Skrá sögu Völsungs á rafrænu formi
Íþróttafélagið Völsungur hyggst ráða starfsmann í sumar við ritun og uppsetningu á sögu félagsins.
Markmiðið er að sagan verði á rafrænu formi og aðgengileg öllum að kostnaðarlausu. Byrjað verður að setja söguna á rafrænt form sumarið 2023 og verður vinnan áfangaskipt. Áfangarnir verði birtir eftir því sem unnið er að verkefninu og lokaáfanginn kynntur á 100 ára afmæli félagsins 12. apríl 2027.
Sett hefur verið á laggirnar Sögunefnd Völsungs en í henni sitja Jónas Halldór Friðriksson, framkvæmdastjóri Völsungs, Ingólfur Freysson, Dóra Ármannsdóttir,Leifur Grímsson og Sóley Sigurðardóttir.
Ingólfur segir í samtali við Vikublaðið að hugmyndin hafi komið fram á fyrsta fundi nefndarinnar að hafa söguna á rafrænu formi. „Við teljum að það gefi bæði skemmtilegri og fjölbreyttari möguleika. Þar sem við getum tengt saman bæði textann, söguna og inn í þetta væri svo netslóðir sem menn geta smellt á og fengið upp myndir, leikskýrslur, viðtöl við félagsmenn sem við eigum og jafnvel upptökur af einhverjum viðburðum“ útskýrir Ingólfur og bætir við að hugmyndin sé að áfangaskipta verkefninu. „Við byrjum á að segja söguna frá 1900, aðdragandanum að stofnun félagsins árið 1927 og fram til 1960.“
100 ára afmælisnefnd mun hafa umsjón með ritunni og vera stuðningur við starfsmann við ritun.
Jónas Halldór segir að mikið sé til af heimildum, rituðum, í sögum, myndefni og hljóðsskrár svo eitthvað sé nefnt. „Markmiðið er að ná utan um þessar heimildir, skrá þær og koma þeim á form sem er aðgengilegt öllum. Því var ákveðið að hafa þetta rafrænt form í stað hefðbundinnar bókaútgáfu og gera þetta með rafrænum hætti. Þannig að hægt sé að fletta upp í sögunni á einfaldan hátt. Þannig teljum við að við gerum heimildirnar aðgengilegastar og söguna meira lifandi,“ segir Jónas og bætir við að stefnt sé á að birta fyrsta áfanga verkefnisins 12. Apríl 2024 á afmælisdegi Völsungs. „Síðan bætist alltaf við söguna á eftir því sem líður á árin og svo opnast þetta í heild sinn á 100 ára afmælisdaginn.“
Jónas segir að síðar meir verði auðveldara að halda áfram að skrá söguna beint inn á gagnasafnið um leið og henni vindur fram.
„Þetta verður mjög skemmtilegt. Í mínum huga held ég að rafræna formið sé skemmtilegra en að eiga þykka bók upp í skáp,“ segir Jónas að lokum.
Nýjast
-
Verðkönnun vegna Húsavíkurflugs°°
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra. -
Styrkur frá starfsmönnum ÍME
Starfsmannafélag Íþróttamiðstöðvar Eyjafjarðarsveitar stóð fyrir fjársöfnun í bleikum október til handa Krabbameinsfélagi Akureyrar og nágrennis. -
Stóri fýlupósturinn eða allt er gott sem endar vel :-)
Í Kjarnaskógi hafa starfsmenn Skógræktarinnar tekið gleði sína á ný og við þá líka en ekki hvað, enda fátt betra en það sem endar vel. Þetta hér fyrir neðan má lesa á Fb vegg þeirra í morgun. -
Safnar gripum sem framleiddir voru á Plastiðjunni og Iðjulundi
Sigurrós Tryggvadóttir, iðjuþjálfi á Plastiðjunni Bjargi Iðjulundi (PBI) er í viðtali á heimasíðu Akureryarbæjar þar sem hún segir frá söfnun sem hún stendur fyrir á gömlum framleiðsluvörum frá PBI. -
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður. -
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027.
