6. nóvember - 13. nóvember - Tbl 45
Starfsfólki verslana sem vinna á frídegi verslunarmanna á að greiða stórhátíðarkaup
Eiður Stefánsson formaður Félags verslunar- og skrifstofufólks á Akureyri.
„Í aðdraganda frídags verslunarmanna eru iðulega margir á faraldsfæti og helgin sjálf stærsta ferðahelgi ársins. Þessa daga er mikið álag á verslunarmönnum og dagurinn í dag, sem upphaflega var hugsaður sem orlofsdagur verslunarmanna, er nú stórhátíðardagur. Starfsfólki verslana sem sinnir vinnu á frídegi verslunarmanna ber því að greiða stórhátíðarkaup samkvæmt kjarasamningi,“ skrifar Eiður Stefánsson formaður Félags verslunar- og skrifstofufólks á Akureyri í pistli sem birtist á vefsíðu félagsins.
Eiður skrifar:
Á árum áður nutu kaupmenn mikillar virðingar, þeir sigldu erlendis til að sækja menntun í verslunarfræðum og komu reynslunni ríkari heim. Í þá daga voru verslanir oft kenndar við eigendur sína og enn eru einhverjar í rekstri eins og t.d. Verslun Guðsteins Eyjólfssonar sem stofnuð var árið 1918. Samhliða tækniþróun og auknum samgöngum hafa verslanir og verslunarhættir þróast mikið. Það gefur auga leið að störf verslunarmanna hafa sömuleiðis tekið breytingum og aðrar kröfur gerðar til þeirra í dag en fyrir ríflega 100 árum.
Menntun á sviði verslunar
Til að mæta þessum kröfum vann Landssamband íslenzkra verzlunarmanna (LÍV) ásamt Starfsmenntasjóð verslunar- og skrifstofufólks (SVS) lengi að því að koma á fagnámi verslunar og þjónustu. Loks árið 2018 var diplómanámi í viðskiptafræði og verslunarstjórnun komið á lagginar í samstarfi við Háskólann á Bifröst og Háskólann í Reykjavík með aðkomu fulltrúa Starfsmenntasjóðs verslunar- og skrifstofufólks. Námið er fyrsta sinnar tegundar hér á landi og hafa 64 nemendur verið skráðir til náms frá upphafi.
Í kjölfarið var þróað nám í verslun og þjónustu á famhaldsskólastigi og árið 2020 hóf fyrsti hópur göngu sína í Fagnámi og raunfærnimati í verslun og þjónustu í samstarfi við Verzlunarskóla Íslands, Mími, VR/SVS, Samtök verslunar og þjónustu (SVÞ) og Fræðslumiðstöðvar atvinnulífsins. Frá upphafi hafa 69 nemendur innritast í námið og níu útskrifast með fagbréf.
Mikil samstaða hefur verið innan SVS um þróun á þessum námsleiðum, en í SVS sitja fulltrúar frá Samtökum atvinnulífsins og LÍV/VR. En samstaðan er ekki til staðar þegar meta á námið til launa og ekki náðist samkomulag við gerð síðustu kjarasamninga um að það skili sjálkrafa launahækkun. Við gerð næstu kjarasamninga verður þetta tekið fyrir á ný og ég vona að fyrirtæki innan Samtaka atvinnulífsins átti sig á því að hversu öfluga starfsmenn atvinnulífið er að fá að námi loknu.
Þekking og þjónusta verslunarfólks er virðingarverð og sjálfsagt að meta faglært fólk innan stéttarinnar til hærri launa. Ég óska verslunarfólki og fjölskyldum þeirra til hamingju með daginn og vona að öll skili sér heil heim frá þessari miklu ferðahelgi.
Nýjast
-
Fólki misboðið yfir gjaldskrárhækkunum OH
„Dæmi eru um að viðskiptavinir Orkuveitu Húsavíkur, ekki síst fjölskyldufólk og fólk í viðkvæmri stöðu, hafi sett sig í samband við Skrifstofu stéttarfélaganna og krafist þess að Framsýn geri athugasemdir við boðaðar hækkanir á gjaldskrám orkuveitunnar um áramótin. Fólki er greinilega misboðið.,“ segir á vef Framsýnar. -
Matur handa öllum.
Nýlega hafa Eyjólfur Ingvi formaður sauðfjárdeildar BÍ og Margrét Ágústa framkvæmdastjóri Bændasamtaka Íslands kallað eftir því að stjórnmálaöfl skýri sjónarmið sín í málefnum landbúnaðarins. Það var athyglisvert að heyra málflutning þeirra því staðreyndin er sú að bændum á Íslandi hefur fækkað mikið, sérstaklega í mjólkurframleiðslu þótt að á sama tíma hafi orðið talsverð framleiðsluaukning. -
Það er fokið í hann!
Það er óhætt að segja að veðurspá hafi gengið ágætlega eftir en appelsínugul viðvörun er yfirstandandi og má búast við að hér á Akureyri og nágrenni muni blása hressilega til miðnættis, en þá ætti allt að detta í dúnalogn. -
Húsnæðisáætlanir sveitarfélaga á Norðurlandi eystra
Fjöldi íbúða sem eru í byggingu á Norðurlandi eystra er ekki nægilega mikill til að uppfylla þörf samkvæmt húsnæðisáætlunum sveitarfélaganna í landshlutanum. Það er mat HMS sem byggir á nýlegri talningu á íbúðum í byggingu. -
Látum ekki blekkjast.
Kosningarnar eftir mánuð munu snúast um að skapa betri lífskjör fyrir venjulegt fólk hér á landi. Fyrir mér ættu framboðin nú að leggja fram sínar leiðir til að taka á verðbólgu, skapa tækifæri, efla velferðarkerfið og standa vörð um náttúruna, en sum hafa valið að spila á okkar lægstu hvata; ótta og andúð. -
Hlutu hvatningarverðlaun Íslensku menntaverðlaunanna
Íslensku menntaverðlaunin voru veitt við hátíðlega athöfn á Bessastöðum í gær. Verðlaunin voru upprunalega stofnuð til að auka veg menntaumbótastarfs og vekja athygli á því góða og metnaðarfulla starfi sem stundað er í skólum og frístundastarfi. -
Þjónustusamningur um rekstur almenningsbókasafns
Í dag var undirritaður þjónustusamningur Akureyrarbæjar og Svalbarðsstrandarhrepps um að íbúum hreppsins verði veitt fullt aðgengi að safnakosti og þjónustu Amtsbókasafnsins á Akureyri. -
Umgengni á athafnasvæði Skútabergs á Moldhaugnahálsi
Umgengni á athafnasvæði Skútabergs á Moldhaugnahálsi hefur verið til umræðu hjá Heilbrigðisnefnd Norðurlands eystra um skeið, en nefndin lýsti fyrir nokkru yfir vonbrigðum með að áform um tiltekt á svæðinu hefðu ekki gengið eftir. -
Sjúkrahúsið á Akureyri
Ísland er fámennt en stórt land. Íbúaþróun síðustu áratugi hefur á margan hátt verið óskynsamleg. Samkvæmt gögnum frá Hagstofunni búa nú nálægt 80% landsmanna á stórhöfuðborgarsvæðinu en 20% landsmanna á gríðarlega víðfeðmu landsvæði utan þess. Fá dæmi eru um slíka samþjöppun búsetu í nokkru landi og fyrir vikið er það flókið verkefni að tryggja öllum landsmönnum fyrsta flokks lögbundna þjónustu, þótt sannarlega sé það bráð nauðsynlegt. Það á ekki síst við um réttinn til heilbrigðisþjónustu.
