Vegagerðin breytir hámarkshraða um Hörgársveit
„Við fögnum þessu,“ segir Snorri Finnlaugsson sveitarstjóri í Hörgársveit, en Vegagerðin hefur ákveðið breytingu á hámarkshraða í sveitarfélaginu.
Um er að ræða þjóðveg 1 við Þelamerkurskóla þar sem hámarkshraði verður lækkaður úr 90 kílómetrum niður í 70 kílómetra á klukkustund. Vegakaflinn nær til um 600 metra kafla ofan við skólann.
Við Þelamerkurskóla verður hámarkshraði lækkaður úr 90 km, niður í 70 km. á klst.
Eftir það, í átt að Akureyri verður leyfilegur hámarkshraði 80 km/klst. að Blómsturvallavegi/Hlíðarvegi þar sem hraðinn verður lækkaður niður í 70 km/klst. að Akureyrarbæ. Enn fremur er ákveðið að hámarkshraði á hliðarvegum út frá þjóðvegi 1 á þessum kafla verði lækkaður samhliða þessu.
Lengi barist fyrir þessu
Snorri segir að sveitarfélagið ásamt skólayfirvöldum og foreldrum hafi lengi barist fyrir því að hámarkshraði við Þelamerkurskóla yrði lækkaður í 70 kílómetra. „Nú er það að verða að veruleika og fögnum við því mjög. Við höfum líka skilning á því að vegurinn frá Þelamörk að Blómsturvallavegi/Hlíðarvegi beri ekki nema 80 km. hámarkshraða og hættuleg gatnamót á þessum kafla styðja þá ákvörðun.
Við höfum líka lagt til áður að kaflinn alveg frá Blómsturvallavegi/Hlíðarvegi að Akureyri verði með 70 km. hámarkshraða og fögnum því að svo verði nú,“ segir Snorri.
Nýjast
-
Ágústa Ágústsdóttir þingmaður Miðflokksins í Norðaustukjördæmi lýsti lífi þolanda líkamlegs og kynferðislegs ofbeldis í ræðustól Alþingis í dag
Ágústa Ágústsdóttir, varaþingmaður Miðflokksins í Norðaustukjördæmi, lýsti líkamlegu sem og kynferðslegu ofbeldi sem hún varð fyrir í 14 ár í ræðu sem hún flutti á Alþingi í dag. Vefur Vikublaðsins fékk góðfúslegt leyfi Ágústu til þess að birta ræðuna. -
Aðalfundur Félag eyfirskra kúabænda Stóri-Dunhagi með mestar afurðir í fyrra
Veittar voru viðurkenningar fyrir góðan árangur á aðalfundi Félags eyfirskra kúabænda nýverið. Verðlaunagripina gerði Ásta Júlía Aðalsteinsdóttir, Höllin verkstæði Hörgársveit.Góðir gestir komu til fundarins, þeir Trausti Hjálmarsson formaður BÍ og Rafn Bergsson, formaður Nautgripadeildar BÍ. -
LAGGÓ!
LAGGÓ, þetta gamla og góða ,,heróp” átti vel við á Akureyrarflugvelli í morgun þegar rúmlega fjörtíu manna hópur eldir togarajaxla lagði afstað með þotu easy Jet í ferð til Grimsby og Hull. Þar munu þeir hitta breska kollega sína, skoða sjóminnjasöfn og rifja upp gömlu góðu dagana þegar siglt var til Englands. -
Evrópusamstarf eflir skólastarf
Leik-, grunn- og framhaldsskólar á Íslandi myndu einangrast frekar hratt ef ekki kæmu reglulega fréttir af erlendum rannsóknum og þróunarverkefnum sem snúa að því að bæta skólastarf. Evrópusamstarf hefur veitt íslenskum skólum og kennurum dýrmæt tækifæri til að kynnast öðrum aðferðum, öðru sjónarhorni og víkka sjóndeildarhring sinn – bæði faglega og menningarlega. -
Framsýn Óskar eftir samtali við þingmenn um áætlunarflug til Húsavíkur
Með bréfi til þingmanna Norðausturkjördæmis í dag kallar Framsýn eftir samtali og stuðningi frá þingmönnum kjördæmisins hvað varðar áframhaldandi áætlunarflug til Húsavíkur. -
Vegagerðin breytir hámarkshraða um Hörgársveit
„Við fögnum þessu,“ segir Snorri Finnlaugsson sveitarstjóri í Hörgársveit, en Vegagerðin hefur ákveðið breytingu á hámarkshraða í sveitarfélaginu. -
Verkefnin framundan hjá Bifröst og Háskólanum á Akureyri Hans Guttormur Þormar ráðinn sem verkefnastjóri
Hans Guttormur Þormar hefur verið ráðinn verkefnastjóri í viðræðum um mögulega sameiningu Háskólans á Akureyri og Háskólans á Bifröst. Hans er með meistaragráðu í sameindalíffræði frá Háskóla Íslands og hefur unnið að viðamiklum rannsóknum á ýmsum sviðum, þar á meðal lífefna- og sameindalíffræði og hafa rannsóknirnar oft og tíðum verið í alþjóðlegu samstarfi. Hann hefur á sínum ferli leitt fjöldamörg samstarfsverkefni, þar á meðal uppbyggingu Djúptæknikjarna í Vatnsmýrinni, og í hans verkefnum hefur reynt á að koma á breytingum í hugsun hvað varðar samvinnu einstaklinga frá ólíkum sviðum, stofnunum og fyrirtækjum. -
Kastað fram af svölum og lögreglu ógnað með hníf
Ofbeldishegðun í samfélaginu hefur aukist töluvert undanfarin misseri og hefur lögregla miklar áhyggjur af stöðunni segir á facebook síðu Lögreglunnar á Norðurlandi eystra -
Lokaorðið Dugnaður er dyggð - Leti er löstur
Frá landnámi hefur vinnusemi verið okkur Íslendingum í blóði borið. Það er meginstef í sjálfum Íslendingasögunum að dugnaður sé dyggð en leti löstur. Það var í sjálfu sér eðlilegt í harðri lífsbaráttu, hvort sem var til sjávar eða sveita. Fólk þurfti að vera að vinna frá morgni til kvölds til að svelta ekki.
