6. nóvember - 13. nóvember - Tbl 45
Vængjalaus ný bók eftir Árna Árnason komin út
Ný bók frá Árna Árnasyni
Út er komin bókin Vængjalaus eftir Árna Árnason en það er Bjartur sem gefur bókina út. Þetta er þriðja skáldverkið sem Árni sendir frá sér en hið fyrsta sem ætlað er fullorðnum.
Vefurinn tók Árna tali vegna útkomu bókar hans.
Árrni ný bók og kemur út i ágúst það er óvenjulegt, hvernig það kom til?
Við ákváðum að gefa þessa bók út í ágúst, aðallega þar sem það má segja að það sé svolítið síðsumar í henni. Mér finnst útgáfa bóka yfir sumartímann aðeins hafa aukist undanfarin ár og er það vel, enda á bókamarkaðurinn að vera lifandi allt árið.
Hvað viltu segja okkur um bókina?
Vængjalaus er þriðja skáldverkið sem ég gef út og fyrsta skáldsagan fyrir fullorðna. Sagan gerist á tveimur tímabilum. Við hittum aðalsöguhetjuna, Baldur, fyrst þegar hann er rúmlega tvítugur, sumarið 1996 á Akureyri. Kvöld eitt hittir hann fyrir tilviljun hana Auði sem er ellefu árum eldri og sá fundur á eftir að hafa mikil áhrif á líf þeirra beggja. Rúmum tveimur áratugum síðar stendur Baldur á krossgötum og ákveður að leggja upp í ferð á vit óvissunnar og fortíðarinnar en ekki síður til að horfast í augu við sjálfan sig.
Árni þú hefur líka skrifað smásögur, er annað formið meira heillandi en hitt?
Ég hef einnig gert svolítið af því að skrifa smásögur sem einhverjar hafa birst á prenti. Mér finnst það form af heillandi líka og þar eru lögmálin svolítið önnur, söguramminn oft þrengri og beinskeyttari. Ég skrifa alltaf eina og eina smásögu, einhvern tímann verð ég vonandi kominn með gott safn sem hentar til útgáfu.
Hvernig tilfinning fylgir þvi að senda frá sér bók?
Það er alltaf hnútur í maganum og stress þegar maður sendir frá sér verk, ég held að það muni seint breytast. Maður leggur hjarta og sál í eitthvað verkefni en verður svo auðvitað á endanum bara að vona að lesendum líki það sem maður hefur að segja. Á sama hátt þá kveður maður að stóru leyti verk þegar maður sendi það frá sér og fer að hugsa um það næsta. Næstu bækur eru komnar á teikniborðið, það eru tvær til þrjár hugmyndir að svamla um og við sjáum til hver þeirra verður ofan á. En fyrsta verk er að fylgja Vængjalaus úr hlaði á sómasamlegan hátt.
Það var auðvitað mjög gaman að skrifa sögu sem gerist að stóru leyti á æskuslóðunum fyrir norðan, detta í nostalgíuna með öllu sem henni fylgir. Í því ljósi fannst mér rétt að halda útgáfuhóf á Akureyri. Ég verð í Pennanum – Eymundsson klukkan 17 á fimmtudaginn og þangað eru auðvitað öll velkomin.
Ég hlakka mikið til.
Nýjast
-
Fólki misboðið yfir gjaldskrárhækkunum OH
„Dæmi eru um að viðskiptavinir Orkuveitu Húsavíkur, ekki síst fjölskyldufólk og fólk í viðkvæmri stöðu, hafi sett sig í samband við Skrifstofu stéttarfélaganna og krafist þess að Framsýn geri athugasemdir við boðaðar hækkanir á gjaldskrám orkuveitunnar um áramótin. Fólki er greinilega misboðið.,“ segir á vef Framsýnar. -
Matur handa öllum.
Nýlega hafa Eyjólfur Ingvi formaður sauðfjárdeildar BÍ og Margrét Ágústa framkvæmdastjóri Bændasamtaka Íslands kallað eftir því að stjórnmálaöfl skýri sjónarmið sín í málefnum landbúnaðarins. Það var athyglisvert að heyra málflutning þeirra því staðreyndin er sú að bændum á Íslandi hefur fækkað mikið, sérstaklega í mjólkurframleiðslu þótt að á sama tíma hafi orðið talsverð framleiðsluaukning. -
Það er fokið í hann!
Það er óhætt að segja að veðurspá hafi gengið ágætlega eftir en appelsínugul viðvörun er yfirstandandi og má búast við að hér á Akureyri og nágrenni muni blása hressilega til miðnættis, en þá ætti allt að detta í dúnalogn. -
Húsnæðisáætlanir sveitarfélaga á Norðurlandi eystra
Fjöldi íbúða sem eru í byggingu á Norðurlandi eystra er ekki nægilega mikill til að uppfylla þörf samkvæmt húsnæðisáætlunum sveitarfélaganna í landshlutanum. Það er mat HMS sem byggir á nýlegri talningu á íbúðum í byggingu. -
Látum ekki blekkjast.
Kosningarnar eftir mánuð munu snúast um að skapa betri lífskjör fyrir venjulegt fólk hér á landi. Fyrir mér ættu framboðin nú að leggja fram sínar leiðir til að taka á verðbólgu, skapa tækifæri, efla velferðarkerfið og standa vörð um náttúruna, en sum hafa valið að spila á okkar lægstu hvata; ótta og andúð. -
Hlutu hvatningarverðlaun Íslensku menntaverðlaunanna
Íslensku menntaverðlaunin voru veitt við hátíðlega athöfn á Bessastöðum í gær. Verðlaunin voru upprunalega stofnuð til að auka veg menntaumbótastarfs og vekja athygli á því góða og metnaðarfulla starfi sem stundað er í skólum og frístundastarfi. -
Þjónustusamningur um rekstur almenningsbókasafns
Í dag var undirritaður þjónustusamningur Akureyrarbæjar og Svalbarðsstrandarhrepps um að íbúum hreppsins verði veitt fullt aðgengi að safnakosti og þjónustu Amtsbókasafnsins á Akureyri. -
Umgengni á athafnasvæði Skútabergs á Moldhaugnahálsi
Umgengni á athafnasvæði Skútabergs á Moldhaugnahálsi hefur verið til umræðu hjá Heilbrigðisnefnd Norðurlands eystra um skeið, en nefndin lýsti fyrir nokkru yfir vonbrigðum með að áform um tiltekt á svæðinu hefðu ekki gengið eftir. -
Sjúkrahúsið á Akureyri
Ísland er fámennt en stórt land. Íbúaþróun síðustu áratugi hefur á margan hátt verið óskynsamleg. Samkvæmt gögnum frá Hagstofunni búa nú nálægt 80% landsmanna á stórhöfuðborgarsvæðinu en 20% landsmanna á gríðarlega víðfeðmu landsvæði utan þess. Fá dæmi eru um slíka samþjöppun búsetu í nokkru landi og fyrir vikið er það flókið verkefni að tryggja öllum landsmönnum fyrsta flokks lögbundna þjónustu, þótt sannarlega sé það bráð nauðsynlegt. Það á ekki síst við um réttinn til heilbrigðisþjónustu.
