"Rétt skal vera rétt," segir Gunnar Gíslason um endurgreiðslu styrks
Gunnar Gíslason, nýr oddviti Sjálfstæðisflokksins á Akureyri sendi síðdegis frá sér tilkynningu, vegna styrks sem hann fékk í tengslum við námsleyfi á árunum 2012 og 2013. Gunnar hefur sagt að hann láti senn af starfi fræðslustjóra Akureyrarbæjar. Fordæmi eru fyrir því að þeir sem fengið hafa námsleyfi og hafa sjálfir ákveðið að hætta í starfi hjá bænum, hafa greitt til baka í námsleyfasjóð í samræmi við reglur þar um.
Bréf Gunnars Gíslasonar:
Ég fékk námsleyfi sem fræðslustjóri Akureyrarbæjar í 9 mánuði frá hausti 2012 til vors 2013. Í því námsleyfi var ég að vinna að meistaraverkefni í stjórnun menntastofnana.
Í Samþykkt um styrki til námsleyfa embættismanna Akureyrarbæjar, segir í 4. grein: Við úthlutun styrkja skal við það miðað að starfsmaður geti fengið styrk til þriggja mánaða leyfis eftir þriggja ára starf sem embættismaður. Réttur til styrks eykst um ein mánaðarlaun fyrir hvert ár umfram 3 ár til 9 ára starfsaldurs en hámarksstyrkur til eins árs leyfis fæst eftir 10 ár í starfi hjá bænum. Í 6. grein sömu samþykktar segir svo Styrkur til námsleyfis umfram 3 mánuði er bundinn skilyrði um áframhaldandi starf hjá bænum eftir að leyfi lýkur sem nemur þreföldum leyfistímanum.
Samkvæmt þessari samþykkt má ljóst vera að þar sem ég fékk fullt námsleyfi ber mér að vinna þrefaldan þann tíma sem ég fékk hjá Akureyrarbæ. Fram hefur komið að fordæmi eru fyrir því að þeir sem fengið hafa námsleyfi og hafa sjálfir ákveðið að hætta í starfi hjá bænum, hafa greitt til baka í námsleyfasjóð í samræmi við reglur þar um.
Ég stefni að því að vinna í stjórnunarstarfi hjá Akureyrarbæ sem bæjarfulltrúi ef ég næ kosningu sem slíkur, þiggja fyrir það laun sem dregin er af staðgreiðsla og önnur venjubundin gjöld launamanns og tel mig því ekki vera að hætta störfum hjá bænum. Ef það hins vegar kemur í ljós að ég verð talinn hafa hætt störfum hjá bænum við það að vera kosinn bæjarfulltrúi, þá ber mér augljóslega að greiða til baka þann hluta námsleyfisins sem ég er ekki búinn að vinna af mér. Það hefur reyndar komið fram einnig að ef ég fer í annað starf hjá bænum beri mér ekki að endurgreiða námsleyfið.
Þetta er sú staða sem ég stend frammi fyrir nú og það verður einfaldlega að koma í ljós hvernig með þetta mál verður farið. Það er alveg ljóst af minni hálfu að rétt skal vera rétt og ég mun að sjálfsögðu fara eftir því í hvívetna.
Gunnar Gíslason fræðslustjóri.
Nýjast
-
Tímamót í knattspyrnu-samstarfi KA og N1
Knattspyrnufélag Akureyrar, KA og N1, sem í tæplega 40 ár hafa haft árangursríkt samstarf um mótshald hins vel þekkta N1 móts KA í drengjaflokki, hafa nú ákveðið að taka höndum saman um að koma á laggirnar knattspyrnumóti fyrir stúlkur á aldrinum 9 til 10 ára sem haldið verður með svipuðu sniði og drengjamótið. KA mun annast rekstur og skipulag mótsins, en N1 verða aðalbakhjarl þess. Stúlkurnar munu etja kappi á glæsilegu KA svæðinu helgina eftir Verslunarmannahelgina, eða 8-10 ágúst næst komandi. -
Hafnasamlag Norðurlands Góð staða og spennandi verkefni en hættur geta verið í sjónmáli
Staða Hafnasamlags Norðurlands er afar góð um þessar mundir og mörg spennandi uppbyggingar verkefni í gangi. Ýmsar hættur eru þó í sjónmáli sem geta breytt stöðunni til hins verra. Þar ber helst að nefna þá ákvörðun stjórnvalda að taka upp innviðagjalds á farþega skemmtiferðaskipa. Þær tóku gildi um nýliðin áramót. -
Ný brú á Skjálfandafljót hjá Fosshóli í burðarliðnum
Vegagerðin hefur kynnt byggingu nýrrar tvíbreiðrar brúar yfir Skjálfandafljót á Hringvegi í sveitarfélaginu Þingeyjarsveit. Brúin er hluti af grunnkerfi samgangna en núverandi brú er einbreið og uppfyllir ekki öryggiskröfur Vegagerðarinnar segir í kynningu á vefsíðu Vegagerðarinnar. -
Í upphaf árs; samfélag tækifæra
Hjálmar Bogi Hafliðason skrifar -
Þjóðaratkvæðagreiðsla um viðræður við Evrópusambandið – Af hverju og hvers vegna núna?
Undanfarið hefur umræða um þjóðaratkvæðagreiðslu um framhald viðræðna við Evrópusambandið (ESB) vakið athygli og verið áhugavert að lesa hinar ólíku hliðar og sjónarmið í þessari umræðu. Mikilvægt er þó að skýra að slík atkvæðagreiðsla snýst ekki um framhald eldri viðræðna heldur um upphaf nýrra viðræðna – og þar liggur verulegur munur. -
Hér er kona, um konu…
Konur eru núna í áhrifamestu embættum á Íslandi. Þetta er í fyrsta skipti sem það gerist, sem er að sumu leiti pínu sorglegt að hafi ekki gerst fyrr. -
Skíðastaðir - Fyrsti langi fimmtudagurinn í vetur og forsala vetrarkorta lýkur á morgun
Í dag er fyrsti fimmtudagurinn með lengdum opnunartíma hjá okkur í vetur en það verður opið frá 14-21 í kvöld og alla fimmtudaga í vetur. Það er því um að gera að skella sér í fjallið eftir vinnu í dag og taka kvöldmatinn þar því hægt verður að versla hamborgara uppí Strýtuskála og á Skíðastöðum verður súpa í boði ásamt öðru. -
Nýr aðili tekur við þjónustu gámasvæðis og grenndarstöðva
Um næstu helgi tekur nýr aðili við þjónustu grenndarstöðva og gámasvæðis Akureyrarbæjar. Reiknað er með að þau umskipti gangi snurðulaust fyrir sig en þjónustan gæti þó raskast ofurlítið um stundarsakir. -
Ragnheiður Gunnarsdóttir í Kisukoti langþreytt á svarleysi Akureyrarbæjar
„Það hefur ekki einn einasti maður frá Akureyrarbæ haft samband við mig síðan í apríl í fyrra. Ég hef ekki fengið nein viðbrögð við þeim tölvupóstum sem ég hef sent til starfsmanna bæjarins,“ segir Ragnheiður Gunnarsdóttir sem rekið hefur Kisukot – kattaaðstoð á heimili sínu frá því janúar árið 2012. Bæjarráð samþykkt í nóvember árið 2023 að hefja samningaviðræður við Ragnheiði sem miðuðu að því að koma starfseminni út af heimilinu og í húsnæði sem uppfyllt kröfur fyrir starfsleyfi.
