6. nóvember - 13. nóvember - Tbl 45
Um 60% aukning þátttakenda í fjallahlaupinu Súlur Vertical
Alls eru 556 þátttakendur skráðir í fjallahlaupið Súlur Vertical sem verður haldið á laugardag. Hlaupið í fyrra var haldið í skugga kóvid 19 veirunnar, en þá tóku 340 manns þátt. Myndin er á facebooksíðu Súlur Vertical og frá hlaupinu í fyrrasumar.
Umtalsvert fleiri þátttakendur hafa skráð sig í fjallahlaupið 66°NorðurSúlur Vertical, en skráningu lauk á miðnætti miðnætti 26. Júlí. Heildarfjöldi þátttakenda er 556 manns. Flestir eru skráðir í 18km hlaupið eða 371. Í 28km hlaupið er 141 skráður og 44 í lengstu vegalengdina, 55km ultra. Þetta er umtalsverð aukning í öllum vegalengdum. Í fyrrasumar tóku samtals 340 þátt í öllum vegalengdum og nemur aukningin því ríflega 60% ef miðað er við þá sem hlupu í fyrra samanborið við skráningar í ár.
Súlur Vertical 2021 tókst afar vel í alla staði, en það var í fyrsta sinn sem hlaupið var haldið með þessum hætti, meiri umgjörð en áður og með nýrri 55km leið. Veðrið lék við keppendur og gesti allan daginn og var mikil ánægja með framkvæmdina, jafnvel þótt hlaupið hafi verið haldið í skugga Covid-19 og með ýmsum takmörkunum.
Hæstánægð með þátttökuna
“Þessi fína skráning í ár kom okkur því ekki beinlínis á óvart, miðað við hversu vel gekk í fyrra. En við erum hæstánægð með þátttökuna, ekki síst í ljósi þess að skráning í marga sambærilegra viðburði hefur verið ívið lakari í sumar en í fyrra, enda er framboðið alltaf að aukast og aðstæður í ár allt aðrar, t.d. miklu fleiri sem verja sumrinu erlendis. Þetta er heilbrigð og viðráðanleg aukning hjá okkur í ár og við lítum svo á að Súlur Vertical sé að festa sig almennilega í sessi sem eitt af stærstu utanvegahlaupum landsins, en við stefnum auðvitað enn hærra á næstu árum. Fyrst og fremst hlökkum við til að taka á móti öllum þessum hlaupurum sem eru skráðir í ár og eiga saman frábæran laugardag,” segir Þorbergur Ingi Jónsson fjallahlaupari og formaður Súlur Vertical.
Nú verður í fyrsta sinn boðið upp á nýja hliðarviðburði, en Krakkahlaup Súlur Vertical verður haldið í Kjarnaskógi á morgun og Menningarskokk Súlur Vertical þar sem listamaðurinn Villi Bergmann stýrir skemmtiskokki með leiðsögn um menningarbæinn Akureyri.
Nýjast
-
Fólki misboðið yfir gjaldskrárhækkunum OH
„Dæmi eru um að viðskiptavinir Orkuveitu Húsavíkur, ekki síst fjölskyldufólk og fólk í viðkvæmri stöðu, hafi sett sig í samband við Skrifstofu stéttarfélaganna og krafist þess að Framsýn geri athugasemdir við boðaðar hækkanir á gjaldskrám orkuveitunnar um áramótin. Fólki er greinilega misboðið.,“ segir á vef Framsýnar. -
Matur handa öllum.
Nýlega hafa Eyjólfur Ingvi formaður sauðfjárdeildar BÍ og Margrét Ágústa framkvæmdastjóri Bændasamtaka Íslands kallað eftir því að stjórnmálaöfl skýri sjónarmið sín í málefnum landbúnaðarins. Það var athyglisvert að heyra málflutning þeirra því staðreyndin er sú að bændum á Íslandi hefur fækkað mikið, sérstaklega í mjólkurframleiðslu þótt að á sama tíma hafi orðið talsverð framleiðsluaukning. -
Það er fokið í hann!
Það er óhætt að segja að veðurspá hafi gengið ágætlega eftir en appelsínugul viðvörun er yfirstandandi og má búast við að hér á Akureyri og nágrenni muni blása hressilega til miðnættis, en þá ætti allt að detta í dúnalogn. -
Húsnæðisáætlanir sveitarfélaga á Norðurlandi eystra
Fjöldi íbúða sem eru í byggingu á Norðurlandi eystra er ekki nægilega mikill til að uppfylla þörf samkvæmt húsnæðisáætlunum sveitarfélaganna í landshlutanum. Það er mat HMS sem byggir á nýlegri talningu á íbúðum í byggingu. -
Látum ekki blekkjast.
Kosningarnar eftir mánuð munu snúast um að skapa betri lífskjör fyrir venjulegt fólk hér á landi. Fyrir mér ættu framboðin nú að leggja fram sínar leiðir til að taka á verðbólgu, skapa tækifæri, efla velferðarkerfið og standa vörð um náttúruna, en sum hafa valið að spila á okkar lægstu hvata; ótta og andúð. -
Hlutu hvatningarverðlaun Íslensku menntaverðlaunanna
Íslensku menntaverðlaunin voru veitt við hátíðlega athöfn á Bessastöðum í gær. Verðlaunin voru upprunalega stofnuð til að auka veg menntaumbótastarfs og vekja athygli á því góða og metnaðarfulla starfi sem stundað er í skólum og frístundastarfi. -
Þjónustusamningur um rekstur almenningsbókasafns
Í dag var undirritaður þjónustusamningur Akureyrarbæjar og Svalbarðsstrandarhrepps um að íbúum hreppsins verði veitt fullt aðgengi að safnakosti og þjónustu Amtsbókasafnsins á Akureyri. -
Umgengni á athafnasvæði Skútabergs á Moldhaugnahálsi
Umgengni á athafnasvæði Skútabergs á Moldhaugnahálsi hefur verið til umræðu hjá Heilbrigðisnefnd Norðurlands eystra um skeið, en nefndin lýsti fyrir nokkru yfir vonbrigðum með að áform um tiltekt á svæðinu hefðu ekki gengið eftir. -
Sjúkrahúsið á Akureyri
Ísland er fámennt en stórt land. Íbúaþróun síðustu áratugi hefur á margan hátt verið óskynsamleg. Samkvæmt gögnum frá Hagstofunni búa nú nálægt 80% landsmanna á stórhöfuðborgarsvæðinu en 20% landsmanna á gríðarlega víðfeðmu landsvæði utan þess. Fá dæmi eru um slíka samþjöppun búsetu í nokkru landi og fyrir vikið er það flókið verkefni að tryggja öllum landsmönnum fyrsta flokks lögbundna þjónustu, þótt sannarlega sé það bráð nauðsynlegt. Það á ekki síst við um réttinn til heilbrigðisþjónustu.
