Opnun nýju skíðalyftunnar frestast enn
Skíðavertíðin í Hlíðarfjalli hefur farið vel af stað það sem af er vertíðinni og gengið vel að virða sóttvarnarreglur. Skíðaþyrstir bíða enn í ofvæni eftir nýju stólalyftunni sem upphaflega átti að vera tilbúin í desember 2018 en opnun hennar hefur ítrekað verið frestað síðan.
„Það er verið að leggja lokahönd á framkvæmdir við skíðalyftuna. Það hafa verið ýmis tæknileg atriði sem verið er að útfæra,“ segir Geir Gíslason formaður Vina Hlíðarfjalls í samtali við Vikublaðið í vikunni. Slæmt veður að undanförnu hefur valdið töfum en að sögn Geirs mun veður ekki hafa úrslitaáhrif á rekstur lyftunnar þó að það sé vindasamara á þeim stað sem lyftan er miðað við núverandi stólalyftu.
„Auðvitað er þannig eins og með aðrar stólalyftur að þær eru ekki keyrðar í miklum vindi. Það er meiri vindur þarna uppi heldur en þar sem núverandi stólalyfta er en það er bara eins og gengur og gerist í þessu,“ segir Geir og bætir við að fyrir skemmstu hafi öllum skíðalyftum verið lokað í Hlíðarfjalli vegna vinds og segir að það sé bara eðlilegt og ekkert öðruvísi hvað nýju lyftuna varðar.
„Þetta hefur vissulega tekið lengri tíma en upphaflega var gert ráð fyrir og Covid-19 faraldurinn hefur ekki verið að hjálpa til. Það er verið að fá fólk að utan við að vinna við lyftuna þannig að það hefur vissulega gert okkur erfitt fyrir,“ útskýrir Geir aðspurður um það hvernig gangi að ljúka frágangi.
Hann segir ekki vera komin dagsetning á það hvenær lyftan verði tekin í notkun. „Ég þori ekkert að segja til um það. Það er verið að róa á öllum árum til þess að það verði sem fyrst,“ segir hann og bætir við að það verði klárlega á yfirstandandi skíðavertíð.
Í Facebook-færslu Akureyrarbæjar segir að verkið sé mjög langt komið en slæm veðurskilyrði um of langan tíma hafi gert mönnum óhægt um vik að klára ýmsa tæknilega vinnu við uppsetningu og frágang lyftunnar. Nú er markið sett á að hægt verði að taka nýju stólalyftuna í notkun eftir rúman mánuð eða í seinni hluta marsmánaðar.
Geir vill ekkert gefa upp um það hver endanlegur kostnaður við nýju lyftuna verður. „Hún kostar það sama fyrir bæinn og upphaflega var gert ráð fyrir og sama fyrir notendur en aðeins meira fyrir okkur. Við höfum ekki verið að gefa upp endanlegan kostnað enn sem komið er en eins og gefur að skilja kostar lyftan eitthvað meira en lagt var af stað með í upphafi.“
-epe
Nýjast
-
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök. -
Á að vera landbúnaður á Íslandi?
Þetta er grundvallarspurning sem allir íslendingar þurfa að gera upp við sig ásamt þeirri spurningu hvort byggð eigi yfir höfuð að haldast annars staðar en á sv-horninu. Með ríkjandi borgríkisstefnu síðustu ára í boði Sjálfstæðisflokks, Framsóknarflokks og Vinstri grænna hefur það skilað 85% þjóðarinnar á eitt horn landsins. -
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk. -
Það sem Húsavíkingar gera best
Bjóða íbúa Manchester velkomna í bæinn -
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina.
