Húsavíkurflug, áskorun til ráðherra.
Baráttuhópur fyrir Húsavíkurflugi (sem samanstendur af fulltrúum Norðurþings, Þingeyjarsveitar, stéttarfélögunum í Þingeyjarsýslum, atvinnufyrirtækjum þ.m.t. ferðaþjónustunni, HSN í Þingeyjarsýslum, SSNE og Húsavíkurstofu) skorar á samgöngu- og sveitarstjórnarráðherra og fjármálaráðherra að tryggja áfram fjármuni á fjárlögum til farþega- og sjúkraflugs um Húsavíkurflugvöll.
Við teljum mjög mikilvægt að haldið sé úti öflugum flugsamgöngum allt árið og að samlegðaráhrif geti verið með öðru innanlandsflugi á Íslandi, m.a. m.t.t. stærðar þeirra flugvéla sem nýttar eru í flugið.
Hópurinn gerir kröfu á að viðhaldsverk á flugbraut og flugstöð á Húsavíkurflugvelli sem eru ásamgönguáætlun komist til framkvæmda sem fyrst enda afar mikilvægt að mannvirkjum sem tengjast flugsamgöngum um Húsavíkurflugvöll sé vel við haldið.
Greinagerð:
Húsavíkurflugvöllur hefur stórt upptökusvæði notenda, upp í Mývatnssveit og allt til Raufarhafnar sem er í um 140 km fjarlægð frá Húsavíkurflugvelli og 1,5 tíma í akstri. Ef fara þarf til Akureyrar bætist við 1 klst hvora leið auk kostnaðar við greiðslu í Vaðlaheiðargöng.
Nauðsynlegt er að tryggja samfellu í flugáætlun farþega- og sjúkraflugs um Húsavíkurflugvöll á ársgrundvelli.
Ef áætlunarflug fellur niður verður erfiðara að halda úti sjúkraflugi þar sem ekki er hægt að fljúga sjúkraflug að vetrarlagi nema flugbraut sé haldið opinni. Það getur orðið kostnaðarsamara fyrir ríkissjóð ef fara þarf með allt sjúkraflug gegnum Akureyrarflugvöll yfir vetrartímann, svo ekki sé talað um umtalsverða lengingu viðbragðstíma og áhættu fyrir sjúklinga í krítísku ástandi. Þriggja mánaða ríkisstyrkur, eins og í vetur, er jákvæð aðkoma stjórnvalda en því miður treystir Norlandair sér ekki til að bjóða upp á flug hina 9 mánuðina og rofnar þá þjónustan sem er mjög slæmt. Verði ekki hægt að tryggja ríkisstyrk á ársgrundvelli hvað varðar flug til Húsavíkur, hlýtur að koma til greina að flugfélagið sem fengi úthlutað flugleiðinni Reykjavík-Húsavík, geri það á markaðslegum forsendum hluta úr ári á móti ríkisstyrk.
Norðurþing, Landsvirkjun og umhverfis-, orku- og loftslagsráðuneytið hafa unnið saman að uppbyggingu græns iðngarðs á Bakka. Nú hafa tvö stór fyrirtæki sýnt mikinn áhuga á að byggja upp sína starfsemi á Bakka. Þá er fyrirhugað að hefja stækkun Þeistareykjavirkjunar í haust og
eru í farvatninu fleiri atvinnuverkefni þar. Allt þetta kallar á mikil umsvif á svæðinu og aukin þörf fyrir ferðir til og frá höfuðborgarsvæðinu að Húsavík, Þeistareykjum og Bakka. Það er því mjög slæmt fyrir þessi áform ef áætlunarflug um Húsavíkurflugvöll verður ekki í boði.
Þá er Húsavíkurflugið jafnframt mikilvægt fyrir ferðaþjónustuna í landinu, en mikill vilji hefur verið hjá stjórnvöldum að dreifa álaginu af suðurhluta landsins sem hefur verið talinn svo til uppseldur.
