Starað í hyldýpið
Egill P. Egilsson skrifar
„Hálfnað verk þá hafið er,“ segir gamalt íslenskt máltæki en merkingin er nokkuð augljós.
Þann 18. nóvember, ekki síðast liðinn heldur árið 2021 var fyrsta skóflustungan að nýju hjúkrunarheimili tekin á Húsavík. Allt frá því fregnir fóru fyrst að berast um fyrirætlanir ríkis og sveitarfélaga í þingeyjasýslu um byggingu 60 rýma hjúkrunarheimilis hef ég ritað ógrynni frétta og pistla um málið.
Ég hefi ekki reiður á því hvað ég hef vitnað oft til þessa „nýja“ hjúkrunarheimilis en ég hef gert það svo oft og svo lengi að ég velti því óneitanlega fyrir mér hvort það geti enn þá talist nýtt, enda þótt fyrsti sementspokinn hafi enn ekki verið opnaður.
Katrín Sigurjónsdóttir var ráðin sveitarstjóri Norðurþings á síðasta ári. Mögulega endist hún nógu lengi í embætti til að klippa á borðann þegar „gamla“ hjúkrunarheimilið á Húsavík verður opnað. Vonandi verður hún samt ekki fyrsti heimilismaðurinn.
Í dag eru 16 mánuðir og 23 dagar frá því fyrsta skóflustungan var tekin, síðan þá hefur holan sem skilin var eftir gapað á Húsavíkinga. Ekki veit ég hvað hún er djúp en ég veit hvað hún er löng… þ.e. biðin eftir því að eitthvað rísi upp úr henni. Engin veit hins vegar hvað þessi bið verður löng því þögnin frá ríkinu er gapandi, rétt eins og holan sjálf. Ef þú starir lengi í hyldýpið starir hyldýpið á móti, sagði heimsspekingurinn Nietzsche fyrir margt löngu. Er ekki mál að þessari störukeppni linni?
Í Vikublaðinu er rætt við Hjálmar Boga Hafliðason, forseta sveitarstjórnar Norðurþings. Hann hefur vissar áhyggjur af því að framkvæmdirnar sem ættu að vera hafnar ofan í holunni lendi í niðurskurði sem boðaður var í fimm ára fjármálaáætlun ríkisins. Hann segir reyndar líka að ekki hafi heyrst eitt einasta múkk frá ríkinu um að hætt verði við framkvæmdirnar. Útboðsferlið á að vera hafið en er ekki! Hjálmar gat heldur ekki vitnað í nein svör frá ríkinu varðandi hvers vegna það ferli sé ekki farið af stað eða hvenær það mun hefjast.
Það liggur hins vegar fyrir að framkvæmdir á vegum ríkisins sem ekki eru þegar hafnar verða settar á ís. Eftir stendur spurningin, Holan þar sem fyrirhugað hjúkrunarheimili á að rísa. Er sá gröftur nóg til þess að framkvæmdin teljist hafin og sleppur hjúkrunarheimilið þar af leiðandi við ískarið? Eða mun helsta verkefni Vinnuskólans á Húsavík í sumar vera að moka upp í helvítis holuna.
Egill P. Egilsson
Nýjast
-
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður. -
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit.
