Framtíðardagar Háskólans á Akureyri Tengsl við atvinnulífið og næstu skref á vinnumarkaði
Háskólinn á Akureyri stendur fyrir Framtíðardögum fimmtudaginn 13. mars. Framtíðardagar gefa stúdentum einstakt tækifæri til að kynnast atvinnulífinu. Markmið dagskrárinnar er að veita stúdentum innsýn í störf fyrirtækja sem getur hjálpað þeim að átta sig á því hvað er í boði á vinnumarkaði og að taka næstu skref á starfsferli sínum. Viðburðurinn er öllum opinn en um er að ræða góðan vettvang fyrir einstaklinga sem eru að huga að næstu skrefum hvort sem það er varðandi nám eða í atvinnulífinu. Einnig eru Framtíðardagar góður vettvangur fyrir fyrirtæki til að kynna starfsemi sína.
„Það er mikilvægt að vera meðvituð um starfsferilinn og hvernig hann getur þróast og hvað þarf að hafa í huga þegar þátttaka á vinnumarkaði er undirbúin. Framtíðardagar geta hjálpað stúdentum að koma auga á tækifæri og nýjar hugmyndir geta kviknað,“ segir María Jónsdóttir, náms- og starfsráðgjafi við Nemendaráðgjöf HA og er skipulag dagsins í þeirra höndum.
Opinn fyrirlestur kl. 12.30
Helga Sigrún Hermannsdóttir, verkfræðingur í hagnýtri efnafræði og stofnandi Dóttir Skin mun heimsækja HA og flytja erindi opið öllum kl. 12:30. Helga Sigrún starfar sem vörustjóri hjá Dóttir Skin en hún hefur brennandi áhuga á efnafræði, nýsköpun og frumkvöðlastarfi. Sjálf hefur hún farið óhefðbundnar leiðir í sinni vegferð. Helga Sigrún vinnur nú bæði að uppbyggingu vörumerkis síns, Dóttir Skin, og rannsóknarverkefni sem snýr að nýrri tækni í þróun sólarvarna. Í erindinu mun hún deila reynslu sinni af því að láta drauma rætast og þeim áskorunum sem fylgja. Auk þess hvernig menntun, sköpunargleði og smá kjarkur geta opnað dyr óvænta tækifæra. Skipuleggjendur hvetja stúdenta, starfsfólk og gesti til þess að nýta sér þetta einstaka tækifæri sem ætti svo sannarlega að veita innblástur.
Gott samstarf Framtíðardaga og Starfamessu
Framtíðardagar eru haldnir í framhaldi af og í samstarfi við Starfamessu grunnskólanna þar sem grunnskólanemum Akureyrar og nágrennis gefst kostur á að fræðast um störf og menntun og kynnast fyrirtækjum. Náms- og starfsráðgjafar grunnskóla á Akureyri hafa veg og vanda af Starfamessu og er það sönn ánægja fyrir HA að fá að vera með í því verkefni. Grunnskólanemar koma í heimsókn fyrir hádegi en í hádeginu taka við Framtíðardagar þar sem stúdentum og öðrum gefst kostur á að kynna sér starfsemi fyrirtækjanna og velta fyrir sér undirbúningi fyrir atvinnulífið.
Öll velkomin
Framtíðardagar hefjast kl. 12:00 á fimmtudaginn og hvetjum við öll til þess að mæta, rölta hring um svæðið, efla tengslanetið og mæta á erindi Helgu Sigrúnar kl. 12.30. Hér er hægt að nálgast frekari upplýsingar.
Nýjast
-
Húsavíkurflug, áskorun til ráðherra.
Baráttuhópur fyrir Húsavíkurflugi (sem samanstendur af fulltrúum Norðurþings, Þingeyjarsveitar, stéttarfélögunum í Þingeyjarsýslum, atvinnufyrirtækjum þ.m.t. ferðaþjónustunni, HSN í Þingeyjarsýslum, SSNE og Húsavíkurstofu) skorar á samgöngu- og sveitarstjórnarráðherra og fjármálaráðherra að tryggja áfram fjármuni á fjárlögum til farþega- og sjúkraflugs um Húsavíkurflugvöll. Við teljum mjög mikilvægt að haldið sé úti öflugum flugsamgöngum allt árið og að samlegðaráhrif geti verið með öðru innanlandsflugi á Íslandi, m.a. m.t.t. stærðar þeirra flugvéla sem nýttar eru í flugið. -
Framtíðardagar Háskólans á Akureyri Tengsl við atvinnulífið og næstu skref á vinnumarkaði
Háskólinn á Akureyri stendur fyrir Framtíðardögum fimmtudaginn 13. mars. Framtíðardagar gefa stúdentum einstakt tækifæri til að kynnast atvinnulífinu. Markmið dagskrárinnar er að veita stúdentum innsýn í störf fyrirtækja sem getur hjálpað þeim að átta sig á því hvað er í boði á vinnumarkaði og að taka næstu skref á starfsferli sínum. Viðburðurinn er öllum opinn en um er að ræða góðan vettvang fyrir einstaklinga sem eru að huga að næstu skrefum hvort sem það er varðandi nám eða í atvinnulífinu. Einnig eru Framtíðardagar góður vettvangur fyrir fyrirtæki til að kynna starfsemi sína. -
Tvær nýjar námsleiðir á meistarastigi við hjúkrunarfræðideild Háskólans á Akureyri næsta haust.
