Samgöngusamningar njóta vinsælda meðal starfsfólks
Hjólageymslur við stærstu starfsstöðvar Samherja og Útgerðarfélags Akureyringa eru vel nýttar þessar vikurnar. Starfsmönnum stendur til boða að gera samgöngusamning, sem kveður á um mánaðarlegan styrk til þeirra sem nota vist- og heilsuvæna ferðamáta til og frá vinnu að jafnaði þrjá daga vikunnar. Fullur styrkur er 9.000 krónur á mánuði og er skattfrjáls.
Anna María Kristinsdóttir mannauðsstjóri Samherja segir að þessi styrkur hafi staðið starfsmönnum til boða frá árinu 2020 og slíkum samningum hafi fjölgað jafnt og þétt, enda um að ræða jákvæðan hvata til að skilja bílinn eftir heima.
Vistvænar hjólageymslur
Hjólageymslurnar við fiskvinnsluhús Samherja og Útgerðarfélags Akureyringa á Dalvík og Akureyri eru vel útbúnar á allan hátt og vistvænar. Hitinn í geymslunum kemur frá vinnsluhúsunum og afgangsorkan þannig nýtt til góðs. Í geymslunum er hægt að hlaða
Jákvæðir hvatar
„Samgöngustyrkurinn stendur til boða frá byrjun mars og út október, sem sagt í átta mánuði ársins. Starfsfólkið þekkir vel þessa samninga og þeim hefur fjölgað ár frá ári, sem er mjög svo ánægjulegt. Eftir því sem hlýnar í veðri fjölgar slíkum samningum og veðrið að undanförnu hérna fyrir norðan hefur haft sitt að segja í þeim efnum. Þessi leið hefur margar jákvæðar hliðar, við vitum öll að minni umferð dregur úr svifryksmengun og þeir sem koma hjólandi eða gangandi til vinnu eru
Hjólar sem oftast í vinnuna
Ásta Garðarsdóttir vinnur hjá Útgerðarfélagi Akureyringa, hún hefur skrifað undir samgöngusamning.
„Já, ég hef tekið þátt í þessu frá byrjun og er mjög ánægð með þetta allt saman. Ég hjóla flesta daga til vinnu, enda frábært að hjóla, sérstaklega þegar svona vel viðrar. Ég heyri ekki annað en að ánægja sé meðal starfsfólksins og hjólum í geymslunni hefur fjölgað mikið á undanförnum vikum. Þessi samningur er bara mjög svo jákvæður.“
Samkvæmt mannauðsstefnu Samherja
Anna María segir að hjólageymsla starfsfólks á skrifstofu Samherja á Akureyri hafi verið endurbætt fyrr á þessu ári. Því miður standi ekki slíkir samningar sjómönnum til boða, þar sem reglur hins opinbera geri ekki ráð fyrir þeirra sérstöðu. Hún vonist til að fundin verði leið til að bæta úr þeim málum.
„Það er í raun sama við hvern maður talar, allir eru sammála um að þetta sé góð hvatning til fólks um að skilja bílinn eftir heima. Þátttakan er orðin nokkuð almenn og hjólageymslurnar eru fullar flesta daga vikunnar og það er frábært. Í mannauðsstefnu Samherja er lögð áhersla á heilsu og vellíðan starfsfólks, góðar hjólageymslur og samgöngustyrkirnir falla vel að þeirri stefnu. Við hvetjum starfsfólk til að nýta sér vist- og heilsuvænan samgöngumáta í ferðum til og frá vinnu, nota aðra valkosti en einkabílinn til hagsbóta fyrir umhverfi eða heilsu,“ segir Anna María Kristinsdóttir mannauðsstjóri Samherja.
Það er heimasíða Samherja sem segir frá þessu
Nýjast
-
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði. -
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun.
