Nýr bátur í Grímseyjarflotann
„Það er alltaf gaman að fá nýjan bát,“ segir Jóhannes Henningsson sem ásamt bræðrum sínum, Sigurði og Henning komu með nýjan Björn EA 220 til Grímseyjar síðdegis á sunnudag. Báturinn er gerður út af félaginu Heimskautssport sem er í eigu bræðranna sem gjarnan eru kenndir við Höfða og fjölskyldna þeirra. Bátar úr eynni sigldu á móti Birni og buðu velkomin, en hefð er fyrir því að fagna nýjum bátum í Grímseyjarflotann með því að taka vel á móti þeim og áhöfnum þeirra.
Sigldu bræðurnir frá Grímsey á gamla Birni EA og fengu nýjan í staðinn. Björn EA er af gerðinni Kleópatra 44, smíðaður hjá Trefjum í Hafnarfirði. „Við erum að endurnýja hjá okkur, skipta þeim gamla út fyrir nýjan, þeir eru svipaðir en sá nýi þó örlítið stærri,“ segir Jóhannes. Þeir notuðu tímann í byrjun vikunnar til að gera bátinnkláran fyrir veiðar, luku uppsetningu á netaspili og fóru prufutúr, „en svo erum við bara klárir,“ segir hann og bætir við að vel hafi viðrað í Grímsey undanfarin hálfan mánuð, kærkominn sumarauki eftir frekar sólarlítið sumar.
Ekki vandræði með aflann
Jóhannes segir að vel hafi fiskast á liðnu sumri, „það eru nú ekki vandræðin með aflann, frekar að fá að veiða hann,“ segir hann. Líflegt var í Grímsey í sumar meðan á strandveiðum stóð, en svo vel gekk að kvóti var búinn í byrjun ágúst og strandveiðitímabili þar með lokið. „Það stoppaði allt þá, en var býsna mikið umleikis hjá okkur fyrri hluta sumars,“ segir hann og bætir við að haustið líti vel út, gott veður og fínt fiskerí.
Nýjast
-
Að kjósa taktískt
Komið er að lok kosningabaráttu sem hefur í senn verið áhugaverð og skemmtileg. -
Stefnir í litaðar viðvaranir i veðrinu
Óhætt er að fullyrða að það hvernig veður skipast í lofti næstu daga muni hafa áhrif hvernig tekst til við við framkvæmd Alþingiskosninga, en óhætt er að segja að blikur séu á lofti. -
Alþingiskosningar, laugardaginn 30. nóvember 2024
Kjörstaðir í Akureyrarbæ eru í Verkmenntaskólanum á Akureyri, í Hríseyjarskóla og í Félagsheimilinu Múla í Grímsey. Akureyrarbæ er skipt í 13 kjördeildir, 11 á Akureyri, ein í Hrísey og ein í Grímsey. Skipting kjósenda í kjördeildir fer eftir búsetu samkvæmt skráðu lögheimili hjá Þjóðskrá þann 29. október kl. 12:00 og eru kjósendur beðnir um að kynna sér í hvaða kjördeild þeim ber að kjósa. Hægt er að fletta upp í kjörskrá á vef Þjóðskrár á slóðinni: www.kosning.is. Kjörfundur hefst kl. 9:00 og lýkur eigi síðar en klukkan 22:00. -
Frozen hátíðardanssýning Steps Dancecenter í Hofi 30. nóvember
Steps Dancecenter á Akureyri býður íbúa og gesti bæjarins velkomna í sannkallað dansævintýri þann 30. nóvember, þegar nemendur skólans stíga á svið í Hofi með glæsilega hátíðarsýningu með ævintýrið Frozen. -
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra.
