6. nóvember - 13. nóvember - Tbl 45
Vilja reisa fimm hæða fjölbýlishús við Stóragarð
Fyrsta skóflustungan tekin að Útgarði 2 fyrir skemmstu. Mynd/epe
Byggðarráð Norðurþings samþykkti nýverið tillögu skipulags og framkvæmdaráðs um að Naustalæk ehf. yrði úthlutað lóðinni að Stóragarði 18 á Húsavík, til uppbyggingar á fjölbýlishúsi. Ráðið féllst jafnframt á að gera tillögu að breytingu deiliskipulags sem heimili allt að 25 íbúðir á lóðinni. Úthlutunin er háð því að fyrirhugaðar skipulagsbreytingar í Reitnum nái fram að ganga.
Lóðin sem um ræðir er sunnan við íbúðakjarna fyrir fatlaða sem tekinn var í notkun í desember á síðasta ári.
Friðrik Sigurðsson hjá Naustalæk segir í samtali við Vikublaðið að deiliskipulagið geri reyndar aðeins ráð fyrir 20 íbúðum á lóðinni en plön félagsins ganga út á að reisa fjölbýlishús á fimm hæðum með fimm íbúðum á hverri hæð. „Það er spurning hvort það verði fjórar íbúðir á hæð eða fimm. Húsið sem við vorum búin að láta teikna er fimm hæða, með fimm íbúðum á hverri hæð eða 25 íbúðir alls,“ sagði hann og reiknaði ekki með öðru en að þær breytingar fengjust í gegn.
„Planið hjá okkur er að reyna hafa jarðvegsskipti á þessu ári, þetta er óttaleg mýri á þessu svæði. Svo sjáum við til hvernig staðan verður á næsta ári með uppbyggingu,“ útskýrir Friðrik.
Friðrik segir að áður en uppbygging hefjist á lóðinni verði að meta markaðsaðstæður. „Já, það eru alls kyns hörmungar í gangi í heiminum sem geta haft áhrif, fyrir utan vaxtastigið sem hefur verið á uppleið.“
Hann telur þó að íbúðaþörfin sé svo sannarlega til staðar á Húsavík enda hefur verið skortum á litlum og meðalstórum íbúðum í bænum um langt skeið. „Það eru allar forsendur fyrir því að þörfin sé til staðar og það er út frá þeim forsendum að við sóttum um lóðina. Þá er það planið hjá sveitarfélaginu að lengja Stóragarðinn suðurað Ásgarði. Þessi umsókn okkar þrýstir á að klára þessa Stóragarðstengingu,“ segir Friðrik.
Uppbygging að fara af stað
Naustalækur er með fleiri verkefni í gagni en nýverið var tekin fyrsta skóflustunga að nýju fjölbýlishúsi fyrir eldri borgar að Úgarði 2. „Við erum að einbeita okkur fyrst og fremst núna að klára Útgarð 2,“ segir Friðrik og bætir við að hann reikni með að uppbygging hefjist strax að loknum sumarleyfum, en það er Trésmiðjan Rein sem er aðalverktaki verkefnisins.
„Það er búið að taka fyrir húsinu alveg og Trésmiðjan Rein hefur verið að steypa einingar í húsið. Þegar þeir byrja á húsinu þá er þetta ekki ósvipað og lego, þetta húrrast upp alveg,“ segir Friðrik léttur í bragði og bætir við að áætlað sé að húsið taki allt að helmingi styttri tíma í byggingu en fjölbýlishúsið að Útgarði 6 sem er 18 íbúða hús. „Þetta hús er bara 9 íbúðir og ég reikna með að uppbyggingin fari að mjakast í gang,“ segir hann að lokum.
Nýjast
-
Fólki misboðið yfir gjaldskrárhækkunum OH
„Dæmi eru um að viðskiptavinir Orkuveitu Húsavíkur, ekki síst fjölskyldufólk og fólk í viðkvæmri stöðu, hafi sett sig í samband við Skrifstofu stéttarfélaganna og krafist þess að Framsýn geri athugasemdir við boðaðar hækkanir á gjaldskrám orkuveitunnar um áramótin. Fólki er greinilega misboðið.,“ segir á vef Framsýnar. -
Matur handa öllum.
Nýlega hafa Eyjólfur Ingvi formaður sauðfjárdeildar BÍ og Margrét Ágústa framkvæmdastjóri Bændasamtaka Íslands kallað eftir því að stjórnmálaöfl skýri sjónarmið sín í málefnum landbúnaðarins. Það var athyglisvert að heyra málflutning þeirra því staðreyndin er sú að bændum á Íslandi hefur fækkað mikið, sérstaklega í mjólkurframleiðslu þótt að á sama tíma hafi orðið talsverð framleiðsluaukning. -
Það er fokið í hann!
Það er óhætt að segja að veðurspá hafi gengið ágætlega eftir en appelsínugul viðvörun er yfirstandandi og má búast við að hér á Akureyri og nágrenni muni blása hressilega til miðnættis, en þá ætti allt að detta í dúnalogn. -
Húsnæðisáætlanir sveitarfélaga á Norðurlandi eystra
Fjöldi íbúða sem eru í byggingu á Norðurlandi eystra er ekki nægilega mikill til að uppfylla þörf samkvæmt húsnæðisáætlunum sveitarfélaganna í landshlutanum. Það er mat HMS sem byggir á nýlegri talningu á íbúðum í byggingu. -
Látum ekki blekkjast.
Kosningarnar eftir mánuð munu snúast um að skapa betri lífskjör fyrir venjulegt fólk hér á landi. Fyrir mér ættu framboðin nú að leggja fram sínar leiðir til að taka á verðbólgu, skapa tækifæri, efla velferðarkerfið og standa vörð um náttúruna, en sum hafa valið að spila á okkar lægstu hvata; ótta og andúð. -
Hlutu hvatningarverðlaun Íslensku menntaverðlaunanna
Íslensku menntaverðlaunin voru veitt við hátíðlega athöfn á Bessastöðum í gær. Verðlaunin voru upprunalega stofnuð til að auka veg menntaumbótastarfs og vekja athygli á því góða og metnaðarfulla starfi sem stundað er í skólum og frístundastarfi. -
Þjónustusamningur um rekstur almenningsbókasafns
Í dag var undirritaður þjónustusamningur Akureyrarbæjar og Svalbarðsstrandarhrepps um að íbúum hreppsins verði veitt fullt aðgengi að safnakosti og þjónustu Amtsbókasafnsins á Akureyri. -
Umgengni á athafnasvæði Skútabergs á Moldhaugnahálsi
Umgengni á athafnasvæði Skútabergs á Moldhaugnahálsi hefur verið til umræðu hjá Heilbrigðisnefnd Norðurlands eystra um skeið, en nefndin lýsti fyrir nokkru yfir vonbrigðum með að áform um tiltekt á svæðinu hefðu ekki gengið eftir. -
Sjúkrahúsið á Akureyri
Ísland er fámennt en stórt land. Íbúaþróun síðustu áratugi hefur á margan hátt verið óskynsamleg. Samkvæmt gögnum frá Hagstofunni búa nú nálægt 80% landsmanna á stórhöfuðborgarsvæðinu en 20% landsmanna á gríðarlega víðfeðmu landsvæði utan þess. Fá dæmi eru um slíka samþjöppun búsetu í nokkru landi og fyrir vikið er það flókið verkefni að tryggja öllum landsmönnum fyrsta flokks lögbundna þjónustu, þótt sannarlega sé það bráð nauðsynlegt. Það á ekki síst við um réttinn til heilbrigðisþjónustu.
