Norðurhjálp opnar við Óseyri á morgun
„Við erum mjög spenntar og hlökkum mikið til að opna dyrnar fyrir gestum og gangandi,“ segir Sæunn Ísfeld Guðmundsdóttir ein þeirra sem standa að nytjamarkaði Norðurhjálpar. Markaðurinn verður opnaður á morgun á nýjum stað, Óseyri 18 og segir hún að starfsemi markaðarins rúmist þar ágætlega þó húsnæðið sé aðeins minna en áður var til umráða. Norðurhjálp opnar á morgun, föstudaginn 21. mars kl. 13.
„Það höfum lagt gríðarlega mikla vinnu í að koma öllu í stand hér þannig að hægt sé að opna og einnig talsverðan kostnað. En vonum að það skili sér í góðu andrúmslofti á markaðnum og að fólki þyki áfram gott að koma til okkar,“ segir Sæunn.
Hnífur í bakið
Leigusamningi á fyrri stað var fyrirvaralaus sagt upp skömmu eftir áramót og Norðurhjálp gert að yfirgefa húsnæðið í lok febrúar síðastliðinn. „Það má alveg orða það svo að þetta kom okkur í opna skjöldu, maður á því ekki að venjast að hníf sé stungið í bakið á góðgerðarsamtökum, en svona getur lífið verið,“ segir hún. Húsnæðið við Dalsbraut var í notkun í rúmt hálft ár, frá sumarbyrjun í fyrra þar til í lok febrúar. „Við höfðum lagt mikla vinnu í að græja húsnæði við Dalsbraut með aðstoð fjölmargra sjálfboðaliða, unnið í rafmagni, málað og gert staðinn upp í raun, en því miður þá endaði þetta með því að við vorum hraktar á brott.“
Nýja húsnæðið er að Óseyri 18
Höldum ótrauðar áfram
Sæunn segir að þær stöllur sem standa að markaðnum nú séu alls ekki að baki dottnar þrátt fyrir áföll, miklar vinnu og fjárútlát. „Við höldum ótrauðar áfram. Við finnum fyrir miklu þakklæti frá samfélaginu, velvilja hvarvetna og allir eru boðnir og búnir að leggja okkur lið. Við höfum lagt mikið til samfélagsins sem ekki veitir af nú þegar alltof margir eru að glíma við fjárhagserfiðleika og fátækt,“ segir Sæunn en gera má ráð fyrir að Norðurhjálp hafi veitt hátt í þrjá tugi milljóna út í samfélagið í formi inneignarkorta í lágvöruverslun, með því að deila út varningi af ýmsu tagi og matvælum.
Ómetanlegt að finna hlýhuginn
„Við teljum að það sé mikil þörf fyrir okkar framlag til samfélagsins og látum þessi leiðindi með húsnæðið ekki tefja fyrir okkur. Við fengum mikla hjálp við flutningana og við að koma húsnæðinu í stand. Þetta nýja húsnæði við Óseyri hentar vel, það er bjart og hlýtt og næg bílastæði fyrir utan. Okkur finnst fólk vera jákvætt, það hefur streymt til okkar varningur ogmargir hafa á orði að þeir bíði spenntir eftir að koma og líta á úrvalið. Það er mikill velvilji í gangi og það er okkur ómetanlegt að finna þennan hlýhug,“ segir Sæunn.
Hún segir að vegna hremminga við flutninga milli húsa sé staðan á reikingi Norðurhjálpar ekki beysin sem stendur og því verði fyrst um sinn ekki hægt að leggja inn á Bónuskort. „Við vonum að við réttum úr kútnum fljótt og vel þegar allt fer í gang og hægt verði að aðstoða þá sem höllustum fæti standa í okkar samfélagi fyrr en varir.“
Fjöldi sjálfboðaliða á breiðu aldursbili leggur fram krafta sína í Norðurhjálp
Nýjast
-
Tvær nýjar sýningar í Listasafni Akureyrar
Tvær nýjar sýningar verða opnaðar í Listasafni Akureyrar á laugardag, 22. mars kl. 15.Sýning Emilie Palle Holm, nefnist Brotinn vefur, og Helgu Páleyjar Friðþjófsdóttur, Í fullri fjöru,. Á opnun verður listamannaspjall með Emilie kl. 15.45 og leiðsögn með Helgu Páleyju kl. 16.15. -
Neikvæð áhrif innviðagjalds mikil á Norðurlandi
Arnheiður Jóhannsdóttir, framkvæmdastjóri Markaðsstofu Norðurlands skrifar á www.northiceland.is grein í dag um neikvæð áhrif innviðagjalds sem lagt var á skemmtiferðaskip fyrir ferðaþjónustuna á landsbyggðinni. -
Göngugatan verður lokuð fyrir umferð vélknúinna ökutækja frá maí til loka september
Göngugatan verður lokuð fyrir umferð vélknúinna ökutækja frá 1. maí til 30. september 2025. Málið var tekið fyrir og afgreitt á fundi bæjarstjórnar 18. mars 2025 þar sem tillaga um breytingu á samþykkt Akureyrarbæjar um verklagsreglur fyrir tímabundnar lokanir gatna fyrir umferð vélknúinna ökutækja var samþykkt samhljóða með 11 greiddum atkvæðum. -
Bæjarstjórinn í heimsókn í Grímsey
Ásthildur Sturludóttir, bæjarstjóri Akureyrarbæjar, heimsótti Grímsey ásamt starfsfólki sveitarfélagsins. Tilgangur heimsóknarinnar var að eiga samtal við íbúa eyjunnar og fara yfir málefni sem snúa að aðkomu heimamanna. -
MOTTUMARSDAGURINN er í dag
Mottumars er árlegt átak Krabbameinsfélagsins í baráttunni gegn krabbameinum hjá körlum. Í ár er lögð áhersla á tengingu lífsstíls og krabbameina. -
Norðurhjálp opnar við Óseyri á morgun
„Við erum mjög spenntar og hlökkum mikið til að opna dyrnar fyrir gestum og gangandi,“ segir Sæunn Ísfeld Guðmundsdóttir ein þeirra sem standa að nytjamarkaði Norðurhjálpar. Markaðurinn verður opnaður á morgun á nýjum stað, Óseyri 18 og segir hún að starfsemi markaðarins rúmist þar ágætlega þó húsnæðið sé aðeins minna en áður var til umráða. Norðurhjálp opnar á morgun, föstudaginn 21. mars kl. 13. -
Ræktum framtíðina: Ungt fólk og matvælaframleiðsla
Það er kominn tími til að hugsa upp á nýtt hvernig við stuðlum að nýsköpun og nýliðun á landsbyggðinni. Hugmyndin um „Nýjar rætur“ er liður í þessu. Með þessari hugmynd er komið til móts við ungt fólk sem vill hefja matvælaframleiðslu, fóðurframleiðslu eða skógrækt. -
Viljum gera enn betur
SAk kemur vel út í stórri starfsumhverfiskönnun, um er að ræða er viðamikila starfsumhverfiskönnun sem hefur það að markmiði að styrkja starfsumhverfi í opinberri þjónustu. -
Slippurinn Akureyri vinnur að smíði nýs vinnsludekks fyrir Hildi SH 777
Smíðin á vinnslubúnaðinum hefur gengið vel og við stefnum á að skipið verði klárt fyrir páska segir Magnús Blöndal, sviðsstjóri DNG Vinnslubúnaðar hjá Slippnum Akureyri. „Starfsfólk Hraðfrystihússins hafa lagt fram mikið af gagnlegum ábendingum í hönnunarferlinu sem skipta sköpum fyrir lokaútfærsluna."
