Nökkvi Freyr Þórisson til Beerschot
Heimasíða KA greinir frá.
Nökkvi Þeyr Þórisson er á leið í læknisskoðun hjá belgíska liðinu Beerschot. Félögin hafa komið sér saman um kaupverð og ef allt gengur að óskum hjá Nökkva mun hann ganga til liðs við belgíska félagið fyrir lokun gluggans í Belgíu annað kvöld. Samningurinn mun gilda út árið 2025
Nökkvi sem nýlega varð 23 ára hefur vakið gríðarlega athygli fyrir framgöngu sína með KA liðinu, þá sérstaklega á núverandi tímabili, en hann er markahæsti leikmaður Bestu deildarinnar með 17 mörk.
Enginn leikmaður KA hefur skorað jafn mörg mörk á einu tímabili í efstu deild en auk deildarmarkanna 17 gerði Nökkvi 5 mörk í Mjólkurbikarnum. Alls hefur Nökkvi spilað 71 leik fyrir KA í deild og bikar og gert í þeim 30 mörk.
Nökkvi kemur frá Dalvík þar sem hann vakti fljótt athygli og fór á reynslu ásamt tvíburabróður sínum, Þorra Mar, á reynslu til Hannover í Þýskalandi þar sem þeir fengu í kjölfarið samning aðeins 16 ára gamlir. Sumarið 2018 gekk hann í raðir uppeldisfélagsins þar sem hann gerði 10 mörk í 16 leikjum og var lykilmaður í liði Dalvíkur/Reynis sem vann sigur í 3. deildinni.
Í kjölfarið gekk Nökkvi ásamt bróður sínum í raðir KA þar sem hann hefur stimplað sig frábærlega inn í félagið okkar. Nökkvi er gríðarlega metnaðarfullur og leggur ákaflega mikið á sig aukalega sem hefur heldur betur skilað sér inni á fótboltavellinum. Þá er Nökkvi einnig öflugur félagsmaður og frábær fyrirmynd fyrir iðkendur okkar.
Við óskum Nökkva svo sannarlega til hamingju með þetta magnaða tækifæri og óskum honum alls hins besta í Belgíu.
Segir í frétt á www.ka.is
Nýjast
-
Að kjósa taktískt
Komið er að lok kosningabaráttu sem hefur í senn verið áhugaverð og skemmtileg. -
Stefnir í litaðar viðvaranir i veðrinu
Óhætt er að fullyrða að það hvernig veður skipast í lofti næstu daga muni hafa áhrif hvernig tekst til við við framkvæmd Alþingiskosninga, en óhætt er að segja að blikur séu á lofti. -
Alþingiskosningar, laugardaginn 30. nóvember 2024
Kjörstaðir í Akureyrarbæ eru í Verkmenntaskólanum á Akureyri, í Hríseyjarskóla og í Félagsheimilinu Múla í Grímsey. Akureyrarbæ er skipt í 13 kjördeildir, 11 á Akureyri, ein í Hrísey og ein í Grímsey. Skipting kjósenda í kjördeildir fer eftir búsetu samkvæmt skráðu lögheimili hjá Þjóðskrá þann 29. október kl. 12:00 og eru kjósendur beðnir um að kynna sér í hvaða kjördeild þeim ber að kjósa. Hægt er að fletta upp í kjörskrá á vef Þjóðskrár á slóðinni: www.kosning.is. Kjörfundur hefst kl. 9:00 og lýkur eigi síðar en klukkan 22:00. -
Frozen hátíðardanssýning Steps Dancecenter í Hofi 30. nóvember
Steps Dancecenter á Akureyri býður íbúa og gesti bæjarins velkomna í sannkallað dansævintýri þann 30. nóvember, þegar nemendur skólans stíga á svið í Hofi með glæsilega hátíðarsýningu með ævintýrið Frozen. -
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra.
