20. nóvember - 27. nóvember - Tbl 47
Solander 250 í Safnahúsinu á Húsavík
Sýningin Solander 250: Bréf frá Íslandi verður opnuð í Safnahúsinu á Húsavík 22. Júlí nk. Sigríður Örvarsdóttir er forstöðumaður Menningarmiðstöðvar Þingeyinga mun sjá um uppsetningu sýningarinnar á Húsavík.
Sýningin Solander 250: Bréf frá Íslandi er sett upp í söfnum á Íslandi til að minnast þess að árið 2022 voru 250 ár liðin frá merkum erlendum vísindaleiðangri til Íslands árið 1772.
Í þeirri för var meðal annars sænski náttúrufræðingurinn Daniel Solander sem var einn af lærisveinum hins heimsþekkta sænska náttúruvísindamanns Carls von Linné. Solander safnaði og skrásetti margs konar fróðleik um náttúru Íslands, menningu þjóðar og siði.
Á sýningunni túlka tíu íslenskir grafíklistamenn atburðina og þær breytingar sem hafa orðið á landi og þjóð í aldanna rás. Á sýningunni Paradise Lost – Daniel Solander‘s Legacy, sem ætlað er að minnast ferðar Solander til Kyrrahafsins árið 1769, má sjá verk tíu listamanna frá Kyrrahafssvæðinu og áhugaverða túlkun þeirra á þessari fyrstu ferð Evrópumanna til Ástralíu.
Sýningarnar tvær mynda einstakt samtal Norðurskautsins og Kyrrahafsins í ljósi ferða Solanders og eru settar upp í samstarfi við sendiráð Svíþjóðar á Íslandi og félagið Íslenska grafík. Pär Ahlberger sendiherra Svíþjóðar á Íslandi opnar sýningarnar.
Menningarmiðstöð Þingeyinga (MMÞ) starfrækir fjögur söfn og geymir sjö safneignir og ýmsar menningarminjar Þingeyinga. í Safnahúsinu á Húsavík, sem er stærst safnanna, er að finna tvær áhugaverðar fastasýningar, þ.e. annars vegar sjóminjar í Sjóminjasafni Þingeyinga og hins vegar Samtal manns og náttúru í Þingeyjarsýslum í 100 ár sem unnin er aðallega úr munum safneignar Byggðasafns S-Þingeyinga og dýrum, plöntum og sjávarskepnum úr Náttúrugripasafns Þingeyinga. Að auki eru þar tvö rými sem nýtt eru undir tímabundnar list- og sögusýningar og í öðru þeirra, myndlistarsalnum, opnar einmitt sýningin Solander 250 - Bréf frá Íslandi þann 22. júlí næstkomandi.
Sigríður Örvarsdóttir er forstöðumaður Menningarmiðstöðvar Þingeyinga og safnstjóri og mun sjá um uppsetningu sýningarinnar á Húsavík. Hún segir það gott og gagnlegt fyrir safnið að vera með í Solander 250 verkefninu þar sem umfjöllunarefnið, íslensk náttúra, skírskotar til sýninga og safneigna MMÞ og ákveðin og áhugaverð tenging verði þannig á milli allra sýninga Safnahússins í sumar.
Nýjast
-
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur.
