Prjónar lopapeysu á tengdason norsku konungshjónanna
Akureyringurinn Elsa María Guðmundsdóttir er að ljúka við að prjóna fallega lopapeysu. Það þykir í sjálfu sér ekki í frásögur færandi, þótt prjónaðar séu lopapeysur á Íslandi. Það sem er þó sérstakt við þessa peysu er að Elsa er að prjóna hana á norska rithöfundinn Ara Behn en hann er tengdasonur norsku konungshjónanna Haraldar og Sonju, giftur prinsessunni Mörtu Lovísu. Elsa segir að forsaga málsins sé sú, að Þorbjörg systir hennar, sem er að læra norsku í Háskóla Íslands, hafi átt þess kost að hitta norska rithöfunda, sem voru að kynna bækur sínar í Norræna húsinu á dögunum. Þar á meðal var Ari Behn, sem var að kynna bók sína, sem var að koma út á íslensku. Þorbjörg var í lopapeysu sem ég hafði prjónað á hana og Ari varð svona hrifinn af peysunni að hann fór að forvitnast um hvar hún hefði fengið hana. Þorbjörg sagði honum að ég hefði prjónað hana og hann spurði þá hvort hún héldi að ég væri til í að prjóna svona peysu á sig. Hann sagðist svo hrifinn af svona peysum og að þetta væri einmitt munstrið fyrir sig, sem og litirnir. Hann vildi því fá alveg eins peysu og Þorbjörg var í. Ég var alveg til í prjóna peysuna, byrjaði fyrir um þremur vikum og er nú að ljúka við hana. Peysan er úr ekta Álafosslopa og í gömlu sauðalitunum, gráum, hvítum, svörtum og brúnum.
Elsa sagðist ekki vera neitt sérstaklega mikil prjónakona og ekki sú þolinmóðasta en prjónaði þó eina og eina peysu. En það var virkilega skemmtilegt að fá þetta verkefni upp í hendurnar og ég er alveg til í prjóna peysu á prinsessuna líka. Ég hef gaman af því að setja saman munstur en peysan er hluta til mín uppskrift en einnig byggð á annarri uppskrift en munstrið mun heita Ari hér eftir.
Elsa starfar með fólki með fötlun en hún er aðstoðarforstöðumaður hjá Skógarlundi/Birkilundi hæfingarstöð og deildarstjóri á deild skapandi starfs. Hún sagði að það væri jafnframt svo skemmtileg tilviljun að konan hans Ara, prinsessan Marta Lovísa, hefur sérstakan áhuga á að starfa í þágu fólks með fötlun. Ég ætla því að senda henni hluti úr vinnunni hjá mér og skrifa þeim hjónum bréf, þegar ég sendi peysuna út og bjóða þeim að koma í heimsókn í hæfingarstöðina. Ég veit ekki hverju það skilar en það getur vel verið að þau þiggi boðið. Ari kemur oft til Íslands og honum finnst gott að koma hingað, segir Elsa.
Samkvæmt fréttum frá norsku hirðinni eru Marta Lovísa og Ari Behn að flytja til London ásamt dætrum sínum þremur en jafnframt kom fram að prinsessan muni þó áfram starfrækja englaskóla sinn í Noregi og gegna konunglegum skyldum sínum, sem einkum beinast að velgerðarmálum fyrir fatlaða.
