Vel heppnuð kynning á fjölbreyttum störfum í sjávarútvegi á Starfamessu 2025 13.03.2025
Hátt í eitt þúsund nemendur 9. og 10. bekk grunnskóla á Eyjafjarðarsvæðinu auk nemenda í framhaldsskólum og Háskólanum á Akureyri sóttu Starfamessu 2025 sem haldin var í Háskólanum á Akureyri í dag, fimmtudag.
Samherji var með kynningarbás og starfsmenn kynntu starfsemi félagsins ásamt náms- og starfsmöguleikum í sjávarútvegi. Alls tóku um þrjátíu fyrirtæki og stofnanir þátt í viðburðinum, sem er árlegur.
Mörg spennandi tækifæri í sjávarútvegi
„ Við vorum átta starfsmenn Samherja sem kynntum hvers konar störf eru í boði í sjávarútvegi, sem er alþjóðleg atvinnugrein og þarfnast fólks sem margvíslega menntun. Á svona degi gefst kærkomið tækifæri til kynna fyrir ungu fólki þau fjölmörgu spennandi tækifæri sem eru til staðar í þessari atvinnugrein,“ segir Sunneva Ósk Guðmundsdóttir framleiðslustjóri landvinnslu Samherja.“
Málin rædd
Fiskborgarar og Collab
„ Að þessu sinni mætti Bessi í Bessabita með grillvagninn sinn og grillaði fiskborgara, sem nemendurnir kunnu vel að meta. Með fiskborgurunum var boðið upp á drykkinn Collab, sem inniheldur kollagen og er unnið úr fiskroði, meðal annars frá Samherja. Það má því segja að nemendurnir hafi bæði borðað og drukkið fisk. Þetta var skemmtilegur dagur og nemendurnir spurðu margs um sjávarútveg. Hérna í Eyjafirði eru mörg fyrirtæki sem þjónusta sjávarútveginn með einum eða öðrum hætti, þannig að sjávarútvegur snýst um miklu meira en að veiða og vinna fisk. Sjálf fór ég í sjávarútvegsfræði við Háskólann á Akureyri og sé alls ekki eftir því,“ segir Sunneva.
Það er heimasíða Samherja sem sagði fyrst frá
Nýjast
-
Vel heppnuð kynning á fjölbreyttum störfum í sjávarútvegi á Starfamessu 2025 13.03.2025
Hátt í eitt þúsund nemendur 9. og 10. bekk grunnskóla á Eyjafjarðarsvæðinu auk nemenda í framhaldsskólum og Háskólanum á Akureyri sóttu Starfamessu 2025 sem haldin var í Háskólanum á Akureyri í dag, fimmtudag. -
Nettó í nýja verslunar- og þjónustumiðstöð á Húsavík
Samkaup hefur gert samning við KSK eignir ehf. um leigu á Vallholtsveg 8 á Húsavík. Gert er ráð fyrir afendingu rýmisins á tímabilinu 2028 – 2030. Alls er um að ræða tæplega 1.400 fermetra rými miðsvæðis í bænum með ásættanlegt magn bílastæða og góðu aðgengi. -
Starfsfólk hjá HSN lendir fjölbreyttum verkefnum og sum ná alveg í hjartastað.
Á jólanótt var Ásgeir Örn Jónsson sérfræðingur í bráðalækningum á HSN, heilsugæslunni á Akureyri, á vakt þegar útkallsbeiðni barst sem þróaðist í yndislegt jólaævintýri. -
Lagt til að göngugatan á Akureyri verði lokuð fyrir umferð frá byrjun maí til loka september
Skipulagsráð tekur jákvætt í að göngugötunni á Akureyri verði lokað frá 1. maí til 30. september vegna slæms ástands yfirborðs götunnar og komu skemmtiferðaskipa á þessu tímabili. -
Leikfélag Menntaskólans á Akureyri setur upp Galdrakarlinn í Oz
Leikfélag Menntaskólans á Akureyri frumsýnir Galdrakarlinn í Oz í Menningarhúsinu Hofi annað kvöld, föstudagskvöldið 14. mars. Fjöldi nemenda sem með einum eða örðum hætti tekur þátt í sýningunni er um 100 en nemendur skólans eru í allt um 550. Áhugi á leiklist er mikill í MA og í raun komust færri að en vildu. -
OFF - Oflæti, fákunnátta og fordómar
Þorvaldur Lúðvík Sigurjónssson skrifaði í gærkvöldi færslu á Facebooksíðu sína sem vakið hefur mikla athygli. Vefurinn fékk góðfúslegt samþykki frá Þorvaldi til birtingar á skrifum þeim sem hér á eftir koma. -
Húsavíkurflug, áskorun til ráðherra.
Baráttuhópur fyrir Húsavíkurflugi (sem samanstendur af fulltrúum Norðurþings, Þingeyjarsveitar, stéttarfélögunum í Þingeyjarsýslum, atvinnufyrirtækjum þ.m.t. ferðaþjónustunni, HSN í Þingeyjarsýslum, SSNE og Húsavíkurstofu) skorar á samgöngu- og sveitarstjórnarráðherra og fjármálaráðherra að tryggja áfram fjármuni á fjárlögum til farþega- og sjúkraflugs um Húsavíkurflugvöll. Við teljum mjög mikilvægt að haldið sé úti öflugum flugsamgöngum allt árið og að samlegðaráhrif geti verið með öðru innanlandsflugi á Íslandi, m.a. m.t.t. stærðar þeirra flugvéla sem nýttar eru í flugið. -
Framtíðardagar Háskólans á Akureyri Tengsl við atvinnulífið og næstu skref á vinnumarkaði
Háskólinn á Akureyri stendur fyrir Framtíðardögum fimmtudaginn 13. mars. Framtíðardagar gefa stúdentum einstakt tækifæri til að kynnast atvinnulífinu. Markmið dagskrárinnar er að veita stúdentum innsýn í störf fyrirtækja sem getur hjálpað þeim að átta sig á því hvað er í boði á vinnumarkaði og að taka næstu skref á starfsferli sínum. Viðburðurinn er öllum opinn en um er að ræða góðan vettvang fyrir einstaklinga sem eru að huga að næstu skrefum hvort sem það er varðandi nám eða í atvinnulífinu. Einnig eru Framtíðardagar góður vettvangur fyrir fyrirtæki til að kynna starfsemi sína. -
Tvær nýjar námsleiðir á meistarastigi við hjúkrunarfræðideild Háskólans á Akureyri næsta haust.
Næsta haust verður boðið upp á tvær nýjar námsleiðir á meistarastigi við hjúkrunarfræðideild skólans. Leiðirnar sem um ræðir eru hjúkrun einstaklinga með hjartasjúkdóma og hjúkrun einstaklinga með sykursýki og hefur slíkt sérhæft meistaranám fyrir hjúkrunarfræðinga ekki verið áður á Íslandi.
