að nýtt hjúkrunarheimili verði tekið í notkun á Akureyri eins fljótt og auðið er, enda sár þörf fyrir fleiri hjúkrunarheimili í sveitarfélaginu. Bæjarráð ræddi á dögunum um nýbyggingu hjúkrunarheimilis á Akureyri. -
Vertu Perfect eftir Pétur Guðjónsson verður sýning Leikfélags VMA í vetur Hlusta
Leikfélag VMA setur í vetur upp leikritið Vertu Perfect eftir Pétur Guðjónsson í leikstjórn höfundar. Þetta verður heimsfrumsýning á verkinu en til stóð að setja það upp af Nemendafélagi Fjölbrautaskóla Norðurlands vestra á Sauðárkróki árið 2021 og var æfingaferli langt komið, í leikstjórn Péturs. En vegna Covid-faraldursins varð ekkert af því. -
Ljósin tendruð á jólatrénu sem er gjöf frá Randers vinabæ Akureyrar
Það var margt um manninn á Ráðhústorginu í gær þegar ljós voru tendruð á jólatréinu sem er gjöf fra Randers vinabæ Akureyrar i Danmörku og Jólaþorpið á ,,Torginu" var formlega opnað. -
Lambadagatalið fyrir 2025 að koma út í ellefta sinn
Hið vinsæla lambadagatal Ragnars Þorsteinssonar, sauðfjárbónda og ljósmyndara í Sýrnesi Aðaldal, er nú orðið ellefu vetra og ekkert lát á eftirspurn.Ragnar tekur að venju allar myndirnar í dagatalið á sauðfjárbúi fjölskyldunnar í Sýrnesi. -
Flestir kusu Samfylkinguna i Norðausturkjördæmi
Samfylking, Miðflokkur, Sjálfstæðisflokkur og Framsókn náðu öll tveimur þingmönnum, Viðreisn og Flokkur fólksins einu þingmanni hvor flokkur. Önnur framboð náðu ekki inn að þessu sinni.