Það má því fullyrða að það sé öllu landinu í hag að haldið sé uppi áætlunarflugi út um landsbyggðirnar og að ferðafólk hafi ríkara val um að skoða sig um víðar en kringum höfuðborgarsvæðið. Hvað Þingeyjarsýslurnar varðar eru mikil sóknartækifæri í eflingu ferðarþjónustunnar. Það sem háir frekari uppbyggingu á svæðinu eru lélegar flugsamgöngur inn
á svæðið. Við því vilja heimamenn bregðast með góðum flugsamgöngum til Húsavíkur.
Undanfarna áratugi hafa stjórnvöld verið að þrengja að opinberri þjónustu út um landsbyggðirnar sem hefur leitt til þess að íbúar þurfa að sækja nánast alla sérfræðiþjónustu s.s. læknaþjónustu til Reykjavíkur með tilheyrandi kostnaði er tengist ekki síst ferða- og dvalarkostnaði. Það er lágmarkskrafa íbúa austan Vaðlaheiðar að ofan á óhóflegan kostnað bætist ekki óþarfa viðbótarakstur og kostnaður í Vaðlaheiðargöng.
Innanlandsflugið eru okkar mikilvægustu almenningssamgöngur og á meðan flestöll stjórnsýsla og þjónusta er fyrst og fremst staðsett á Höfuðborgarsvæðinu skiptir það byggðir landsins öllu máli að hafa stöðugt aðgengi að innanlandsflugi og þar með talið um Húsavíkurflugvöll
Nýjast
-
Húsavíkurflug, áskorun til ráðherra.
Baráttuhópur fyrir Húsavíkurflugi (sem samanstendur af fulltrúum Norðurþings, Þingeyjarsveitar, stéttarfélögunum í Þingeyjarsýslum, atvinnufyrirtækjum þ.m.t. ferðaþjónustunni, HSN í Þingeyjarsýslum, SSNE og Húsavíkurstofu) skorar á samgöngu- og sveitarstjórnarráðherra og fjármálaráðherra að tryggja áfram fjármuni á fjárlögum til farþega- og sjúkraflugs um Húsavíkurflugvöll. Við teljum mjög mikilvægt að haldið sé úti öflugum flugsamgöngum allt árið og að samlegðaráhrif geti verið með öðru innanlandsflugi á Íslandi, m.a. m.t.t. stærðar þeirra flugvéla sem nýttar eru í flugið. -
Framtíðardagar Háskólans á Akureyri Tengsl við atvinnulífið og næstu skref á vinnumarkaði
Háskólinn á Akureyri stendur fyrir Framtíðardögum fimmtudaginn 13. mars. Framtíðardagar gefa stúdentum einstakt tækifæri til að kynnast atvinnulífinu. Markmið dagskrárinnar er að veita stúdentum innsýn í störf fyrirtækja sem getur hjálpað þeim að átta sig á því hvað er í boði á vinnumarkaði og að taka næstu skref á starfsferli sínum. Viðburðurinn er öllum opinn en um er að ræða góðan vettvang fyrir einstaklinga sem eru að huga að næstu skrefum hvort sem það er varðandi nám eða í atvinnulífinu. Einnig eru Framtíðardagar góður vettvangur fyrir fyrirtæki til að kynna starfsemi sína. -
Tvær nýjar námsleiðir á meistarastigi við hjúkrunarfræðideild Háskólans á Akureyri næsta haust.
Næsta haust verður boðið upp á tvær nýjar námsleiðir á meistarastigi við hjúkrunarfræðideild skólans. Leiðirnar sem um ræðir eru hjúkrun einstaklinga með hjartasjúkdóma og hjúkrun einstaklinga með sykursýki og hefur slíkt sérhæft meistaranám fyrir hjúkrunarfræðinga ekki verið áður á Íslandi. -
Fjármálaleikar grunnskólanna – tekur þinn skóli þátt?
