Þvílík seigla, úthald og ástríða hjá einni konu
Ferðamálafélagi Eyjafjarðarsveitar, en verklokum á stóru og miklu verkefni, smíði á risakúnni Eddu var fagnað hjá Beate Stormo eldsmið og bónda í Kristnesi. Fjölmenni mætti heim á hlað í Kristnesi og skoðaði gripinn sem um ókomin ár verður eitt af kennileitum Eyjafjarðarsveitar.
María segir að þegar farið var af stað hafi enginn vitað hversu stórt verkefnið yrði, „en ég sé í gömlum fundargerðum að við bjuggumst nánast við að kýrin yrði klár að hausti.“ Svo varð aldeilis ekki og Beate sem ráðin var til verksins tókst á við gífurlegt verkefni. „Það þurfti að hanna og hugsa allt áður en hægt var að hefjast handa við smíðina og ég hef ekki tölu á þeim ótal ferðum sem hún fór í Fab lab og Slippinn til að undirbúa og þrívíddarprenta litlu frumgerðina.“
María bendir á að Beate sé fyrst og fremst bóndi sem ekki hafi átt þess kost að helga sig verkefninu alla daga ársins, „en þvílík seigla, úthald og ástríða hjá einni konu,“ segir hún og bendir á að fyrst hafi þurft að koma sér upp góðri aðstöðu til að sinna verkefninu, sem og krafthamri, „ og svo þurfti hún að finna upp á öllu jafnt og þétt því enginn hefur gert svona nokkuð áður.“
Gekk vel að safna fyrir verkefninu
Hönnunarfasinn stóð yfir á árinu 2019 og þá hófst einnig söfnun Ferðamálafélagsins vegna smíðinnar. Alls var safnað 5 milljónum króna og segir María að mestu hafi munað um eina milljón króna frá SSNE og jafnhá upphæð kom úr Pokasjóði. „Einstaklingar og fyrirtæki voru einnig áhugasöm um smíðina og saman söfnuðum við þessum 5 milljónum króna sem þó eru örugglega dropi í hafið ef maður telur allar vinnustundir sem Beate hefur lagt í þetta undafarin fjögur árin eða svo. En hún hefur allan tímann notið þess í botn að fást við þetta verkefni og ég hef aldrei komið að henni í bugun eða efasemdarkasti sem mér fyndist þó svo fullkomlega eðlilegt.“
María segir að nú liggi fyrir að fast ákveða staðsetningu, „en það er eiginlega aukaatriði finnst mér núna, hún verður dásamleg hvar sem hún endar.“ Líklegasti staðurinn er við Sólgarð í það minnsta til að byrja með, en María bendir á að alltaf megi færa kúnna úr stað. Hún eigi vel heima við Sólgarð þar sem Smámunasafnið er, vísir að búvélasafni og þar er einnig Saurbæjarkirkja auk þess sem ágæt bílasvæði eru á svæðinu og ýmsir innviðir.
Kennileiti fyrir helsta mjólkurhérað landsins
„Mig dreymdi alltaf um að hafa hana upp á einhverjum hól innarlega í sveitinni þar sem fjallahringurinn nyti sín úr hvaða átt sem væri og hægt væri að taka ódauðlega ljósmyndir og engin hús eða mannvirki myndu lenda í bakgrunni,“ segir María en staðsetningin komi í ljós í sumar. Edda verði á Kristneshlaðinu fram til 20 júní um það bil.
Hún segir að þegar fólk velti fyrir sér hvers konar skúlptúr gæti verið viðeigandi sem kennileiti fyrir Eyjafjarðarsveit hafi fljótlega verið staldrað við þá staðreynd að sveitarfélagið er eitt helsta mjókurframleiðsluhérað landsins. „Þá var auðvelt að sameinast um kúnna.“
Nýjast
-
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði. -
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun.
