Evrópusamstarf eflir skólastarf
Leik-, grunn- og framhaldsskólar á Íslandi myndu einangrast frekar hratt ef ekki kæmu reglulega fréttir af erlendum rannsóknum og þróunarverkefnum sem snúa að því að bæta skólastarf. Evrópusamstarf hefur veitt íslenskum skólum og kennurum dýrmæt tækifæri til að kynnast öðrum aðferðum, öðru sjónarhorni og víkka sjóndeildarhring sinn – bæði faglega og menningarlega.
Ég var svo heppinn í starfi mínu hjá Egilsstaðaskóla og síðar í Síðuskóla á Akureyri að fá tækifæri til að taka þátt í slíku alþjóðlegu samstarfi. Það efldi ekki aðeins faglegan metnað minn sem kennara heldur hafði það líka bein áhrif á nemendur. Þeir lögðu sig meira fram, vissu að jafnaldrar þeirra í öðrum löndum myndu sjá afrakstur vinnu þeirra – og bera hann jafnvel saman við sína eigin. Þessi tenging við umheiminn skiptir máli.
Evrópusamstarf í skólum er ekki ný hugmynd. Skólar hafa unnið saman yfir landamæri í marga áratugi – ef ekki aldir. Með tilkomu Evrópusambandsins varð til formlegt samstarf sem fékk nafnið Comenius, þar sem íslenskir skólar gátu sótt um styrki til nemenda- og starfsmannaskipta sem og samstarfsverkefna. Margir skólar á Akureyri og víðar um landið tóku virkan þátt í Comenius.
Til hliðar við Comenius var þróað verkefni sem hét eTwinning – og það er eTwinning sem hefur haldið áfram að þróast og vaxa til dagsins í dag. eTwinning er rafræn samstarfsvettvangur fyrir skóla, kennara og nemendur innan Evrópu (og víðar), þar sem hægt er að vinna saman að verkefnum – bæði smáum og stórum.
Hvað er hægt að gera í eTwinning?
Eftir að kennari hefur skráð sig inn á eTwinning-vettvanginn opnast aðgangur að aragrúa verkefna sem aðrir kennarar hafa stofnað og eru að leita samstarfsaðila í. Verkefnin geta verið einföld og tímabundin, eins og páskaverkefni, haustverkefni, samanburður á jólasiðum eða jafnvel verkefni tengd veðri, náttúru eða daglegu lífi. Þá senda nemendur sín verkefni, fá verkefni annarra til skoðunar og læra af fjölbreytileika samstarfslandanna.
Það má líka vinna dýpri og flóknari verkefni sem spanna heilt skólaár eða jafnvel fleiri. Dæmi um slíkt eru verkefni þar sem nemendur rannsaka áhrif veðurfars á umhverfi sitt, bera saman rusl sem safnast á ströndum í mismunandi löndum eða greina verð á nauðsynjavörum í samhengi við meðallaun. Þannig fá nemendur tækifæri til að upplifa nám í raunverulegu alþjóðlegu samhengi.
eTwinning er líka tilvalinn vettvangur til að þróa samstarf sem síðar getur orðið að Erasmus+ verkefni. Þegar samstarf hefur gengið vel á rafrænum vettvangi eru góðar líkur á að skólarnir ákveði að stíga næsta skref og sækja um styrki til frekara samstarfs, heimsókna og sameiginlegrar fagþróunar.
Viltu byrja? Við bjóðum þér upp á stuðning!
Sem eTwinning sendiherra á Norðurlandi eystra tek ég reglulega á móti fyrirspurnum frá kennurum og skólastjórnendum sem vilja kynnast eTwinning betur eða fá aðstoð við fyrstu skrefin. Ég kem gjarnan í heimsókn í skóla og aðstoða við skráningu, uppsetningu verkefna eða að finna samstarfsaðila.
Auk þess býður Landskrifstofa eTwinning á Íslandi sem rekin er af Rannís, upp á kynningar og vinnustofur fyrir kennarahópa og skólasamfélög sem vilja kynnast eTwinning nánar. Hægt er að hafa samband (etwinning@rannis.is) og óska eftir heimsókn eða kynningu – hvort sem þið eruð að stíga ykkar fyrstu skref eða eruð þegar farin að vinna að verkefnum.
Hvatning til kennara
Ég vil hvetja alla kennara, hvort sem þeir starfa í leik-, grunn- eða framhaldsskólum, til að kíkja inn á www.etwinning.net, skoða verkefni, stofna eigin eða taka þátt í verkefnum annarra. Þetta opnar nýjar dyr – fyrir þig sem kennara og fyrir nemendur þína.
Og ef þú þarft smá aðstoð við að byrja – ekki hika við að hafa samband!
