Þurfa að gera betur í vetur
Akureyringar fögnuðu þegar easyJet tilkynnti fyrir skemmstu að félagið muni fljúga beint frá Gatwick í London til Akureyrar næsta vetur í áætlunarflugi. Flugfélagið hefur nú þegar opnað fyrir bókanir, en fyrsta flugferðin verður 31. október. Flogið verður tvisvar í viku, á þriðjudögum og laugardögum, út mars 2024. Nú hyggjast Húsvíkingar stökkva á vagninn og auka ferðaþjónustu yfir veturinn.
Flugfélagið er jafnframt í samstarfi við ferðaskrifstofuna easyjet Holidays og því verður einnig boðið upp á pakkaferðir til Norðurlands í tengslum við áætlunarflugið.
Húsavíkingar sjá tækifæri
Það er víðar á Norðurlandi sem þessum fyrirætlunum er fagnað ákaft. Örlygur Hnefill Örlygsson, verkefnastjóri Húsavíkurstofu segir áætlunarflugið vera himnasendingu fyrir vetrarferðaþjónustu á öllu Norðurlandi.
Hann er þegar farinn vinna að áætlun um hvernig nýta megi flugið, ferðaþjónustunni til heilla. „Ég er að vinna í því að við stimplum okkur inn hér á svæðinu gagnvart þessu flugi. Ég er kominn með tengilið hjá easyJet og er að undirbúa kynningu á því hvað Húsavík og Þingeyjarsýslur hafa upp á að bjóða og mun þegar hún er klár kynna hana fyrir bæði easyJet og Markaðsstofu Norðurlands,“ segir Örlygur í samtali við Vikublaðið.
Algjör himnasending
Örlygur segir jafnframt að ferðaþjónustan þurfi að gera mun betur en undanfarna vetur. „Þetta er eftir allt sem á undan er gengið algjör himnasending að þetta flug sé að fara í gang. Þau eru að leggja áherslu á veturinn og það er þar sem við þurfum að bæta okkur. Við ætlum að gera okkur gildandi þar líka. Vilji minn er að við vinnum þetta sem mest með Markaðsstofunni í að kynna Þingeyjarsýslur og komum af krafti inn í það.
Voru til skammar
Hann segist vera kortleggja þessa dagana hvaða þjónusta verður í boði næsta vetur. „Við vorum til skammar síðasta vetur, það var bara algjör uppgjöf ekkert annað hægt að segja um það. Þetta má ekkert vera svona áfram. Hér er komið tækifæri og við verðum að stökkva á það,“ segir Örlygur og dregur ekkert úr því að gera þurfi mun betur.
„Það er fáránlegt að eyða peningum í að byggja upp ferðaþjónustu og láta hana svo standa tóma fimm mánuði á ári. Það er bara rosalega vond nýting. Það á að vera kappsmál hjá öllum sem eru búnir að setja peninga í byggingar, húsnæði og innviði til að taka á móti fólki að lengja þetta tímabil. Það þarf að horfa á þessa uppbyggingu og hugsa hversu mikið hægt er að auka viðskiptin ef veturinn er tekinn alvarlega. Hvað þarf að setja mikinn pening í þetta og hvar. Þetta er fjárfesting,- það kostar alveg að láta veturinn virka. Ég þekki það sjálfur úr gistiþjónustunni, enda búinn að vera berjast í því í mörg ár með rekstur okkar fjölskyldunnar. Þetta er náttúrlega basl en það verður alltaf skárra,“ segir Örlygur.
Fleiri tækifæri í farvatninu
Örlygur segir jafnframt að það séu að opnast enn fleiri möguleikar fyrir vetrarferðaþjónustu í sveitarfélaginu. „Núna erum við með tækifæri í sambandi við þetta flug og það sem meira er; Húsavíkurstofa og hafnaryfirvöld á Húsavík eða Norðurþingi eru í samræðum við Hurtigruten sem hafa áhuga á að koma með siglingar sínar yfir veturinn líka. Það væri alveg borðleggjandi dæmi fyrir þá sem eru hikandi við að hafa opnunartíma yfir veturinn. Þá a.m.k. vita þessir aðilar nákvæmlega þá daga þegar það eru hundrað manns í bænum,“ útskýrir Örlygur og leggur enn áherslu á að mikilvægasta verkefni Húsavíkurstofu sé að markaðssetja veturinn.
Sumarið rekur sig sjálft
„Þetta er númer 1, 2 og 3 hjá Húsavíkurstofu. Ég hef líka sagt það við stjórnina að það sé engin þörf á mínu starfi ef það snýst bara um að viðhalda sumrinu. Það sér um sig sjálft. Sumarið er leyst og það verður það næstu 10 árin ef ekkert stórkostlegt gerist,“ segir Örlygur Hnefill að lokum.
Nýjast
-
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði. -
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun.
