Leikfélag Menntaskólans á Akureyri setur upp Galdrakarlinn í Oz
Leikfélag Menntaskólans á Akureyri frumsýnir Galdrakarlinn í Oz í Menningarhúsinu Hofi annað kvöld, föstudagskvöldið 14. mars. Fjöldi nemenda sem með einum eða örðum hætti tekur þátt í sýningunni er um 100 en nemendur skólans eru í allt um 550. Áhugi á leiklist er mikill í MA og í raun komust færri að en vildu.
Unnur Ísold Kristinsdóttir formaður LMA segir að mikil aðsókn hafi verið í allt sem viðkemur sýningunni, hvort heldur var að leika á sviðinu eða vera með í öðrum teymum. . „Það var mikil aðsókn í allar prufur, ekki bara að leika heldur líka að taka þátt í öðrum verkefnum, eins og danshóp og það á einnig við um fólkið á bak við tjöldin, við erum með hljómsveit og listræn teymi sem sjá um leikmynd, búninga, förðun og tækni auk þess sem við erum með nemendur sem sjá um markaðsstörf. Það var alls staðar sama sagan, mikil ásókn í að taka þátt.“
Unnur Ísold Kristinsdóttir formaður LMA
Fleiri þurfa á hjálp að halda
Margir kannast við Galdrakarlinn í Oz en í sögunni segir frá því þegar fellibylur feykir húsi Dórótheu til framandi töfralands og hún, ásamt hundinum Tótó, vill komast aftur heim. Hún ákveður að leita hjálpar hjá Galdrakarlinum í Oz og á leiðinni til hans hittir hún heilalausu Fuglahræðuna, hjartalausa Tinkarlinn og huglausa Ljónið. Það eru því fleiri sem þurfa á hjálp að halda og saman halda vinirnir í mikla ævintýraferð.
Fjölskyldusýningar vinsælar
Unnur segir að um árin hafi sýningar LMA fengið mikla og góða aðsókn og vilvilji sé mikill í garð félagsins í samfélaginu. „Við höfum um árin oft valið að setja upp sýningar sem henta allri fjölskyldunni og þær hafa fallið í kramið. Það er mikill vilji til þess norðan heiða að sækja leikhús og við njótum góðs af því,“ segir hún.
Búið er að setja upp 6 sýningar á Galdrakarlinum, en tvær sýningar eru næstkomandi sunnudag, kl. 13 og 17 og þá er sýning þar næsta föstudag og tvær sýningar sunnudaginn 6. apríl.
Leikstjóri er Egill Andrason. Aðstoðarleikstjórar eru Stormur Thoroddsen og Agnes Inga Eldjárn. Danshöfundar eru Ásta María Viðarsdóttir og Auður Gná Sigurðardóttir Tónlistarstjórnendur eru Helga Björg Kjartansdóttir og Viktoría Sól Hjaltadóttir.
Nýjast
-
Vel heppnuð kynning á fjölbreyttum störfum í sjávarútvegi á Starfamessu 2025 13.03.2025
Hátt í eitt þúsund nemendur 9. og 10. bekk grunnskóla á Eyjafjarðarsvæðinu auk nemenda í framhaldsskólum og Háskólanum á Akureyri sóttu Starfamessu 2025 sem haldin var í Háskólanum á Akureyri í dag, fimmtudag. -
Nettó í nýja verslunar- og þjónustumiðstöð á Húsavík
Samkaup hefur gert samning við KSK eignir ehf. um leigu á Vallholtsveg 8 á Húsavík. Gert er ráð fyrir afendingu rýmisins á tímabilinu 2028 – 2030. Alls er um að ræða tæplega 1.400 fermetra rými miðsvæðis í bænum með ásættanlegt magn bílastæða og góðu aðgengi. -
Starfsfólk hjá HSN lendir fjölbreyttum verkefnum og sum ná alveg í hjartastað.
Á jólanótt var Ásgeir Örn Jónsson sérfræðingur í bráðalækningum á HSN, heilsugæslunni á Akureyri, á vakt þegar útkallsbeiðni barst sem þróaðist í yndislegt jólaævintýri. -
Lagt til að göngugatan á Akureyri verði lokuð fyrir umferð frá byrjun maí til loka september
Skipulagsráð tekur jákvætt í að göngugötunni á Akureyri verði lokað frá 1. maí til 30. september vegna slæms ástands yfirborðs götunnar og komu skemmtiferðaskipa á þessu tímabili. -
Leikfélag Menntaskólans á Akureyri setur upp Galdrakarlinn í Oz
Leikfélag Menntaskólans á Akureyri frumsýnir Galdrakarlinn í Oz í Menningarhúsinu Hofi annað kvöld, föstudagskvöldið 14. mars. Fjöldi nemenda sem með einum eða örðum hætti tekur þátt í sýningunni er um 100 en nemendur skólans eru í allt um 550. Áhugi á leiklist er mikill í MA og í raun komust færri að en vildu. -
OFF - Oflæti, fákunnátta og fordómar
Þorvaldur Lúðvík Sigurjónssson skrifaði í gærkvöldi færslu á Facebooksíðu sína sem vakið hefur mikla athygli. Vefurinn fékk góðfúslegt samþykki frá Þorvaldi til birtingar á skrifum þeim sem hér á eftir koma. -
Húsavíkurflug, áskorun til ráðherra.
Baráttuhópur fyrir Húsavíkurflugi (sem samanstendur af fulltrúum Norðurþings, Þingeyjarsveitar, stéttarfélögunum í Þingeyjarsýslum, atvinnufyrirtækjum þ.m.t. ferðaþjónustunni, HSN í Þingeyjarsýslum, SSNE og Húsavíkurstofu) skorar á samgöngu- og sveitarstjórnarráðherra og fjármálaráðherra að tryggja áfram fjármuni á fjárlögum til farþega- og sjúkraflugs um Húsavíkurflugvöll. Við teljum mjög mikilvægt að haldið sé úti öflugum flugsamgöngum allt árið og að samlegðaráhrif geti verið með öðru innanlandsflugi á Íslandi, m.a. m.t.t. stærðar þeirra flugvéla sem nýttar eru í flugið. -
Framtíðardagar Háskólans á Akureyri Tengsl við atvinnulífið og næstu skref á vinnumarkaði
Háskólinn á Akureyri stendur fyrir Framtíðardögum fimmtudaginn 13. mars. Framtíðardagar gefa stúdentum einstakt tækifæri til að kynnast atvinnulífinu. Markmið dagskrárinnar er að veita stúdentum innsýn í störf fyrirtækja sem getur hjálpað þeim að átta sig á því hvað er í boði á vinnumarkaði og að taka næstu skref á starfsferli sínum. Viðburðurinn er öllum opinn en um er að ræða góðan vettvang fyrir einstaklinga sem eru að huga að næstu skrefum hvort sem það er varðandi nám eða í atvinnulífinu. Einnig eru Framtíðardagar góður vettvangur fyrir fyrirtæki til að kynna starfsemi sína. -
Tvær nýjar námsleiðir á meistarastigi við hjúkrunarfræðideild Háskólans á Akureyri næsta haust.
Næsta haust verður boðið upp á tvær nýjar námsleiðir á meistarastigi við hjúkrunarfræðideild skólans. Leiðirnar sem um ræðir eru hjúkrun einstaklinga með hjartasjúkdóma og hjúkrun einstaklinga með sykursýki og hefur slíkt sérhæft meistaranám fyrir hjúkrunarfræðinga ekki verið áður á Íslandi.
