Umferð hópferðabíla um Innbæinn til skoðunar
Umferð hópferðabíla um Innbæinn á Akureyri var til umræðu á fundi skipulagsráðs en á þeim fundi var lagt fram erindi frá Jóhanni Garðari Þorbjörnssyni um það efni.
Skipulagsráð samþykkti að fela skipulagsfulltrúa að leita eftir upplýsingum um fjölda ferða hópferðabíla um Innbæinn yfir sumartímann og jafnframt að skoða hvort hluti götunnar, þ.e. Aðalstrætis verði gerður að einstefnu.
Þórhallur Jónsson, fulltrúi D-lista lagði fram bókun þar sem fram kemur að umferð um elsta hluta Akureyrar með ferðamenn hljóti að teljast hluti af afleiðingu markaðssetningar Akureyrarbæjar sem ferðamannabæjar og teljist því eðlileg.
Glórulaust að hefta umferð ferðamanna
„Kjósi fólk að búa við meiri friðsæld og minni umferð eru hverfi hér í bæ sem uppfylla klárlega þau skilyrði. Tel ég því glórulaust að fara að hefta umferð ferðamanna um Innbæinn þó á rútum séu, það mætti hins vegar bæta umferðina um Innbæinn með því að gera Aðalstræti að einstefnu (nema fyrir strætó) frá húsi nr. 13 til 21.
Ég tel því að það sé bruðl á almannafé að fara í aðrar aðgerðir að svo stöddu,“ segir í bókun Þórhalls.
Nýjast
-
Framkvæmdir við hringtorg hefjast í byrjun apríl
Skrifað hefur verið undir verksamning við fyrirtækið Nesbræður um gerð hringtorgs og göngu- og hjólastíga við Lónsá, á mótum Hörgársveitar og Akureyrarbæjar. -
Umferð hópferðabíla um Innbæinn til skoðunar
Umferð hópferðabíla um Innbæinn á Akureyri var til umræðu á fundi skipulagsráðs en á þeim fundi var lagt fram erindi frá Jóhanni Garðari Þorbjörnssyni um það efni. -
Gaza getur ekki beðið lengur - Kröfuganga til stuðnings Palestínu
Laugardaginn 22. mars nk. kl. 14 standa meðlimir í félaginu Ísland-Palestína fyrir kröfugöngu á Akureyri til að mótmæla aðgerðarleysi stjórnvalda gagnvart ástandinu í Palestínu. Kröfugangan hefst við Akureyrarkirkju, gengið verður niður Gilið, inn Göngugötuna og að Ráðhústorgi, þar sem verður ræðuhald. -
Tvær nýjar sýningar í Listasafni Akureyrar
Tvær nýjar sýningar verða opnaðar í Listasafni Akureyrar á laugardag, 22. mars kl. 15.Sýning Emilie Palle Holm, nefnist Brotinn vefur, og Helgu Páleyjar Friðþjófsdóttur, Í fullri fjöru,. Á opnun verður listamannaspjall með Emilie kl. 15.45 og leiðsögn með Helgu Páleyju kl. 16.15. -
Neikvæð áhrif innviðagjalds mikil á Norðurlandi
Arnheiður Jóhannsdóttir, framkvæmdastjóri Markaðsstofu Norðurlands skrifar á www.northiceland.is grein í dag um neikvæð áhrif innviðagjalds sem lagt var á skemmtiferðaskip fyrir ferðaþjónustuna á landsbyggðinni. -
Göngugatan verður lokuð fyrir umferð vélknúinna ökutækja frá maí til loka september
Göngugatan verður lokuð fyrir umferð vélknúinna ökutækja frá 1. maí til 30. september 2025. Málið var tekið fyrir og afgreitt á fundi bæjarstjórnar 18. mars 2025 þar sem tillaga um breytingu á samþykkt Akureyrarbæjar um verklagsreglur fyrir tímabundnar lokanir gatna fyrir umferð vélknúinna ökutækja var samþykkt samhljóða með 11 greiddum atkvæðum. -
Bæjarstjórinn í heimsókn í Grímsey
Ásthildur Sturludóttir, bæjarstjóri Akureyrarbæjar, heimsótti Grímsey ásamt starfsfólki sveitarfélagsins. Tilgangur heimsóknarinnar var að eiga samtal við íbúa eyjunnar og fara yfir málefni sem snúa að aðkomu heimamanna. -
MOTTUMARSDAGURINN er í dag
Mottumars er árlegt átak Krabbameinsfélagsins í baráttunni gegn krabbameinum hjá körlum. Í ár er lögð áhersla á tengingu lífsstíls og krabbameina. -
Norðurhjálp opnar við Óseyri á morgun
„Við erum mjög spenntar og hlökkum mikið til að opna dyrnar fyrir gestum og gangandi,“ segir Sæunn Ísfeld Guðmundsdóttir ein þeirra sem standa að nytjamarkaði Norðurhjálpar. Markaðurinn verður opnaður á morgun á nýjum stað, Óseyri 18 og segir hún að starfsemi markaðarins rúmist þar ágætlega þó húsnæðið sé aðeins minna en áður var til umráða. Norðurhjálp opnar á morgun, föstudaginn 21. mars kl. 13.
