Skoða útfærslu á nettari og jafnvel upphituðum biðskýlum
Haldið verður áfram að endurnýja biðskýli Strætisvagna Akureyrar á næstu árum, þau sem orðin eru mjög léleg eða jafnvel ónýt en verið er að vinna að endurnýjunarlista fyrir næstu þrjú ár. Verið er að skoða úrfærslur á m.a. nettari skýlum og upphituðum skýlum í samræmi við umhverfis- og loftslagsstefnu Akureyrarbæjar.
Meðal staða sem hugað er að nú eru á Hjalteyrargötu við Grenivelli, í Skarðshlíð við Bogann og við Heilsugæslustöðina í Sunnuhlíð, á Naustabraut við Davíðshaga og Nonnahaga, á Kjarnagötu við Jóninnuhaga, Geirþrúðarhaga, leikskólann Naustatjörn og við Davíðshaga, í Smárahlíð við Seljahlíð, við Norðurtorg verslunarmiðstöðina, við Hringteig og á Dalsbraut við Klettaborg.
Vinna er hafin við að hanna breytingu á tveimur biðstöðvum í Merkigili sunnan við Giljaskóla. Til stendur að færa biðskýli sem staðsett eru neðan Kiðagils ofan við gatnamótin til að auka öryggi gangandi vegfarenda. Áætlað er að framkvæmdir við breytingarnar hefjist á vordögum 2024.
Jöfnunarstöð við Glerá norðan við Glerártorg - frumdrög Til stendur að færa jöfnunarstöð SVA úr miðbænum, Hofsbót, við Glerá norðan Glerártorgs og er unnið við að hanna biðstöð ásamt starfsmannaaðstöðu og aðlaga að umhverfinu. Staðsetningin er góð og myndi gjörbreyta aðstöðu vagnstjóra og viðskiptavina SVA. Þetta kemur fram í minnisblaði sem var til umfjöllunar hjá umhverfis- og mannvirkjaráði bæjarins á dögunum.
Nýjast
-
Geðverndarfélag Akureyrar fagnar 50 ára afmæli
„Geðverndarfélag Akureyrar hefur ekki verið mjög áberandi undanfarin ár, en á sér engu að síður merka sögu og hefur staðið fyrir mikilvægum framförum í geðheilbrigðismálum í bænum og ýmislegt sem til bóta er í þessum viðkvæma málaflokki,“ segir Valdís Eyja Pálsdóttir formaður Geðverndarfélags Akureyrar. Félagið var stofnað 15. desember árið 1974 og verður því 50 ára gamalt innan tíðar. Haldið verður upp á tímamótin næstkomandi laugardag. -
Verðandi sjávarútvegsfræðingar kynna sér starfsemi Samherja til sjós og lands
Hátt í fjörutíu nemendur í sjávarútvegsfræðum við Háskólann á Akureyri hafa á undanförnum dögum heimsótt skip og landvinnslu Samherja. Nemendur auðlindadeildar skólans hafa um langt árabil átt þess kost að skoða og kynnast starfsemi félagsins, sem hluta námsins. Magnús Víðisson brautarstjóri segir afar mikilvægt að öflug sjávarútvegsfyrirtæki séu starfandi í námunda við skólann, sem geri nemendum kleift að kynnast betur sjávarútvegi og haftengdri starfsemi. -
Aðeins fleira fé slátrað þetta haustið miðað við í fyrra
„Heilt yfir hefur gengið mjög vel, auðvitað hafa rafmagnstruflanir, nettruflanir, veðurtruflanir og ýmislegt af því tagi, stungið sér niður hjá okkur, en sem betur fer gekk allt upp að lokum,“ segir Sigmundur Hreiðarsson framleiðslustjóri Kjarnafæði Norðlenska á sláturhúsinu á Húsavík. -
Að þora að vera hræddur
Nú haustar og í haustmyrkrinu leynast oft myrkraverur og alls konar furðuleg fyrirbæri sem skjóta okkur stundum skelk í bringu. Flest tengjast þau reyndar hrekkjavöku og ýmiskonar skálduðum hryllingi þannig að það er lítið mál að sýna hugrekki og láta sem ekkert sé. Eða hvað, erum við kannski hræddari en við sýnumst, og hvenær erum við annars hugrökk? -
Ferðast landa á milli til að taka þátt í lotu Viðskiptadeildar
Í þarsíðustu viku var lota hjá Viðskiptadeild og þá gafst stúdentum tækifæri á að hitta kennara, samstúdenta og annað starfsfólk Háskólans. Þannig tengjast þeir betur innbyrðis og í lotum er horfið frá hefðbundinni kennslu, til dæmis með því að bjóða gestum úr atvinnulífinu að vera með innlegg í námskeiðum. -
Gefur lífinu aukalit og við hefðum alls ekki viljað missa af honum
„Rúben hefur verið okkur dýrmætur kennari í lífinu og gefið því fallegan auka lit. Við hefðum alls ekki vilja missa af honum,“ segir Arnheiður Gísladóttir móðir Rúbens Þeys, sem fæddist í janúar árið 2020, með Downs heilkenni. Október er mánuður vitundarvakningar um Downs heilkenni á alþjóðavísu. Einstaklingar sem fæðst hafa með heilkennið hafa fylgt mannkyni frá upphafi vega. Þeim fer fækkandi og um tíma hélt Arnheiður að Rúben Þeyr yrði með þeim síðustu hér á landi sem fæddist með heilkennið. Sú hafi þó ekki orðið raunin. Faðir Rúbens er Vífill Már Viktorsson smiður og átti Arnheiður fyrir Karítas Von sem verður 11 ára gömul í nóvember. Fjölskyldan býr á Akureyri. -
Flokkur fólksins er fyrir þig
Ég er þakklátur fyrir að vera sýnt það traust að fara fyrir frábærum frambjóðendum Flokks fólksins í Norðausturkjördæminu í komandi Alþingiskosningunum. Öll mín orka og þrek mun fara í að standa vörð um kjördæmið okkar. Flokkur fólksins hefur verið einarður málsvari landsbyggðarinnar og talað óhikað fyrir framtíð sjávarbyggðanna og jöfnun búsetuskilyrða. -
Hvaða þjónusta skiptir þig máli?
Maskína er um þessar mundir að gera þjónustukönnun fyrir hönd Byggðastofnunar meðal íbúa um land allt (utan höfuðborgarsvæðis) vegna rannsókna á þjónustusókn og væntingum til breytinga á þjónustu. -
Uppeldi á Íslandi í dagsins önn
Sigurbjörg Anna Þorleifsdóttir, stúdent í meistaranámi við Sálfræðideild, vinnur þessa dagana að meistaraverkefni sínu og rannsókn sem skoðar mismunandi uppeldisaðferðir í tengslum við hegðun barna á Íslandi. Dr. Hilal Sen, lektor við Sálfræðideild, er leiðbeinandi Sigurbjargar.
