Völsungur - Þjálfarar ráðnir á mfl. karla í knattspyrnu
Nýráðnir þjalfarar við undirskrift Bjarki Baldvinsson til vinstri og Aðalsteinn Jóhann Friðriksson til hægri. Mynd Haffi
Græni herinn Facebook síða tileinkuð knattspyrnudeild Völsungs segir frá þvi í kvöld að ráðnir hafi verið þjalfarar á karlalið félagsins í knattspyrnu.
Í tilkynningu Völsungs segir:
Knattspyrnuráð Völsungs hefur gengið frá samningi við nýtt þjálfarateymi hjá meistaraflokki karla og er okkur mikil ánægja að kynna það til leiks.
Aðalsteinn Jóhann Friðriksson tekur við sem aðalþjálfari Völsungs og honum til aðstoðar verður Bjarki Baldvinsson. Ungt og efnilegt þjálfarateymi sem við bindum miklar vonir við. Alli hefur stýrt liðinu til bráðabirgða það sem af er vetri og staðið sig með mikilli prýði.
Aðalsteinn gerir 2ja ára samning um þjálfun meistaraflokka bæði karla- og kvennaliða Völsungs meðan Bjarki gerir samning út útistandandi tímabil. Alli hefur þjálfað börn og unglinga allt sitt líf og meistaraflokk kvenna síðastliðin þrjú tímabil með fínum árangri. Bjarki er tiltölulega nýr í þjálfun en hokinn af leikreynslu.
„Verkefnið er stórt og mikið en ég er fullur tilhlökkunar á að takast á við það. Leikmannahópar liðanna eru, eins og svo oft áður hér á Húsavík, mjög ungir en klárlega mjög spennandi líka,“ sagði Aðalsteinn við undirskrift.
Aðalsteinn er næst leikjahæsti leikmaður í sögu Völsungs með 262 leiki í deild og bikar, en það er einmitt eingöngu Bjarki sem er honum leikjahærri með 292 leiki. Bjarki hefur í þeim skorað 47 mörk og Alli 35 mörk. Það er því mikil leikreynsla sem tekin er við liðinu.
„Það að fá Bjarka inn í þetta er geggjað. Við þekkjumst vel eftir að hafa spilað saman þó nokkuð marg leiki og erum á sömu bylgjulengd með hvernig við viljum sjá boltann spilaðan. Sumarið verður hrikalega skemmtilegt og vonandi munu sem flestir styðja við bakið á liðunum okkar, mæta á völlinn og þannig hjálpa meistaraflokkunum okkar að gera þetta sumar sem eftirminnilegast,“.
Knattspyrnuráð lýsir yfir mikilli ánægju með þessa ráðningu og munu þjálfarar og ráð leitast eftir því í hvívetna að fylgja gildum Völsungs og afreksstefnu. Frekari fréttir af liðunum okkar eru svo væntanlegar á næstunni.
Við erum gríðarlega spennt fyrir komandi tímabili liðanna okkar og vonumst eftir miklum og góðum stuðningi úr brekkunni í sumar.
ÁFRAM VÖLSUNGUR!!
Nýjast
-
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra. -
Styrkur frá starfsmönnum ÍME
Starfsmannafélag Íþróttamiðstöðvar Eyjafjarðarsveitar stóð fyrir fjársöfnun í bleikum október til handa Krabbameinsfélagi Akureyrar og nágrennis. -
Stóri fýlupósturinn eða allt er gott sem endar vel :-)
Í Kjarnaskógi hafa starfsmenn Skógræktarinnar tekið gleði sína á ný og við þá líka en ekki hvað, enda fátt betra en það sem endar vel. Þetta hér fyrir neðan má lesa á Fb vegg þeirra í morgun. -
Safnar gripum sem framleiddir voru á Plastiðjunni og Iðjulundi
Sigurrós Tryggvadóttir, iðjuþjálfi á Plastiðjunni Bjargi Iðjulundi (PBI) er í viðtali á heimasíðu Akureryarbæjar þar sem hún segir frá söfnun sem hún stendur fyrir á gömlum framleiðsluvörum frá PBI. -
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður.