Það er hægt að keppa í fjármálalæsi eins og svo mörgu öðru. Dagana 17.–24. mars næstkomandi standa yfir Fjármálaleikar milli grunnskóla en þá keppa nemendur á unglingastigi í fjármálalæsi. Alls hafa hátt í fjórtán þúsund unglingar í grunnskólum landsins tekið þátt í Fjármálaleikunum undanfarin sjö ár, en það er fræðsluvettvangurinn Fjármálavit stendur fyrir keppninni. Markmiðið er að ungmenni fái tækifæri til að læra um grunnþætti fjármála með skemmtilegum hætti, sem þau búa vonandi að síðar á lífsleiðinni. -
Vínbúð lokað í Hólabraut og önnur opnuð við Norðurtorg
Vínbúðinni sem starfað hefur verið Hólabraut á Akureyri var skellt í lás í lok dags á þriðjudag í s.l. viku. Vínbúð var opnuð á nýjum stað við Norðurtorg á miðvikudagsmorgun. -
Að komast frá mömmu og pabba
Að kaupa sína fyrstu fasteign er stórt og spennandi skref, en fyrir marga unga Íslendinga virðist það oft vera nánast ómögulegt verkefni. Hátt fasteignaverð, strangar lánareglur og síhækkandi daglegur kostnaður hafa gert það að verkum að mörg ungmenni eiga erfitt með að kaupa sína fyrstu íbúð án aðstoðar. En stjórnvöld hafa gripið til aðgerða til að auðvelda fyrstu kaupendum að komast inn á fasteignamarkaðinn. Með réttum úrræðum og stefnu sem miðast við raunveruleika fólks er hægt að brjóta niður þessar hindranir og tryggja að fleiri geti eignast sitt eigið heimili. Úrræðin nýtast okkur þó ekki ef við vitum ekki af þeim. Förum aðeins yfir þau úrræði sem standa okkur til boða í dag: -
Fríða Karlsdóttir sýnir á Listasafninu á Akureyri
„Það er mikill heiður og ánægja að sýna í Listasafninu á Akureyri. Safninu ber að hrósa fyrir stuðning sinn við ungt listafólk á síðustu árum. Þetta boð hefur verið mér mikill innblástur og hvatning til áframhaldandi starfa innan myndlistarinnar,“ segir Fríða Karlsdóttir en sýning hennar „Ekkert nema mýktin“ hefur staðið yfir á Listasafninu á Akureyri frá í haust. Henni lýkur um miðjan mars. -
Optimar og Slippurinn Akureyri efla samstarf sitt
Optimar og Slippurinn Akureyri styrkja tengsl sín með stefnumarkandi samstarfi til að auka samkeppnishæfni og efla stöðu sína bæði á innlendum og erlendum mörkuðum. Þessi samvinna mun skapa ný tækifæri fyrir bæði fyrirtækin og viðskiptavini þeirra. -
Lokaorðið - Fnykur
Fyrir nokkrum árum var haldið í bæjarferð, með leikskólabarn og hormónafylltan ungling í aftursætinu. Ferðin gekk vel framan af, rifrildin í aftursætinu með minna móti og enginn bílveikur. Það er varla hægt að biðja um meira. Á miðri Svalbarðsströndinni fer bílstjórinn (Keli) að skammast yfir ógurlegum fnyk í bílnum. Þetta er nú meiri skítaksturinn alltaf hérna á ströndinni, örugglega nýbúið að bera á kúamykju eða hænsnaskít, eða bara hvort tveggja, þvílíkt og annað eins. Unglingurinn ranghvolfir augunum og frúin hristir hausinn; hvað er maðurinn eiginlega að tala um? Enginn annar í bílnum finnur lyktina. Merkingarþrungin þögn nokkra stund og þegar komið er fram hjá Svalbarðseyri telur bílstjórinn óhætt að opna glugga til að lofta út úr bílnum.
