Umsóknum fjölgaði um 11% á milli ára
Umsóknarfrestur um nám við Háskólann á Akureyri rann út mánudaginn 5. júní síðastliðinn. Samtals barst 1.891 umsókn, sem er 11% fjölgun umsókna frá því í fyrra. Flestar umsóknir í grunnnám bárust í viðskiptafræði eða 261.
Hjúkrunarfræði er áfram vinsæl námsgrein við háskólann en þar barst 251 umsókn og í sálfræði 172 umsóknir. Báðar þessar námsleiðir eru háðar fjöldatakmörkunum og að loknum samkeppnisprófum kemst aðeins hluti stúdenta í áframhaldandi nám á vormisseri.
Önnur námsgrein við háskólann sem nýtur áframhaldandi vinsælda er lögreglufræði. Alls bárust 190 umsóknir í lögreglufræði fyrir verðandi lögreglumenn en þar má gera ráð fyrir að um 70 umsækjendum verði boðið pláss að loknu inntökuferli. Þá er ljóst að átak í fjölgun kennaranema er enn að skila árangri og ekki hafa borist fleiri umsóknir um grunnnám við Kennaradeild síðan árið 2019.
Metaðsókn í líftækni
Námsleiðir sem aðeins eru kenndar í grunnnámi við Háskólann á Akureyri vekja athygli umsækjenda og aldrei hafa fleiri sótt um nám í líftækni. Þá er iðjuþjálfunarfræði áfram vinsæl námsleið og það sama má segja um félagsvísindi, nútímafræði og sjávarútvegsfræði.
Aldrei fleiri sótt um framhaldsnám við HA
Aldrei hafa fleiri sótt um framhaldsnám við Háskólann á Akureyri. Nýtt framhaldsnám Viðskiptadeildar í stjórnun svarar augljóslega kalli samfélagsins, en þar bárust alls 112 umsóknir og mun Viðskiptadeild þurfa að forgangsraða umsóknum.
Frá því að Kennaradeild fór að bjóða upp á tvær leiðir til kennsluréttinda, með og án ritgerðar, hafa aldrei fleiri sótt um framhaldsnám til kennsluréttinda með áherslu á leik- og grunnskólastig.
,,Það er sérstaklega ánægjulegt að sjá fjölgun umsókna nú þegar mikil uppsveifla er í efnahagslífi landsins því oft hefur verið neikvæð fylgni þar á milli. Háskólinn á Akureyri höfðar greinilega vel til ungs fólks í dag og er sú mikla uppbygging sem átt hefur sér stað á síðustu árum að skila sér. Sveigjanlegt námsform er greinilega vinsælt meðal stúdenta,’’ segir Eyjólfur Guðmundsson, rektor HA. Jafnframt segir rektor að þörf sé á góðu samtali við stjórnvöld um frekari uppbyggingu Háskólans á Akureyri á næstu árum, háskóla sem svo sannarlega er háskóli norðursins og háskóli Íslands alls.
Nýjast
-
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður. -
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu
