13.nóvember - 20.nóvember - Tbl 46
Von á 1400 piltum á N1-mótið
Það verður líf og fjör á KA-svæðinu næstu daga.
Stærsta knattspyrnumót ársins, N1 mótið, hefst á Akureyri á morgun. Á bilinu 150-160 lið taka þátt og leika á tólf völlum á KA svæðinu. Liðin koma alls staðar að af landinu og á fjórða tug félaga senda keppnislið. Mótinu lýkur með verðlaunaafhendingu laugardaginn 6. júlí. Ljóst er að N1 keppendur og fararstjórar munu setja mikinn svip á bæjarlífið á Akureyri þessa vikuna. Alls verða um 1.400 drengir í 5. flokki sem leika og fararstjórar eru um 150 talsins. Þá eru ótaldir foreldrar og vinir sem leggja leið sína norður til að fylgjast með sínum mönnum spila á mótinu. Talið er að heildarfjöldi gesta á Akureyri þessa daga vegna mótsins verði á bilinu sex til sjö þúsund manns.
Leikinn er sjö manna bolti á tólf keppnisvöllum á KA svæðinu. Hvor hálfleikur er fimmtán mínútur og leikhlé ein mínúta. Leikið er í riðlum og verð lið jöfn að stigum í riðlinum ræður markamunur, því næst skoruð mörk. Dugi það ekki til að fá fram úrslit ræður hlutkesti. Þegar komið er í úrslitakeppnina er leikið til þrautar. Ef jafnt er eftir að venjulegum leiktíma er lokið fer fram vítaspyrnukeppni. Þrjár spyrnur á lið. Verði enn jafnt, fer fram bráðabani.
N1 er styrktaraðili mótsins en framkvæmdin í höndum KA. Þetta samstarf hefur gengið afskaplega vel í gegnum árin og hafa tugþúsundir drengja tekið þátt í mótinu. Flestar stjörnur íslenskrar knattspyrnu tóku þátt í N1 mótinu þegar þeir voru í 5. flokki. Það verður því að teljast mjög líklegt að framtíðar landsliðsmenn leynist í einhverju af þeim liðum sem taka þátt að þessu sinni.
KA býður að venju gestum mótsins í sund og mega þátttakendur, þjálfarar og fararstjórar fara einu sinni á dag í Sundlaug Akureyrar. Þá er öllum þátttakendum boðið í Borgarbíó á spennumyndina After Earth.
Nánari upplýsingar um mótið má sjá á heimasíðu KA http://www.ka-sport.is/n1motid/2013/
Nýjast
-
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök. -
Á að vera landbúnaður á Íslandi?
Þetta er grundvallarspurning sem allir íslendingar þurfa að gera upp við sig ásamt þeirri spurningu hvort byggð eigi yfir höfuð að haldast annars staðar en á sv-horninu. Með ríkjandi borgríkisstefnu síðustu ára í boði Sjálfstæðisflokks, Framsóknarflokks og Vinstri grænna hefur það skilað 85% þjóðarinnar á eitt horn landsins. -
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk. -
Það sem Húsavíkingar gera best
Bjóða íbúa Manchester velkomna í bæinn -
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina.
