Til hamingju með heilsuna!
Fyrir rúmum tveimur árum skrifaði ég grein hér í Vikublaðið um þau áform að efla heilbrigðisþjónustu á svæðinu. Heilsu- og sálfræðiþjónustan tók til starfa í kjölfarið með það að markmiði að vera miðstöð heilsueflingar. Þar er veitt sálfræðiþjónusta og heilsuráðgjöf fyrir börn og fullorðna, hvort sem þörf er á hefðbundinni meðferð, ráðgjöf, greiningu á vanda eða þverfaglegri teymisþjónustu. Að auki er áhersla á fræðslu og lýðheilsu forvarnir fyrir einstaklinga og vinnustaði.
Starfsemin hefur vaxið hratt og nú starfa um 20 fagmenn á stofunni. Ég er lánsöm og þakklát fyrir að vera hluti af vönduðu teymi fagmanna sem hafa byggt upp öfluga þjónustu, með virðingu, samvinnu og fagmennsku að leiðarljósi. Ekki er síður gefandi að vinna með öllu því fólki sem til okkar hefur leitað, fólki sem er í virkri leit að bættri líðan og heilsu. Vel á annað þúsund manns hafa sótt sér stuðning og meðferð síðustu tvö ár, hjá faghópi Heilsu- og sálfræðiþjónustunnar. Ég fyllist aðdáun þegar ég hugsa um þennan fjölmenna hóp sem setur heilsu sína í forgang.
Ég hef gaman að því að hjóla og ganga úti í náttúrunni. Þegar ég fer ein sæki ég í að fara sama gamla hringinn og er ekki mjög ævintýragjörn. Það er ágætt stundum en getur verið lítið gefandi til lengdar. Ég fer hinsvegar líka oft með öðrum. Fer þá gjarnan út fyrir þægindarammann í traustum félagsskap og kanna ótroðnar slóðir með kjark og þor í bakpokanum. Þrátt fyrir að stundum séu þær ferðir krefjandi veitir uppskeran mér næringu og hvatningu fyrir næstu ævintýri. Þegar við breytum út af vananum, könnum ótroðnar slóðir og þorum að fá aðra með okkur, fáum við gjarnan annað sjónarhorn á hlutina. Við eflumst, áttum okkur á eigin styrkleikum og þörfum og sjáum jafnvel betur það sem gefur lífinu lit eða tilgang. Við tökumst á við þá óvissu sem nýjum leiðum fylgir, finnum fyrir stolti og upplifum eitthvað nýtt. Það er gefandi að upplifa og verða vitni að persónulegum sigrum, þegar áskoranir hindra ekki lengur og gróandinn í uppskeru erfiðisins tekur yfir.
Heilsuefling er risastórt lýðheilsuverkefni sem snertir okkur öll og fagfólk Heilsu- og sálfræðiþjónustunnar mun sannarlega leggja sitt af mörkum þar næstu árin. Vinnum áfram saman að því að varða leiðina að betri líðan, heilsueflingu og auknum lífsgæðum.
Til hamingju með heilsuna öll!
Nýjast
-
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður. -
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit.
