20. nóvember - 27. nóvember - Tbl 47
Uppbygging íbúðahúsnæðis í bænum - Búið að úthluta lóðum fyrir rúmlega 170 íbúðir
Naustahverfi á Akureyri Mynd Kristófer Knútsen á vefsíðu Akureyrarbæjar.
Rúmlega 40 íbúðir eru í byggingu á Akureyri um þessar mundir. Búið er að úthluta lóðum þar sem byggja má rúmlega 170 íbúðir. Þetta kemur fram í minnisblaði um uppbyggingu íbúðarhúsnæðis á Akureyri og hver staða mála var í ágúst 2024.
Til viðbótar eru til lóðir lausar til úthlutunar fyrir rúmlega 40 íbúðir og eftir á að taka ákvörðun um með hvaða hætti lóðir fyrir um 90 íbúðir verða auglýstar. Þar er um að ræða lóðir við Þursaholt 1, 3 og 2- 12. Þá liggur fyrir deiliskipulag tveggja lóða þar sem byggja má rúmlega 50 íbúðir.
Megin uppbyggingarsvæðið íbúða frá árinu 2016 hefur verið í Hagahverfi en framkvæmdir á síðustu lóðum innan hverfisins eru í gangi um þessar mundir.
Allt að 3.200 íbúar í tveimur nýjum hverfum norðan Glerár
Framkvæmdir í Holtahverfi hófust sumarið 2021/2022 og nú í vor hófust framkvæmdir í Móahverfi. Í þessum tveimur hverfum er gert ráð fyrir á bilinu 1.200-1.400 íbúðum og ef miðað er við 2,3 íbúa að meðaltali per íbúð má gera ráð 2.750 til 3.200 íbúum.
Til viðbótar við þessi tvö hverfi hefur verið í gangi uppbygging á nokkrum lóðum í miðbæ Akureyrar og næsta nágrenni, en þar má nefna Hofsbót, Austurbrú, Skipagata 12 og Hafnarstræti 34-36.
Þá er er í gangi vinna við deiliskipulag um 200 íbúða á tjaldsvæðisreit og á bilinu 100-150 íbúða við Gleráreyrar. Einnig er stefnt að uppbyggingu á nokkrum minni þéttingarreitum á næstunni, t.d. við Norðurgötu 3-7, Hvannavelli 10, Gránufélagsgötu 22-24 og Viðjulundi 1. Ekki liggur þó fyrir hvenær uppbygging hefst á þessum svæðum.
Nýjast
-
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið. -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Norðurorka lækkar samfélagsstyrki á næsta ári
Stjórn Norðurorku hefur samþykkt að lækka styrki en fyrirtækið hefur undanfarin ár veitt styrki til margvíslegra verkefna og málefna. -
Norðurþing Rauði krossinn hættir fatasöfnun
Heimasíða Norðurþings segir frá þvi að Rauði Krossinn í Þingeyjarsýslum hættir allri fatasöfnun þann 26. nóvember 2024. Eftir sem áður geta íbúar í Norðurþingi losað sig við textíl (fatnaður, lök og handklæði, skór, dúkar og gardínur, tuskur og viskastykki) í grenndargáma fyrir textíl sem eru staðsettir á Húsavík, Kópaskeri og Raufarhöfn. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
FVSA kannar áhuga stéttarfélaga á Norðurlandi til sameiningar
„Þetta er hugmynd sem vert er að skoða og fróðlegt að sjá hver viðbrögð félaganna verða,“ segir Eiður Stefánsson, formaður Félags verslunar- og skrifstofufólks á Akureyri og nágrenni (FVSA). Nýlega sendi hann erindi til tíu stéttarfélaga á Norðurlandi til að kanna vilja þeirra til samtals um útfærslu á öflugu deildarskiptu stéttarfélagi á svæðinu.
