20. nóvember - 27. nóvember - Tbl 47
Velferðarráð: Vilji til að taka þátt - málið í ferli
Grófin hefur óskað eftir þjónustusamningi við Akureyrarbær og er unnið að því máli.
Elma Eysteinsdóttir formaður Velferðarráðs segir að unnið sé að málum Grófarinnar geðræktar á Akureyri. Grófin geðrækt hefur óskað eftir því að Akureyrarbær undirriti þjónustusamning til að tryggja reksturinn. Minnihlutinn í velferðarráði bókaði þegar málið var til umfjöllunar á dögunum að endurtekið hefði verið reynt að gera þjónustusamning og endurtekið hefði það ekki tekist.
Á fundinum þar sem málið var til umfjöllunar var því vísað til fjárhagsáætlunargerðar „og því fjarri lagi að ekki sé vilji til að gera einhvers konar þjónustusamning við Grófina eða að styðja við starfsemina á annan hátt,“ segir Elma. Hún bendir á að Grófin geðrækt hafi fengið í fyrsta sinn styrk frá Akureyrarbæ nú á þessu fyrsta ári nýs velferðarráðs.
Fyrra velferðarráði var í lófa lagið að gera þjónustusamning við Grófina hafi verið vilji fyrir því. Í bókun minnihlutans kemur fram að við ætlum ekki að standa við stóru orðin en ég veit ekki hvaða stóru orð verið er að tala um. Það er mjög einkennilegt að koma fram með þetta núna og láta eins og við séum ekki að standa okkur, það er verið að vinna að þessu máli og mun þeirri vinnu ljúka í tengslum við fjárhagsáætlunargerð í haust „ segir Elma.
Grófin hefur verið starfrækt á Akureyri frá árinu 2013 og hefur sannað gildi sitt sem mikilvægur vettvangur fyrir fólk sem glímir við geðraskanir. Elma segir að fyrir því sé skilningur innan bæjarstjórnar. 
Málið í vinnslu
Elma segir að frá því ljóst var að húsnæði Grófarinnar væri óviðunandi hafi leit hafist að heppilegu húsnæði og bærinn tekið þátt í henni. Eins sé ljós að Lautin sem einnig er úrræði fyrir fólk með geðraskanir og rekið af Akureyrarbæ, sé í óhentugu húsnæði. „Við skoðuðum til að byrja með hvort hægt væri að ná fram samlegðaráhrifum með því að hafa þessi tvö úrræði undir sama þaki en fljótlega kom í ljós að það gengur ekki upp. Starfsemin er það ólík og á ekki samleið,“ segir Elma og bætir við að hvorki hafi gengið né rekið að finna húsnæði.
Hún segir að ekki sé tímabært nú að hrópa á torgum og fara fram með stóryrði. Verið sé að vinna að málum Grófarinnar. „Þetta er í vinnslu, en stundum er það svo þar sem margt er í gangi í einu að sumum finnst ganga hægt að þoka málum áfram. En það er alveg ljóst að við í meirihlutanum höfum vilja til að koma að þessu máli.“
Nýjast
-
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur.
