Skógarauðlindin – innviðir og skipulag
Skógarauðlindin – innviðir og skipulag er yfirskrift Fagráðstefnu skógræktar 2024 sem hefst á morgun, miðvikudag, í Hofi á Akureyri og stendur fram á fimmtudag. Um 140 manns hafa skráð sig til þátttöku á ráðstefnuna hvaðanæva af landinu.
Fyrri dagurinn er helgaður yfirskrift ráðstefnunnar og þar verður spurt spurninga eins og:
- Hver og hvar er skógarauðlindin?
- Hverjar eru áskoranir skógræktenda í skipulagsmálum?
- Hvert er gildi skógarumhirðu?
- Hvaða máli skiptir aðgengi í skógana?
- Hver er hagræn staða skógarauðlindar á Íslandi
- Og hvað er sjálfbær auðlindastýring?
Á ráðstefnunni verða kynntar skattaívilnanir í skógrækt í Skandinavíu og flutt erindi um gildi umhverfis fyrir nám komandi kynslóða. Einnig verða í fyrsta sinn afhent Hvatningarverðlaun skógræktar, sem eru samstarfsverkefni Skógræktarfélags Íslands, Lands og skógar og Bændasamtakanna.
Síðari dag ráðstefnunnar verða fjölbreytt erindi og veggspjaldasýning um margvísleg viðfangsefni sem tengjast skógum og skógrækt. Spurt verður hvort bjarga þurfi blæöspinni og rætt um asparglyttu sem herjar á alaskaösp og víðitegundir. Rætt verður um seiglu skóga og áhrif skógarelda, áskoranir í timburflutningum á Íslandi, áhrif áburðargjafar á losun eða bindingu metans og nituroxíðs í jarðvegi og fleira.
Margir áhugaverðir viðmælendur verða á ráðstefnunni, vísindafólk hjá meðal annars Landi og skógi, Háskóla Íslands, Landbúnaðarháskóla Íslands og Landbúnaðarháskóla Íslands. Þar verður líka Ágúst Sigurðsson, forstöðumaður hinnar nýju stofnunar, Lands og skógar, sem tók við af Skógræktinni og Landgræðslunni um áramótin.
Nánar um dagskrá ráðstefnunnar á vef Lands og skógar.
Nýjast
-
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða.
