30. október - 6. nóember - Tbl 44
Reikna með svölum ágústmánuði
Ljósmynd/Bjór
Hinn goðsagnakenndi Veðurklúbbur Dalbæjar á Dalvík hefur sent frá sér veðurspá fyrir ágústmánuð. Klúbburinn þykir óvenju hittinn á spám sínum í gegnum tíðina en það eru undantekningar á öllu enda reyndist júlíspá Dalbæinga heldur bjartsýnni en raunin varð.
„Eftir að við höfðum huggað hvort annað í svolitla stund vegna þess hve spá klúbbsins brást hraparlega fyrir júlí mánuð þá var það samþykkt að líklegasta ástæðan væri að fundurinn var haldinn viku fyrir venjulegan fastan fundartíma, sem er fyrst þriðjudag hvers mánaðar. Og það hafi því væntanlega sett skynjun allra rækileg úr skorðum, því aldrei þessu vant voru allir einmitt sammála um spá júlí fundarins. Ritari klúbbsins átti sök á því að fundurinn var haldin fyrr, eins og sumu öðru og lofaði að reyna allt sem hann gæti til að þetta kæmi ekki fyrir aftur,“ segir í fundargerð klúbbsins.
Meira af því sama
Í spá Dalbæinga fyrir ágúst er ekki gert ráð fyrir afgerandi hlýindum frekar en í júlí en ágætis veður engu að síður.
„Það er vonandi til góðs að núna voru félagar ekki alveg sammála um komandi tíð, en eins einkennilega og það hljómar og ég nefndi hérna að ofan þá virðist það ekki henta að allir séu sammála. En eftir samantekt úr draumum, rúnum, tunglkomum, Hundadaga tengingu og tilfinningum þá er niðurstaðan sú að ágúst verður að mestu svipaður og júlí hérna á stór Dalvíkursvæðinu. Nefnilega ágætis veður en áfram að mestu að norðan með engum afgerandi hlýindum, skýjuðu að hluta en góðu skyni inn á milli.
En ég vil persónulega minna á það að veðrið er oft hreinlega eins og hugur manns…. bjart ef við tökum mest eftir því en dimmt ef hugurinn er mest stilltur þangað.
Munum því að njóta alls þess góða sem við mögulega getum og reynum svo bara að líta framhjá hinu ef hægt er,“ segir í fundargerðinni.
---
Sól er á hádegi í suðri
Sagt er að vonirnar fuðri
Lesa skal söguna sína
Síðan úr gullkornin tína.
Höf. Óþekktur.
---
Allir dagar eiga kvöld
Allar nætur daga
Þannig verða árin öld
Og öldin mannkynssaga.
Höfundur mögulega nefndur síðar.
Nýjast
-
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun. -
Nytjamarkaður Norðurhjálpar er eins árs
„Þetta var dásamlegur dagur og við erum þakklátar öllu því góða fólki sem styður við bakið á okkur, við erum eiginlega alveg vissar um að við er með langbesta fólki í kringum okkur,“ segir Sæunn Ísfeld Guðmundsdóttir ein þeirra fjögurra kvenna sem reka nytjamarkaðinn Norðurhjálp.
