Vinabæjarheimsókn til Álasunds í Noregi
Heimir Örn Árnason, forseti bæjarstjórnar Akureyrar, og Halla Björk Reynisdóttir, formaður bæjarráðs, tóku í síðustu viku þátt í norrænu vinabæjarmóti sem fram fór í Álasundi í Noregi. Þar hittust kjörnir fulltrúar og bæjar- og borgarstjórar vinabæjanna fimm, sem eru auk Akureyrar og Álasunds; Randers í Danmörku, Västerås í Svíþjóð og Lahti í Finnlandi. Frá þessu er greint á heimsíðu Akureyrarbæjar.
Tilgangurinn með heimsóknum á borð við þessa er að deila reynslu, ræða helstu áskoranir sem sveitarfélög standa frammi fyrir og læra hvert af hvort öðru. Miðlað er upplýsingum um það hvernig þjónustu annarra sveitarfélaga er háttað, mannvirki eru skoðuð og boðið upp á kynningar á atvinnulífi, framkvæmdum og uppbyggu innan þess sveitarfélags sem er gestgjafi hverju sinni.
Á dagskrá vinabæjarmótsins í Álasundi var m.a. heimsókn í „Norsk Maritimt Kompetansesenter“ eða Norsku sjávarútvegs þróunar- og frumkvöðlamiðstöðina sem gegnir stóru hlutverki á vettvangi sjávarútvegs í Noregi. Miðstöðin er hluti af háskólasamfélaginu í Álasundi og með fjölmarga samstarfsaðila. Eitt þeirra verkefna sem sagt var frá var stórt samstarfsverkefni með grunnskólum í sveitarfélaginu þar sem áhersla er lögð á þróunar- og frumkvöðlaverkefni. Fram kom að mikil áhersla er í menntakerfinu hjá þeim á tækni og vísindahugsun og er það gert strax frá unga aldri. Listamiðstöðin „Aggregat Kunstnerfellesskap“ var heimsótt en þar er unnið þvert á listgreinar og einnig var farið í „Atlanterhavsparken“ sem er eitt stærsta saltvatnssjávardýrasafn í Norður Evrópu m.a. með áherslu á starf vísindaseturs sem ætlað er að einblína á ungmennastarf.
Einnig var mikil umræða um varnarmál í ljósi innrásar Rússa í Úkraínu en í þeim efnum er staða vinabæjanna fimm afar ólík, þó ekki sé nema út frá landfræðilegri staðsetningu.
Af öðrum málum sem voru til umræðu má nefna áskoranir er snúa að skipulagsmálum, sameiningarmálum og ferðaþjónustu, til að mynda varðandi komur skemmtiferðaskipa. Næsta vinabæjarmót kjörinna fulltrúa fer fram á næsta ári í Västerås í Svíþjóð.
Vinabæjarsamstarfið snýst einnig um samskipti ungmenna (NOVU) og í lok júnímánaðar tekur Akureyrarbær á móti ungmennum á aldrinum 16-20 ára. Unnið verður saman að verkefni út frá spurningunni um það hvort menning geti fært okkur nær hvert öðru með raddir ungs fólks í huga en umrætt vinabæjarsamstarf ungmenna er eitt það virkasta á Íslandi.
Nýjast
-
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði. -
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun.