– Sigurður Freyr (Bibbi), umsjónarkennari við Brekkuskóla og eTwinning sendiherra á Norðurlandi eystra
Nýjast
-
Árangursríkt lestrarátak í Glerárskóla
Á heimasíðu Akureyrarbæjar segir frá lestrarátaki sem nemendur Glerárskóla hafa sökkt í síðustu daga. ,,Efnt var til sérstaks lestrarátaks meðal krakkanna sem sannarlega sló í gegn. Átakið varði í tvær vikur og lesið var af kappi í skólanum og heima. Á hverjum degi átaksins var birt súlurit á göngum skólans sem sýndi hversu mikið hver bekkur var búinn að lesa. Á gangi skólans og í skólastofum voru niðurteljarar sem sýndu hversu langt var eftir af átakinu. Ýmislegt var gert til þess að auka stemninguna hjá nemendum og hvetja til lestrar. -
Stækkum Skógarlund!
Í Skógarlundi á Akureyri rekur Akureyrarbær vinnustað þar sem veitt er þjónusta til fólks með langvarandi stuðningsþarfir skv. lögum nr. 38/2018. Fullorðnir einstaklingar stunda virkni og vinnu á skilgreindum vinnusvæðum ásamt því að stutt er við ýmsa félagslega þætti, umönnun og afþreyingu. Einnig er framleidd í Skógarlundi listræn gjafavara af ýmsu tagi. -
Sveitarstjóri og oddviti Þingeyjarsveitar Ræddu hagsmunamálin við ráðamenn
Ragnheiður Jóna Ingimarsdóttir, sveitarstjóri og Gerður Sigtryggsdóttir oddviti í Þingeyjarsveit gerðu sér ferð til Reykjavíkur til að hitta ráðamenn og ræða hagsmunamál Þingeyjarsveitar. Þær funduðu meðal annars með forstöðumanni Jöfnunarsjóðs þar sem farið var yfir nýjar úthlutunarreglur og hvaða þýðingu þær hafa fyrir sveitarfélagið. -
Framsýn Vill aukinn byggðakvóta til Raufarhafnar
Framsýn stéttarfélag hefur lengi haft áhyggjur af atvinnuástandinu á Raufarhöfn enda atvinnulífið einhæft og þá hefur laxeldi á landi eða sjó hvað þá ferðaþjónusta eða önnur atvinnustarfsemi en fiskvinnsla ekki náð sér á strik í byggðarlaginu. Það er ólíkt mörgum minni sjávarplássum í öðrum landsfjórðungum s.s. á Vestfjörðum og/eða á Austurlandi. Fólksfækkun hefur verið viðvarandi vandamál á síðustu áratugum á norðausturhorninu sem tengist ekki síst einhæfu atvinnulífi. -
Ágústa Ágústsdóttir þingmaður Miðflokksins í Norðaustukjördæmi lýsti lífi þolanda líkamlegs og kynferðislegs ofbeldis í ræðustól Alþingis í dag
Ágústa Ágústsdóttir, varaþingmaður Miðflokksins í Norðaustukjördæmi, lýsti líkamlegu sem og kynferðslegu ofbeldi sem hún varð fyrir í 14 ár í ræðu sem hún flutti á Alþingi í dag. Vefur Vikublaðsins fékk góðfúslegt leyfi Ágústu til þess að birta ræðuna. -
Aðalfundur Félag eyfirskra kúabænda Stóri-Dunhagi með mestar afurðir í fyrra
Veittar voru viðurkenningar fyrir góðan árangur á aðalfundi Félags eyfirskra kúabænda nýverið. Verðlaunagripina gerði Ásta Júlía Aðalsteinsdóttir, Höllin verkstæði Hörgársveit.Góðir gestir komu til fundarins, þeir Trausti Hjálmarsson formaður BÍ og Rafn Bergsson, formaður Nautgripadeildar BÍ. -
LAGGÓ!
LAGGÓ, þetta gamla og góða ,,heróp” átti vel við á Akureyrarflugvelli í morgun þegar rúmlega fjörtíu manna hópur eldir togarajaxla lagði afstað með þotu easy Jet í ferð til Grimsby og Hull. Þar munu þeir hitta breska kollega sína, skoða sjóminnjasöfn og rifja upp gömlu góðu dagana þegar siglt var til Englands. -
Evrópusamstarf eflir skólastarf
Leik-, grunn- og framhaldsskólar á Íslandi myndu einangrast frekar hratt ef ekki kæmu reglulega fréttir af erlendum rannsóknum og þróunarverkefnum sem snúa að því að bæta skólastarf. Evrópusamstarf hefur veitt íslenskum skólum og kennurum dýrmæt tækifæri til að kynnast öðrum aðferðum, öðru sjónarhorni og víkka sjóndeildarhring sinn – bæði faglega og menningarlega. -
Framsýn Óskar eftir samtali við þingmenn um áætlunarflug til Húsavíkur
Með bréfi til þingmanna Norðausturkjördæmis í dag kallar Framsýn eftir samtali og stuðningi frá þingmönnum kjördæmisins hvað varðar áframhaldandi áætlunarflug til Húsavíkur.
