20. nóvember - 27. nóvember - Tbl 47
Ódýrara að trukka öllu suður en það er ekki umhverfisvænt
Móttökustöðin á Akureyri tekur á móti um 1 milljón af flöskum og dósum á mánuði. Mynd Vb
„Það er dýrt að taka við gleri og því reynum við af öllum mætti að taka ekki inn annað gler en það sem er í skilakerfinu,“ segir Helgi Lárusson framkvæmdastjóri Endurvinnslunnar. Fyrir utan umstang við að taka við óskilagjaldskyldu gleri, flytja það og brjóta tók ný gjaldskrá gildi hjá Akureyrarbæ í febrúar. Nýja gjaldskráin er mun hærri en sú sem áður var í gildi, hækkaði úr rúmum 6 krónur á kíló upp í 75 krónur.
Helgi bendir á að um áramót hafi [HL1] ný lög tekið gildi sem geri sveitarfélögum skylt að setja upp söfnunargáma fyrir gler. Nokkru eftir að þessar reglur voru innleiddar var gjaldskrá Akureyrarbæjar hækkuð. „Mér skilst að málið sé til skoðunar hjá Akureyrarbæ og við viljum vinna þetta í vinsemd með þessu ágæta sveitarfélagi,“ segir Helgi.
Talsvert er um að gler af ýmsu tagi, sultukrukkur, lýsisflöskur, glerflöskur undan olíu og fleiri slæðist með í dósapokum Akureyringa þegar þeir koma og skila inn til Endurvinnslunnar. Eftir að Akureyrarbær hækkað gjaldskrá sína kostar það Endurvinnsluna umtalsverða fjármuni að koma glerinu í viðunandi farveg.
Mismunun í gjaldskrá
„Það er svolítið sérstakt við þessa nýju gjaldskrá, að ef við værum með kennitölu á Akureyri væri gjaldið 8.20 krónur, en af því kennitala fyrirtækisins er skráð í Reykjavík er okkur gert að greiða 75 krónur fyrir kílóið. Okkar mat er það að mismunun í gjaldskránni skapi ekki gott fordæmi og er alls ekki í þeim anda að við séum öll í sama liðinu þegar kemur að endurvinnslu,“ segir Helgi.
Það sé því mun ódýrara fyrir alla ef Akureyringar skili öðru gleri en því sem skilagjald er á í grenndargáma sveitarfélagsins. Helgi segir að þetta háa gjald geri að verkum að það sé ódýrara fyrir Endurvinnsluna að keyra með glerið til förgunar á móttökustöð við Blönduós, um 400 kílómetra leið báðar leiðar, en gjaldið þar er um 8 krónur á kíló. „Það er meira að segja ódýrara fyrir okkur að trukkast með glerið alla leið suður til Reykjavíkur og endurvinna það þar fremur en að borga uppsett gjald á Akureyri. Það þykir okkur hins vegar ekki sérstaklega umhverfisvænn flutningur.“
Helgi segir að um sé að ræða tímabundið ástand og að verið sé að klára
það ferli að koma gleri til endurvinnslu beint frá Akureyri. „Við erum komin vel áleiðis en það eru ýmis flækjustig sem við eigum eftir að leysa úr.“
Sveitarfélög með 4 til 8 krónur á kíló
Helgi segir að hvergi á landinu sé gjaldskráin fyrir móttöku á gleri í líkingu við þá sem gildir á Akureyri. Felst sveitarfélög rukki á bilin 4 til 8 krónur fyrir kíló af gleri. „Við fáum þá skýringu að kennitala fyrirtækisins sé skráð í Reykjavík. Endurvinnslan er fyrirtæki með höfuðstöðvar í Reykjavík, en með starfsemi út um allt land. Það gengi ekki upp að skipta félaginu upp í margar litlar einingar hver á sínum stað út um landið,“ segir hann
Móttökustöðin á Akureyri tekur á móti um 1 milljón af flöskum og dósum á mánuði. Það eru um 15 tonn af plastflöskum og áldósum og 45 tonn af gleri. Ál og plast verður að nýjum drykkjarumbúðum á 60 dögum og gler mun fljótlega verða að nýrri glerflösku. Hvetur Helgi því alla til að flokka og koma skilaskyldum drykkjarumbúðum til Endurvinnslunnar slíkt sé hluti af hringrásarhagkerfinu.
[HL1]Ný lög
Nýjast
-
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður. -
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit.
