30. október - 6. nóember - Tbl 44
Strandveiðar
Bjarkey Ólsen Gunnarsdóttir
Strandveiðar hafa reynst mikilvæg byggðaráðstöfun Í Norðaustur kjördæmi. Þær breytingar sem gerðar voru á strandveiðilöggjöfinni á síðasta kjörtímabili hafa rýrt hlut svæðisins svo um munar og er nú svo komið að fjöldi sjómanna hafa tekið á það ráð að flytja sig á önnur svæði til þess eins að komast að.
Hlutverk strandveiða hefur frá upphafi verið að renna stoð undir sjávarútveg þar sem þess er þörf. Að veita plássum sem voru illa leikin af framsali aflaheimilda eða annarra hrakfalla hlutdeild í sameiginlegri auðlind þjóðarinnar. Að heimila takmarkaðar veiðar þeim sem ekki hafa yfir að ráða aflamarki. Veiðarnar hafa ekki síður veigamikla táknræna þýðingu fyrir byggðirnar í landinu, því að fátt er jafn samgróið þjóðarsálinni og líf í höfnum landsins.
Vonbrigði að ekki skuli skipt jafnt
Frumvarpið sem hæstvirtur sjávarútvegsráðherra lagði af stað með nú í vetur miðaði að því að jafna hlut mismunandi veiðisvæða. Þannig væri meira til skiptanna fyrir þau landssvæði þar sem fiskurinn er seinna á ferð en fyrir vestan land. Tillagan var einföld, að skipta því sem er í pottinum jafnt eftir fjölda báta. Enda er krafan ekki meiri en það í Norðausturkjördæmi, heldur að rétt sé rétt. Þessi sjónarmið náðu ekki fylgi í þinginu í vor og það eru mikil vonbrigði. Það mun þýða, m.v. gang veiðanna það sem af er sumri, að annað árið í röð munu strandveiðisjómenn í Norðausturkjördæmi missa af verðmætasta fisknum.
Samhliða því að auka jafnrétti á milli byggðalaga og auka aðgengi veiðasvæða eftir því sem austar dregur var lagt upp með að tryggja að tonn „brynnu ekki inni“ fyrri part sumarsins eins og vildi vera fyrir breytingarnar á síðasta kjörtímabili.
Þær breytingar sem ráðherrann lagði upp með eru mjög í anda laganna. Það er grundvallaratriði þegar kemur að félagslegum veiðum að skipta gæðunum jafnt.
Þeir þættir sem mestu máli skipta fyrir strandveiðar eru náttúrulegir, það er ekki elja sjómanna í öðrum landshlutum sem ræður neinu þar um. Það er fisk gengd og fyrstur kemur, fyrstur fær. Þeir þættir sem við fáum stjórnað fyrir eru því þættir í lögum sem ýta undir jafnvægi á milli veiðisvæða, að því þurfum við að róa öllum árum.
Umbóta er þörf
Það er von mín að strandveiðar vaxi á komandi árum, líkt og þær hafa gert í tíð Svandísar Svavarsdóttur. Ég vil eins og margir félagar mínir í VG sjá stærri hlut af félagslega kerfinu fara í strandveiðipottinn. Ef af því verður er deginum ljósara að þeim gæðum þarf að skipta á milli landssvæða. Þegar eitthvað virkar ekki tökum við nýjar betri ákvarðanir með hagsmuni allra landssvæða að leiðarljósi.
Bjarkey Ólsen Gunnardóttir
Nýjast
-
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun. -
Nytjamarkaður Norðurhjálpar er eins árs
„Þetta var dásamlegur dagur og við erum þakklátar öllu því góða fólki sem styður við bakið á okkur, við erum eiginlega alveg vissar um að við er með langbesta fólki í kringum okkur,“ segir Sæunn Ísfeld Guðmundsdóttir ein þeirra fjögurra kvenna sem reka nytjamarkaðinn Norðurhjálp.