Nýjast
-
Nýju kirkjutröppurnar opnaðar
Nýju kirkjutröppurnar verða opnaðar sunnudaginn 22. desember kl. 16. Að lokinni hátíðlegri athöfn er bæjarbúum boðið í skrúðgöngu upp að Akureyrarkirkju. Öll eru hjartanlega velkomin! -
Nemendur í Grenivíkurskóla styrkja Velferðarsjóð
Krakkar á miðstigi í Grenivíkurskóla, í 5. 6. og 7. bekk afhentu sjóðnum 430 þúsund krónur í Glerárkirkju á Akureyri í morgun. Þeir unnu að verkefni nú í haust sem snérist um að skrifa bækur undir leiðsögn kennara sinna, hver nemandi skrifaði eina bók. -
,,Nú tæknin geggjuð orðin er”
Það má nokkuð víst telja að kynni kynbótahrúturinn Kolbeinn frá Grobbholti magnaðan texta Ómars Ragnarssonar sem hann orti fyrir mörgum áratugum og nefndi Árið 2012 væri Kolbeinn að jarma þennan brag, liklega ólundarlega. Vilhjálmur Vilhjálmsson flutti þennan texta listavel og sannfærandi. -
Skrifuðu undir samninga um óstaðbundin störf
Fyrstu samningarnir um óstaðbundin störf á landsbyggðinni voru undirritaðir á Húsavík á dögunum. Annars vegar er um ræða starf sem staðsett verður í húsnæði Sýslumannsins á Húsavík og hins vegar starf sem staðsett verður í vinnustaðaklasanum Útibúinu á Hvammstanga. -
Fjárhagsáætlun Þingeyjarsveitar 2025 samþykkt
Fjárhagsáætlun Þingeyjarsveitar fyrir árið 2025 og þriggja ára áætlun fyrir árin 2026-2028 var lögð fram til síðari umræðu á sveitarstjórnarfundi þann 12. desember og samþykkt. Fjárhagsáætlunin er sett fram í samræmi við 62. gr. sveitarstjórnarlaga nr. 138/2011, fyrir A-hluta og samantekinn reikning fyrir A- og B-hluta. Fyrri umræða fór fram þann 28. nóvember. -
Kalt svæði
Við, sem ekki ólumst upp við gæði hitaveitunnar, deilum ýmsum svölum minningum og lífsreynslu sem aðrir skilja ekki. Heitt vatn var takmörkuð auðlind, magnið sem hitadúnkurinn innihélt kólnaði við notkun og tók nokkra klukkutíma að hitna aftur. Það þýddi ekkert fyrir fjölskylduna í Höfða að drolla í sturtunni og líkamsþvottur heimilismanna var skipulagður út í ystu æsar. -
Höldum eldsvoðalaus jól
Jólin eru handan við hornið og landinn þeysist milli staða í erindagjörðum sem hafa þann tilgang að okkur líði vel yfir hátíðarnar. En við megum ekki gleyma einu í tengslum við hátíð ljóss og friðar – brunavörnum. -
Aðalfundur GA var haldinn 14. desember s.l.
Þann 14. desember síðastliðinn var haldinn aðalfundur Golfklúbbs Akureyrar fyrir rekstrarárið 2024. Mjög vel var mætt, það voru tæplega 100 manns á fundinum. Á fundinum voru hefðbundin aðalfundarstörf og eftir fundinn var nýja inniaðstaðan okkar á Jaðri formlega opnuð. , Það var Halldór M. Rafnsson, heiðursfélagi GA, ásamt Huldu Bjarnadóttur, forseta GSÍ, sem klipptu á rauða borðan íáður en gestir fengu að sjá dýrðina og gæddu sér síðan á snittum og drykkjum að því loknu. -
Bókakynning Til taks – Þyrlusaga Landhelgisgæslu Íslands fyrstu 40 árin
Út er komin hjá Bókaútgáfunni Hólum bókin Til taks – Þyrlusaga Landhelgisgæslu Íslands fyrstu 40 árin. Í bókinni er, eins og nafn hennar gefur til kynna, rakin saga þyrlusveitar Landhelgisgæslu Íslands fyrstu fjóra áratugina. Sagt er frá baráttunni fyrir því að fá björgunarþyrlu til landsins, en þær hafa verið nokkrar í gegnum tíðina og æði misjafnar, viðamestu verkefnum þyrlnanna og sviplegum atburðum í rekstri þeirra. Tveir af höfundum bókarinnar, þeir Páll Halldórsson og Benóný Ásgrímsson, eru reyndustu þyrluflugmenn okkar og hafa þeir, ásamt fleirum auðvitað, komið mörgum til bjargar. Þriðji í hópi höfunda er Júlíus Ó. Einarsson, þjóðfræðingur og fyrrum lögreglumaður.