Næsta haust verður boðið upp á tvær nýjar námsleiðir á meistarastigi við hjúkrunarfræðideild skólans. Leiðirnar sem um ræðir eru hjúkrun einstaklinga með hjartasjúkdóma og hjúkrun einstaklinga með sykursýki og hefur slíkt sérhæft meistaranám fyrir hjúkrunarfræðinga ekki verið áður á Íslandi. -
Fjármálaleikar grunnskólanna – tekur þinn skóli þátt?
Það er hægt að keppa í fjármálalæsi eins og svo mörgu öðru. Dagana 17.–24. mars næstkomandi standa yfir Fjármálaleikar milli grunnskóla en þá keppa nemendur á unglingastigi í fjármálalæsi. Alls hafa hátt í fjórtán þúsund unglingar í grunnskólum landsins tekið þátt í Fjármálaleikunum undanfarin sjö ár, en það er fræðsluvettvangurinn Fjármálavit stendur fyrir keppninni. Markmiðið er að ungmenni fái tækifæri til að læra um grunnþætti fjármála með skemmtilegum hætti, sem þau búa vonandi að síðar á lífsleiðinni. -
Vínbúð lokað í Hólabraut og önnur opnuð við Norðurtorg
Vínbúðinni sem starfað hefur verið Hólabraut á Akureyri var skellt í lás í lok dags á þriðjudag í s.l. viku. Vínbúð var opnuð á nýjum stað við Norðurtorg á miðvikudagsmorgun. -
Að komast frá mömmu og pabba
Að kaupa sína fyrstu fasteign er stórt og spennandi skref, en fyrir marga unga Íslendinga virðist það oft vera nánast ómögulegt verkefni. Hátt fasteignaverð, strangar lánareglur og síhækkandi daglegur kostnaður hafa gert það að verkum að mörg ungmenni eiga erfitt með að kaupa sína fyrstu íbúð án aðstoðar. En stjórnvöld hafa gripið til aðgerða til að auðvelda fyrstu kaupendum að komast inn á fasteignamarkaðinn. Með réttum úrræðum og stefnu sem miðast við raunveruleika fólks er hægt að brjóta niður þessar hindranir og tryggja að fleiri geti eignast sitt eigið heimili. Úrræðin nýtast okkur þó ekki ef við vitum ekki af þeim. Förum aðeins yfir þau úrræði sem standa okkur til boða í dag: -
Fríða Karlsdóttir sýnir á Listasafninu á Akureyri
„Það er mikill heiður og ánægja að sýna í Listasafninu á Akureyri. Safninu ber að hrósa fyrir stuðning sinn við ungt listafólk á síðustu árum. Þetta boð hefur verið mér mikill innblástur og hvatning til áframhaldandi starfa innan myndlistarinnar,“ segir Fríða Karlsdóttir en sýning hennar „Ekkert nema mýktin“ hefur staðið yfir á Listasafninu á Akureyri frá í haust. Henni lýkur um miðjan mars. -
Optimar og Slippurinn Akureyri efla samstarf sitt
Optimar og Slippurinn Akureyri styrkja tengsl sín með stefnumarkandi samstarfi til að auka samkeppnishæfni og efla stöðu sína bæði á innlendum og erlendum mörkuðum. Þessi samvinna mun skapa ný tækifæri fyrir bæði fyrirtækin og viðskiptavini þeirra. -
Lokaorðið - Fnykur
Fyrir nokkrum árum var haldið í bæjarferð, með leikskólabarn og hormónafylltan ungling í aftursætinu. Ferðin gekk vel framan af, rifrildin í aftursætinu með minna móti og enginn bílveikur. Það er varla hægt að biðja um meira. Á miðri Svalbarðsströndinni fer bílstjórinn (Keli) að skammast yfir ógurlegum fnyk í bílnum. Þetta er nú meiri skítaksturinn alltaf hérna á ströndinni, örugglega nýbúið að bera á kúamykju eða hænsnaskít, eða bara hvort tveggja, þvílíkt og annað eins. Unglingurinn ranghvolfir augunum og frúin hristir hausinn; hvað er maðurinn eiginlega að tala um? Enginn annar í bílnum finnur lyktina. Merkingarþrungin þögn nokkra stund og þegar komið er fram hjá Svalbarðseyri telur bílstjórinn óhætt að opna glugga til að lofta út úr bílnum.
