13.nóvember - 20.nóvember - Tbl 46
Reykjaheiðarvegur vígður með formlegum hætti
Átthagafélag Torgara stóð fyrir hátíðarhöldum í tilefni að opnun nýs Reykjaheiðarvegar. Mynd/ Hörður Jónasson.
Nýr og glæsilegur Reykjaheiðarvegur vígður með formlegum hætti
- Minnstu mátti muna að hann hafnaði á heimsminjaskrá UNESCO
„Fljótt á litið mætti halda að myndin væri frá stríðshrjáðu svæði í óminnis fjarlægð hvar brynvarðir skriðdrekar ættu síendurtekið erindi þar um.
En, nei þessi mynd er sannarlega ekki frá neinu fjarlægu átakasvæði.
Hún er nú bara dæmigerð mynd af götunni okkar, Reykjaheiðarveginum að morgni 10. nóvember anno domingo 2018.“
Svona hefst erindi frá íbúum við Reykjaheiðarveg á Húsavík til skipulags- og framkvæmdaráðs Norðurþings árið 2018. Tilefnið var langþráð ósk íbúanna að fá bundið slitlag á Reykjaheiðarveg.
Nú hefur þessi langþráði draumur Torgara orðið að veruleika og götumyndin er öll til fyrirmyndar.
Torgarar eru þekktir fyrir að kunna þá list betur en aðrir að blása til fagnaðar. Á fimmtudag sl. var hinn nýji Reykjaheiðarvegur formlega opnaður. Helena Eydís Ingólfsdóttir var fulltrúi sveitarfélagsins á Opnunarhátíðinni og sagði nokkur orð við tilefnið. Þorkell Björnsson steig einnig á stokk sem fulltrúi elstu kynslóðar Torgara og flutti óborganlega ræðu eins og honum einum er lagið.
„Þetta var vígsla Reykjaheiðarvegar. Svo var bara partý á eftir í Kvíabekk þar sem boðið var upp á heimabakaðar kleinur og frostpinnar fyrir krakkana,“ segir Þorkell í samtali við Vikublaðið
Þið voruð búin að bíða eftir þessum framkvæmdum í áratugi, hefði ykkur nokkuð munað um að bíða í nokkur ár í viðbót? Spurði blaðamaður í kímni.
„Eins og kom fram í ræðu minni, þá hafði ég frétt að hinn metnaðarfulli ráðherra umhverfismála hafi verið að vinna að því að friða Reykjaheiðarveginn og ekki nóg með það heldur ætlaði hann að koma honum á heimsminjaskrá UNESCO,“ svaraði Þorkell og hefur eflaust brosað út í annað en samtalið átti sér stað í gegnum síma.
„Okkar undrun var mjög sterk þegar fréttist að það ætti eitthvað að fara gera við Reykjaheiðarveginn. Við gátum varla trúað þessu. Við vorum meira að segja búin að senda sveitarfélaginu bænarskjal en án árangurs,“ segir Þorkell ennfremur og bætir við að stemningin á opnunarhátíðinni hafi verið í hæstu hæðum.
Það er við hæfi að ljúka þessum greinarstúf á öðru broti úr erindi Torgara sem vísað er í hér að ofan:
„Hér hafa að sjálfsögðu engin stríðstól farið yfir. Einu tækin sem opinberir valdhafar hafa sent inn á þetta svæði eru veghefill þegar ástandinu svipar til þess sem sést á myndinni, og “pissubíllinn” á heitum sumardegi þegar þurrkar eru í hámarki og malarkennt leirlagið er farið að hreyfast óvenju mikið.
Þar með eru að fullu upptalin afskipti ríkjandi valdhafa á hverjum tíma að samfélagi okkar Torgara. Þannig hefur þetta líka verið svo lengi sem elstu íbúar Reykjaheiðarvegar muna, í rúma sex áratugi.“
Nú hafa Torgarar heldur betur tekið gleði sína með eina fallegustu götumynd Húsavíkur.
Nýjast
-
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins. -
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17.
