20. nóvember - 27. nóvember - Tbl 47
Nauðsynlegt að styrkja innviði ef taka á móti fleira fólki -segir Hildigunnur Svavarsdóttir forstjóri SAk
Mikil aukning hefur verið í komum ferðamanna á Sjúkrahúsið á Akureyri það sem af er ári og er rúmlega 50% aukning ósjúkratryggðra á fyrstu 7 mánuðum ársins. Mynd úr safni
Mikil aukning hefur verið í komum ferðamanna á Sjúkrahúsið á Akureyri það sem af er ári og er rúmlega 50% aukning ósjúkratryggðra á fyrstu 7 mánuðum ársins. Innlögðum ósjúkratryggðum hefur einnig fjölgað talsvert milli ára. Þá er áfram mikið álag á legudeildum og rúmanýting þar um 100%. Enn er sú staða fyrir hendi að sjúklingar liggja á bráðalegudeildum og á Kristnesspítala eftir föstu plássi hjá Heilsuvernd hjúkrunarheimili á Akureyri.
Hildigunnur Svavarsdóttir forstjóri Sjúkrahússins á Akureyri segir að sú mikla aukning í komum ósjúkratryggðra á SAk hafi verið fyrirséð og áhyggjur af hugsanlegri stöðu hafi verið viðraðar á fundum með bæjaryfirvöldum og fleirum. „Það var ljóst að komur skemmtiferðaskipa yrðu fleiri en áður nú á þessu sumri og það er alltaf hluti af ferðamönnum sem þarf á heilbrigðisþjónustu að halda. Það ástand sem við óttuðumst að kæmi upp í sumar hefur orðið að veruleika, þ.a. við höfum tekið á móti miklum fjölda ferðamanna, fleirum en áður og það hefur skapað aukið álag á starfsemina sem var ærið fyrir,“ segir hún. „Þetta hefur verið býsna strembið tímabil.“
Hildigunnur segir að aukin fjöldi skapi vissulega auknar tekjur og ýmislegt sé jákvætt við fjölda ferðamanna í bænum. En einnig skapi það mikla aukavinnu að sinna erlendum ferðamönnum sem hingað leiti eftir heilbrigðisþjónustu, túlkaþjónusta m.a. og samskipti við tryggingafélög. Það bætist við álagið og mannekluna sem við sé að eiga.
Þarf að byggja upp innviði
„Það er að mínu mati komið að því að við förum yfir þessi mál og greinum betur þessar komur m.t.t. viðbragða. Það þarf að styrkja innviði, þeir þurfa að vera fyrir hendi ef stöðug aukning verður i komum ferðamanna. Búist er við að fjöldinn verði svipaður næsta sumar og við þurfum að vera í stakk búin til að mæta þeim áskorunum sem við okkur blasa og tryggja að til staðar séu nauðsynlegir innviðir sem ráða við þessa aukningu,“ segir Hildigunnur.
Legudeildir sjúkrahússins hafa verið fullar í sumar, rúmanýting á lyflækningadeild var 99,5% og 97,6% á skurðlækningadeild nú í ár. Einnig hefur verið þungt á geðdeild á árinu, rúmanýting þar er um 92% miðað við 70% á liðnu ári.
Nú í lok júlí biðu um 13% inniliggjandi einstaklinga á bráðalegudeildum og á Kristnesspítala eftir að fá fast pláss á Heilsuvernd hjúkrunarheimili á Akureyri. Álag á SAk hefur aukist til muna eftir að rýmum hjá Heilsuvernd fækkaði, vegna mygluvandræðam, og ekki hefur verið hægt að tryggja næga heimahjúkrun fyrir einstaklinga sem geta farið aftur heim.
Nýjast
-
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur.
