Veðurklúbbur Dalbæjar með aprilspá
Veðurklúbbur Dalbæjar birti i kvöld spá klúbbsins um veðurfar í apríl og er óhætt að segja að bjartsýni ríki meðal félagsfólks um komandi tíð. Það er ekki til að draga úr að með þessari spá er boðið upp á kveðskap eftir hirðskáld klúbbsins en það er Bjór sem gegnir þeirri virðingarstöðu.
Annars er þetta það sem Veðurklúbbur Dalbæjar boðar að koma muni.
Mætt voru, Haukur Haraldsson, Bergur Þór Jónsson, Hörður Kristgeirsson, Magnús Gunnlaugsson, Ragnhildur Von Weisshappel, Kristján Loftur Jónsson og Þóra Jóna Finnsdóttir.
Þess utan mætti ekki ómerkari persóna en sjálfur Messi með fylgdarliði á fundinn, við klöppuðum honum öll og glöddumst yfir góðum gestum.
Samkvæmt tunglkomum tengdum apríl og trú okkar á að lægðarennur undanfarinna mánaða séu eitthvað að róa sig þá verða líklega ríkjandi austlægar áttir fyrrihluta apríl en suðvestlægar seinni hluta.
Gaman er að minnast á að mars mánuður stóðst allar okkar væntingar, eins og reyndar nánast allir aðrir mánuðir.
Þá höfum við trú á að apríl komi með meira vor hingað norður. Þrátt fyrir það eiga eftir að koma nokkrir snjódagar með hléum á stór Dalvíkursvæðinu um miðjan apríl en þeir endast mjög stutt.
Sem sagt, prýðilegur apríl framundan hérna hjá okkur, en eins og við nefndum í síðustu fundargerð þá getum við því miður ekki gert ráð fyrir sömu veðurgæðum á öðrum landshlutum.
Þar sem Veðurklúbbs félagar þurfa ekki alltaf að vera hundrað prósent sammála þá fannst okkur við hæfi að leyfa eftirfarandi vísum að fylgja með.
Samkomulagið á Presthólum.
Eftir Pál Ólafsson
Hér er rifist hvíldarlaust
svo hófi engu nemur,
vetur, sumar, vor og haust
– og verst ef einhver kemur.
Haukur er ágætis kall
Danni við drauma er snjall
En Berg skulum varast
Og forðokkur snarast
Því úr honum vitleysan vall.
Höf. Bjór.
Nýjast
-
Umgengni á athafnasvæði Skútabergs á Moldhaugnahálsi
Umgengni á athafnasvæði Skútabergs á Moldhaugnahálsi hefur verið til umræðu hjá Heilbrigðisnefnd Norðurlands eystra um skeið, en nefndin lýsti fyrir nokkru yfir vonbrigðum með að áform um tiltekt á svæðinu hefðu ekki gengið eftir. -
Sjúkrahúsið á Akureyri
Ísland er fámennt en stórt land. Íbúaþróun síðustu áratugi hefur á margan hátt verið óskynsamleg. Samkvæmt gögnum frá Hagstofunni búa nú nálægt 80% landsmanna á stórhöfuðborgarsvæðinu en 20% landsmanna á gríðarlega víðfeðmu landsvæði utan þess. Fá dæmi eru um slíka samþjöppun búsetu í nokkru landi og fyrir vikið er það flókið verkefni að tryggja öllum landsmönnum fyrsta flokks lögbundna þjónustu, þótt sannarlega sé það bráð nauðsynlegt. Það á ekki síst við um réttinn til heilbrigðisþjónustu. -
Hvar er fjárveitingin í Húsavíkurflugið?
Þingeyingar hafa lengi barist fyrir því að áætlunarflugi milli Húsavíkur og Reykjavíkur verði viðhaldið enda um mikilvæga samgöngubót að ræða, ekki síst fyrir heimamenn, ferðamenn og blómlegt atvinnulíf í Þingeyjarsýslum. -
Kosningaloforð og hvað svo?
Landssamband eldri borgara LEB eru samtök 56 aðildarfélaga sem eru dreifð um allt land með um 36.000 félaga. Þeir sem eru orðnir 60 ára geta gengið í félögin. -
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði. -
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi.
