27. nóvember - 4. desember - Tbl 48
Talsvert tjón bæði á húseignum og munum vegna flóða á Oddeyri
Enn er unnið að dælingu í húsum neðarlega á Oddeyri og að veita vatni burtu. Háflóð verður aftur í kvöld milli 21-22 og verður vel fylgst með stöðunni.
Ástand á Oddeyri hefur ekki verið gott það sem af er degi, mikið sjávarflóð inn í húseignir á svæðinu.
„Þetta er aðeins farið að sjatna, enda farið að falla vel út en enn er unnið að dælingu og að veita vatni burtu,“ segir á facebook síðu Lögreglunnar á Norðurlandi eystra.
Það er enn lokað um Laufásgötu, Kaldbaksgötu og Gránufélagsgötu neðan við Hjalteyrargötu. Ljóst er að sums staðar hefur orðið talsvert tjón bæði á húseignum og munum. Það er aftur háflóð í kvöld milli 21-22 og verður vel fylgst með stöðunni.
„Við viljum biðja ykkur sem eigið húseignir á þessu svæði að fylgjast vel með, gera þær ráðstafanir sem þið getið til að forða frekara tjóni. Eins hvetjum við bátaeigendur að huga að bátum sínum í höfninni,“ segir lögregla á Akureyri.
Nýjast
-
Að kjósa taktískt
Komið er að lok kosningabaráttu sem hefur í senn verið áhugaverð og skemmtileg. -
Stefnir í litaðar viðvaranir i veðrinu
Óhætt er að fullyrða að það hvernig veður skipast í lofti næstu daga muni hafa áhrif hvernig tekst til við við framkvæmd Alþingiskosninga, en óhætt er að segja að blikur séu á lofti. -
Alþingiskosningar, laugardaginn 30. nóvember 2024
Kjörstaðir í Akureyrarbæ eru í Verkmenntaskólanum á Akureyri, í Hríseyjarskóla og í Félagsheimilinu Múla í Grímsey. Akureyrarbæ er skipt í 13 kjördeildir, 11 á Akureyri, ein í Hrísey og ein í Grímsey. Skipting kjósenda í kjördeildir fer eftir búsetu samkvæmt skráðu lögheimili hjá Þjóðskrá þann 29. október kl. 12:00 og eru kjósendur beðnir um að kynna sér í hvaða kjördeild þeim ber að kjósa. Hægt er að fletta upp í kjörskrá á vef Þjóðskrár á slóðinni: www.kosning.is. Kjörfundur hefst kl. 9:00 og lýkur eigi síðar en klukkan 22:00. -
Frozen hátíðardanssýning Steps Dancecenter í Hofi 30. nóvember
Steps Dancecenter á Akureyri býður íbúa og gesti bæjarins velkomna í sannkallað dansævintýri þann 30. nóvember, þegar nemendur skólans stíga á svið í Hofi með glæsilega hátíðarsýningu með ævintýrið Frozen. -
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra.
