6. nóvember - 13. nóvember - Tbl 45
Spenntur fyrir nýjum kafla í lífinu
Kristján Kristjánsson vinnur að því að opna mathöll í húsinu númer 28 við Glerárgötu. Ætlunin er að gera sögu þess sem tengist prentiðnaði góð skil. Hér er hann við mynd sem sýnir þann knáa kappa, Reyni Hjartarson við vinnu sína í þeim iðnaði fyrir margt löngu. Mynd/MÞÞ
mth@vikubladid.is
Mathöll verður opnuð í um 1000 fermetra húsnæði við Glerárgötu 28 á Akureyri eftir nokkra mánuði.„Það er nýr kafli að hefjast í mínu lífi og ég er mjög spenntur,“ segir Kristján Kristjánsson sem vinnur nú hörðum höndum að því að því að koma mathöllinni upp. Verið er að leggja lokahönd á teikningar og vætir hann þess að hægt verði að hefja framkvæmdir í húsnæðinu með haustinu.
Kristján er nýfluttur til Akureyrar frá Bretlandi, en sonur hans er við nám í bifvélavirkjun við Verkmenntaskólann á Akureyri og ákvað Kristján að flytja til hans. „Ég er hæst ánæður hér, það er góður andi í bænum, stutt í náttúruna og mér sýnist vera mikið um að vera allan ársins hring,“ segir hann. Kristján hefur verið viðloðandi veitinga- og skemmtanabransann frá 16 ára aldri og þekkir vel til.
„Þegar ég ákvað að flytja norður fór ég að skoða hvað væri í boði og sá að verið var að auglýsa þetta húsnæði með rekstur mathallar í huga,“ segir Kristján og sá strax að þetta væri eitthvað fyrir sig. „Staðsetningin er mjög góð, mikil umferð beggja vegna við húsið, um Glerárgötu og Hvannavelli en þar mun umferð aukast innan tíðar með opnun Krónunnar,“ segir hann.
Fjölbreytt úrval og mikil gæði
Í fremsta rýminu sem snýr út að Glerárgötu er hugmyndin að koma fyrir nokkrum litlum verslunum og leggja áherslu á bændamarkað, þ.e. þeir sem selja vörur beint frá sínu býli geti boðið varning sinn þar. Inni í miðrýminu verður mathöllin sjálf og stefnir Kristján að því að hafa þar 7 til 8 veitingastaði. „Það er mikill áhuginn, ég hef rætt við nokkra og margir hafa sett sig í samband og lýst yfir áhuga á að vera með. Minn útgangspunktur er að bjóða upp á fjölbreytt úrval og mikil gæði,“ segir hann.
Gamla prentsalnum Hvannavallamegin í húsinu verður breytt og þar hyggst Kristján setja upp veitinga og bjóða upp á eitthvað til skemmtunar með eins og pílu og eða karíókí.
Sögunni gerð verðug skil
Kristján nýtur aðstoðar Ingólfs Guðmundssonar hjá Kollgátu arkitektastofu við hönnun og einnig mun Sir Arnar Gauti leggja sitt lóð á vogarskálar þannig að útlitið verði eins og best verður á kosið. „Ég hef mikinn áhuga á að gera sögu þessa húss skil, hér var rekin prentsmiðja árum saman og mig langar að fá gamlar vélar til að skreyta húsakynni þannig að sagan komi sterkt fram,“ segir hann. Einnig er ætlunin að bjóða listamönnum að sýna verk sín á veggjum og hafa það fyrirkomulag að hægt verði að kaupa verkin beint af veggnum. „Ég er með alls konar hugmyndir og hlakka mikið til að takast á við þetta verkefni,“ segir Kristján og finnur þegar að Akureyringar eru fullir eftirvæntingar á fá mathöll í bæinn.
Nýjast
-
Jákvæð þróun fyrir börn og starfsfólk
„Við munum halda áfram að þróa gjaldskrárbreytingar í leikskólum en teljum þetta hafi verið afar góða breytingu og jákvæða þróun í starfsumhverfi í leikskólum á Akureyri bæði fyrir starfsfólk og börn,“ segir í bókun meirihluta bæjarráðs. -
Fólki misboðið yfir gjaldskrárhækkunum OH
„Dæmi eru um að viðskiptavinir Orkuveitu Húsavíkur, ekki síst fjölskyldufólk og fólk í viðkvæmri stöðu, hafi sett sig í samband við Skrifstofu stéttarfélaganna og krafist þess að Framsýn geri athugasemdir við boðaðar hækkanir á gjaldskrám orkuveitunnar um áramótin. Fólki er greinilega misboðið.,“ segir á vef Framsýnar. -
Matur handa öllum.
Nýlega hafa Eyjólfur Ingvi formaður sauðfjárdeildar BÍ og Margrét Ágústa framkvæmdastjóri Bændasamtaka Íslands kallað eftir því að stjórnmálaöfl skýri sjónarmið sín í málefnum landbúnaðarins. Það var athyglisvert að heyra málflutning þeirra því staðreyndin er sú að bændum á Íslandi hefur fækkað mikið, sérstaklega í mjólkurframleiðslu þótt að á sama tíma hafi orðið talsverð framleiðsluaukning. -
Það er fokið í hann!
Það er óhætt að segja að veðurspá hafi gengið ágætlega eftir en appelsínugul viðvörun er yfirstandandi og má búast við að hér á Akureyri og nágrenni muni blása hressilega til miðnættis, en þá ætti allt að detta í dúnalogn. -
Húsnæðisáætlanir sveitarfélaga á Norðurlandi eystra
Fjöldi íbúða sem eru í byggingu á Norðurlandi eystra er ekki nægilega mikill til að uppfylla þörf samkvæmt húsnæðisáætlunum sveitarfélaganna í landshlutanum. Það er mat HMS sem byggir á nýlegri talningu á íbúðum í byggingu. -
Látum ekki blekkjast.
Kosningarnar eftir mánuð munu snúast um að skapa betri lífskjör fyrir venjulegt fólk hér á landi. Fyrir mér ættu framboðin nú að leggja fram sínar leiðir til að taka á verðbólgu, skapa tækifæri, efla velferðarkerfið og standa vörð um náttúruna, en sum hafa valið að spila á okkar lægstu hvata; ótta og andúð. -
Hlutu hvatningarverðlaun Íslensku menntaverðlaunanna
Íslensku menntaverðlaunin voru veitt við hátíðlega athöfn á Bessastöðum í gær. Verðlaunin voru upprunalega stofnuð til að auka veg menntaumbótastarfs og vekja athygli á því góða og metnaðarfulla starfi sem stundað er í skólum og frístundastarfi. -
Þjónustusamningur um rekstur almenningsbókasafns
Í dag var undirritaður þjónustusamningur Akureyrarbæjar og Svalbarðsstrandarhrepps um að íbúum hreppsins verði veitt fullt aðgengi að safnakosti og þjónustu Amtsbókasafnsins á Akureyri. -
Umgengni á athafnasvæði Skútabergs á Moldhaugnahálsi
Umgengni á athafnasvæði Skútabergs á Moldhaugnahálsi hefur verið til umræðu hjá Heilbrigðisnefnd Norðurlands eystra um skeið, en nefndin lýsti fyrir nokkru yfir vonbrigðum með að áform um tiltekt á svæðinu hefðu ekki gengið eftir.
